حكـاية موجـعه

[المهاجر07]

ياهلا ومرحبا بالجميع ..
بدون مقدمات ..
أخليكم مع القصيده وإن شاء تنال رضاكم .
وأشكر أخوي الغالي مفارق الخلان على التصميم
ألف شكر يالغالي ..
.

http://y1y1.com/hd3/albums/userpics/11855/%C7%E1%E3%E5%C7%CC%D1.%E3%DD%C7%D1%DE.jpg[/align]

[ألم وعشناه]

حاربت حبي الظروف ولاقـدرت إنـي أمنعـه
والوكاد إني بعيش الحب فـي ظـل السكـون
شفت نفسي ضايع(ن) في وسط دنيا الأقنعـه
والهوى شفته غريبه ملونينه بـ1000 لـون
والحبيب اللي أسرنـي كـان يمشـي وتبعـه
كان شمعة في حياتي نورهـا نـور العيـون
كان قربي لـو بغيتـه أتصـل بـه وسمعـه
كنت طفل(ن) مايصدق يرتمي بحض(ن) حنون
لاطريتـه فـز قلبـي ونحنـى يسترجـعـه
والمشاعر له تغني بالقصيـد أحلـى لحـون
ايه تكفـي يازمانـي ليتنـي عايـش معـه
ليتني فـي قربـه اللـي لايصـد ولايخـون
أرسمه وأكتب حروفه وأنثـره.. ثـم أجمعـه
وعزف أشواقي طرب وصرخ أحبك للجنـون
وأخذه لحضني وضمه .. وندفن بين أضلعـه
وأسرح بفكري دقايق بين رمشـه والجفـون
ما أصـدق حدنـي وقتـي وجيـت أودعـه
حسبي يالله يالزمان اللي ملا صدري طعـون
الهموم اللـي بقلبـي ضيٌقـت أرض السعـه
والليالي تستمـد مـن الألـم والتيـه عـون
أنحرمت مـن السعـاده والسنيـن المُمتعـه
وأنا توي بادي(ن) درب المحبـه والشجـون
خاننـي حظـي وحظـك ياحبيبـي شجعـه
أفترقنـا والقـلـوب الوافـيـه يتفـارقـون
ماسمعت اللي يقول إنما صفـى وقتـك طعـه
وأنا وقتي ماصفى لي وأنـت والله ماتهـون
أدعـي الله مـن خـذا خلـي بيـوم يرجعـه
قبل ياتي يـوم لاينفـع معـه مـال وبنـون
وإن حكـم مابيننـا تبقـى حكايـة موجعـه
بكتبك في دفتـري وتخيلٌـك فـوق المـزون


اخي المهاجر07
يشرفني كثيرا انني اول من يعانق هذه الدره
الثمينه كلمات في منتهى الروعه والجمال
صح لسانك ملاااااااايين ولا يكفون
دمت للشعر نبراسا
وربي يسعد ايامك

تقبل مني اعذب التحايا
اخوك
ألم

[الجــرح]

الأستاذ الكريم المهاجر

بيد أنه لا يحق لي المرور من هنا دون تعقيب وافي يصل الى مستوى هذه القصيدة

فانني أثني عليك أولا

وعلى قصيدتك ثانيا

وقد كتبت قبل هذا ردا وأردفته بعض الابيات

ولكن المنتدى أغلق حين كنت اقوم بتنزيل الرد

ولعلي ياسيدي أعود فأردف برد يكون في مقام هذه القصيدة

دمت بخير

ويعطيك الف عافية

[عـمـرين]

سجل حضورى واعجابى اخوى المهاجر

لك اطيب المنى

عاشقه نجد

[بقايا عاشق]

المهاجر07



كلمات جميلة تفوح حروفها بالعطور ..
والروعة والجمال والرُقي ...
رائعــــــ .. ما نقشته أحرفك علي الصفحات ..
فأنت " ملكـ" بأسلوبك .. مبدع في الكلمة ..
ولا أستطيع التعبير عن قمة روعتك ..
لأن حروفك وكلماتك سبقتني التعبير



اخوكــ
بقايا

[المسكت]

المهاجر
والتحيه والحب لك ولمفارق
ولقلوب تسكنكم ناصعه البياض

ماسمعت
إللي
يقول إن ماصفا وقتك طعــه!!

وأنــا وقتي
/ماصفالي\

((وأنت والله ما تهـون))

لا هنت ولا هان غاليك سيدي

أبيات من صميم القلب احسدك عليها

لك تحياتي ودمت بود وسعاده

احترام اخوي

المسكت

[سيف الساهر]

ماسمعت اللي يقول إنما صفى وقتـك طعـه
وأنا وقتي ماصفى لي وأنـت والله ماتهـون
أدعي الله مـن خـذا خلـي بيـوم يرجعـه
قبل ياتي يـوم لاينفـع معـه مـال وبنـون
وإن حكـم مابيننـا تبقـى حكايـة موجعـه
بكتبك في دفتـري وتخيلٌـك فـوق المـزون

المهاجر ماجمل احساسك وبوحك

دمت شامخا اخي

تقبل تحياتى

الساااااااااااااااااااااااااااااهر

[العناااا]

أخي المهاجر ..

نحنُ نبحث عن الكلمات ..

والكلمات تفر هاااااربة إليك .. !!

نص يحمل من شفافية الروح الكثير الكثير

دام تألق هذا القلم

ودام حضور هذا الفكر ..

وتصميم جميل كعادتك يامفارق ..

دمتما بروعة ..

أرق التحاياااا http://members.lycos.co.uk/qetharah/up/up/i.gif