أبو مانع
04-11-2005, 01:23 AM
وقّـــــف وشــف
حاولـت نسيانـك مـع الايـام لكـن للأسـف
اذا غفيت بنومتـي شفتـك علـى ليلـي تمـر
مدري على قيد الحياة انطرك او نبضك وقـف
لكن اذا باقي بقلبك رحمـة ارسـل لـي خبـر
اسألك بالله كـان تذكـر حبنـا وقّـف وشـف
سجل حضورك لجل اشوف اسمك ولاعليك امر
ارجوك لاتدخل لصفحاتي دخـول المحتـرف
سجل دخول وخلني اقـراك فـي اول سطـر
مابيك تذكرني ولاتذكـر جميـع اللـي سلـف
ابي حروف اسمك تعيد لمقلـة العيـن النظـر
ياحبي اللي كل يوم ابكيك ليـن الدمـع جـف
ولك مني اعاهدك ببكي غيبتـك طـول العمـر
تصـدق انـي مـن فقدتـك ماتهنيـت بتـرف
اذا ذكرتك غصـة عيونـي بدمعـي وانهمـر
صحيح انا قررت دفن الحزن في احدى الشرف
لكن قبرني حزني الطاغي وفي الوقت استمـر
باقي بدنياي امنية ؟ ياليت قلبـي مـن خـزف!
من شان اذا مني ذكرتك طاح قلبـي وانكسـر
وارتاح من كثر العذاب اللي ترك عيشي قـرف
وأودع الدنيـا الحزينـة والعبـايـر والقـهـر
لكن انا قلبي طرواة لحـم مـن اربـع شقـف
لك داخلة دولة وحاكمها انت يـاروح السهـر
اذا ذكرك اهتـزت عروشـة وكلـه يرتجـف
في داخلي جمرة واذا طاح استوى ليلي جمـر
وشلون اكرر تجربة حبي بعـد دمـي نشـف
حرام اعيش التجربة مع شخص ثانـي يابشـر
ياناس انا في داخلي دم الجريـح اللـي نـزف
في داخلي ميت طموح الحب لي كم من شهـر
يعني انا انسان عـن غيـري حياتـي تختلـف
مابي اعيد التجربة واطيح فـي ادهـى وامـر
بابقى خفيف الظل بين الناس واهديهـم تحـف
واترك مجال الحب للـي مابعـد ذاق العـزر
الحب يبدأ باندفـاع ورغبـة وشـوق وشغـف
له لذة ٍ يطري عليك بطعمهـا المـوت الحمـر
الحب يوهمك ان موتك فيه يعني لـك شـرف
ماتدري انك قاعد ٍ تغرق طموحـك فـي بحـر
الله يوم اذكر سوالف كربـلاء واهـل النجـف
احس حبي كان مـن اعـرق سلالـة منحـدر
واليوم انا بهديك عبراتي على بيض الصحـف
واقول اذا منك قريـت كتابتـي عطنـي خبـر
حاولـت نسيانـك مـع الايـام لكـن للأسـف
اذا غفيت بنومتـي شفتـك علـى ليلـي تمـر
مدري على قيد الحياة انطرك او نبضك وقـف
لكن اذا باقي بقلبك رحمـة ارسـل لـي خبـر
اسألك بالله كـان تذكـر حبنـا وقّـف وشـف
سجل حضورك لجل اشوف اسمك ولاعليك امر
ارجوك لاتدخل لصفحاتي دخـول المحتـرف
سجل دخول وخلني اقـراك فـي اول سطـر
مابيك تذكرني ولاتذكـر جميـع اللـي سلـف
ابي حروف اسمك تعيد لمقلـة العيـن النظـر
ياحبي اللي كل يوم ابكيك ليـن الدمـع جـف
ولك مني اعاهدك ببكي غيبتـك طـول العمـر
تصـدق انـي مـن فقدتـك ماتهنيـت بتـرف
اذا ذكرتك غصـة عيونـي بدمعـي وانهمـر
صحيح انا قررت دفن الحزن في احدى الشرف
لكن قبرني حزني الطاغي وفي الوقت استمـر
باقي بدنياي امنية ؟ ياليت قلبـي مـن خـزف!
من شان اذا مني ذكرتك طاح قلبـي وانكسـر
وارتاح من كثر العذاب اللي ترك عيشي قـرف
وأودع الدنيـا الحزينـة والعبـايـر والقـهـر
لكن انا قلبي طرواة لحـم مـن اربـع شقـف
لك داخلة دولة وحاكمها انت يـاروح السهـر
اذا ذكرك اهتـزت عروشـة وكلـه يرتجـف
في داخلي جمرة واذا طاح استوى ليلي جمـر
وشلون اكرر تجربة حبي بعـد دمـي نشـف
حرام اعيش التجربة مع شخص ثانـي يابشـر
ياناس انا في داخلي دم الجريـح اللـي نـزف
في داخلي ميت طموح الحب لي كم من شهـر
يعني انا انسان عـن غيـري حياتـي تختلـف
مابي اعيد التجربة واطيح فـي ادهـى وامـر
بابقى خفيف الظل بين الناس واهديهـم تحـف
واترك مجال الحب للـي مابعـد ذاق العـزر
الحب يبدأ باندفـاع ورغبـة وشـوق وشغـف
له لذة ٍ يطري عليك بطعمهـا المـوت الحمـر
الحب يوهمك ان موتك فيه يعني لـك شـرف
ماتدري انك قاعد ٍ تغرق طموحـك فـي بحـر
الله يوم اذكر سوالف كربـلاء واهـل النجـف
احس حبي كان مـن اعـرق سلالـة منحـدر
واليوم انا بهديك عبراتي على بيض الصحـف
واقول اذا منك قريـت كتابتـي عطنـي خبـر