الله يسامحك بخطاك وتغليك والله يسامحني على جرح الأعماق

[أسيرة الحزن]

قررت أدوس القلب لا جاب طاريك =وأدفن رماد باقي فنار الأشواق
زهرة شبابي ما ارتوت في تلاقيك =وتوني عرفت إنك مغيب للأشواق
للشمس نور ما ظهر في مواريك =ولليل وحشة ساكنة بين الأحداق
كنت أتحرى فضل الأحزان وأرجيك =وغيمة سواد الهم غطت الآفاق
هقيت بأحلام الليالي تباريك =وأنت لهواجيسي والأفكار سراق
إن كان لي حظ معك كيف أخليك ؟؟=وإن كأنها الفرقا هلا بكلمة ٍفراق !!
لا صرت جافيني وأنا صرت جافيك=وش تنفع عهود على حبر وأوراق
رح في طريقك سهل الله خطاويك =يا صاحبي ما ني على الوصل شفاق
أول وأنا من جملة الناس شاريك =ما يلفت أنظاري طويلين الأعناق
واليوم في هذي مع هذي وذيك =ما فاق حسنك وبجزيلات الأخلاق
وداع يا حب دمرته بأياديك =وداع يا درب مشيناه عشاق
الله يسامحك بخطاك وتغليك =والله يسامحني على جرح الأعماق

[صالح آل سلمان]

لا صرت جافيني وأنا صرت جافيك
وش تنفع عهود على حبر وأوراق
رح في طريقك سهل الله خطاويك
يا صاحبي ما ني على الوصل شفاق
يعطيك العافيه
مشاركه روعه وبداية قوية
اتمنى لك دوام التوفيق
والاستمرار لكي لا تحرمي الاعضاء من ابداعك
لك خالص الموده
دباس الجارح

[العناااا]

أسيرة الحزن ..

اسمك ... وطعم الحزن الموجود فيه ..

أسلوبك في الكتابة .. لا أدري يداخلني إحساس أنكِ تعرفينا ونعرفكِ جيداً ..

فإن كنتِ رحلتِ وعدتِ الآن أو كنتِ جديدة معنا فعلاً ..

وإن كنتُ قرأتكِ سابقاً .. أو أنني قرأتكِ الآن فقط ..

في كلا الأمرين ..

مرحباً بكِ أيتها الطيبة وسهلاً ..

وقصيدتك أروع من الروعة .. وإحساسها طاااغي الجمال ..

دمتِ بحب ..

وبانتظار جديدك دائماً ..

أرق التحاياااا لك http://members.lycos.co.uk/qetharah/up/up/i.gif
من اختك العناااا

[الجــرح]

مسااء جميل بجمال هذا الهمس

مساء رائع بروعة هذات الحضور

مساء أسيرة الحــزن .... التي لا يكتمل المساء الا بها

*
*
*
*
*
عطني غلا وأعطيك عمري وحالي
حب(ن) مخلد ما حلم فيه مخلوق

منك الوفا يكفي وهذا منالي
في دنيتي يا حالي الطبع والذوق

ارقب وفاك وحاير(ن) في سؤالي
واحس إني دون شوفتك مخنوق

في وحدتي اجلس اعد الليالي
واسهر معاها لين طلعات الشرووق

صوتك يصبرني ويرثي الحالي
استر به ويخفف الهم والشوق

إن شفت طيفك ابتهج بإحتفالي
واسرح إلين الصبح ينساب وافووق

عجل بوصلك وافتهم ما جرى لي
وإن مت انا افداك يا حالي الذوق

عطني غلا واعطيك عمري وحالي
حب(ن) مخلد ما حلم فيه مخلوق
*
*
*
*
دمتي بألف خـــيــر

وأحييك وأثمن هذه المشاركة الرائعة

سلمتي لنا ودمتي وحيي قلمك الشاعري النابض

لك مني كل الوفاء والتقدير

[سعودي جنوبي]

السلام عليكم ورحمة الله
أبدعتي أختي الفاضله أسيرة الحزن في الحقيقة هذا رد مني وهو متواضع لايصل الى مستوى قصيدتك آمل من الجميع تقبله



أسيرة للحزن ربي يخليك
حي القصيدة فائقة كل الأذواق
الوقت يوم(ن)لك ويوم(ن) يجليك
وقت(ن)غريب(ن)طوق الناس باطواق
شهر(ن) يهدك يوم ساعة يسليك
يوم(ن) تسوقي له سنه جاك سواق
هذي الحقيقة خايف(ن) ما تهديك
أقولها صادق ولاني ببواق
شاعر وفاهم بالقصائد بوصيك
وصية ما رجي لها شكر واصفاق
ما قول متفلسف ولا قول امنيك
لن الأماني كم تميل بسباق
الحزن بسمك خايف(ن)له يسريك
والحزن بحر(ن) كم صويب(ن) وغراق
الحب لو هناك بكره يعزيك
ياكم جريح(ن) له وياكم من اعواق
الحب لاقلطك لازم يمشيك
كما سوات الريح تلعب بالأرواق
الحب لاغللاك يوم(ن)يوطيك
يشتت افكار(ن) وللروح حراق
الحب لحظة بعض لحظة يسليك
يضيع ايامك وللوقت سراق
هذي نصيحة من مجرب يهديك
وختامها عذر وسموحة من اعماق؟؟

[سيكل الجن]

السلام عليكم ورحمه الله وبركاته




مشاركه جميله اخت/ اسيره الحزن وعسى الله يجبر كل قلب مجروح ويصبر الخلان من هجر الأحباب





وتقبلي نصيحه من السيكل <<<<<<<< العوض ولا القطيعه>>>>>>>>>


اتمنى لكي التوفيق واقول قصيده جميله جدآ