القصيدة التي أثارة غضب بنات الخليج ونشرت في مجلة فواصل العدد الاخير

[العذب]

ياللي تنشّد عن علوم الذي طــاف ... كــــل البحور وكل دولة وديرة
خذ من علومي علم أوصافه أوصاف ... جزلٍ سمين يشتعل له ســـعيره
الزين عقب المغربيات يــــنعاف ... غيدٍ لهن بالزين ذكره وســـيره
فيهن حلا طاغي ولين وتـــعطاف وفيهن حنانٍ يشعل القلب غــيره
حلوات وصف وفاهماتٍ بالاعــراف ... زينات منطق صافيات الســريرة
بنات قومٍ طيبهم غصب يـــنشاف ... اولاد مغرب بالليالي العـــسيرة
ياللي تنشّد عن علومي بالانــصاف ... هرجي يكفي صامله عن كــثيره
الزين في لميا وتغريد والــــطاف ... ماهوب في حصة وكشرة مـنيرة

وهذا هو رد متواضع على صاحبهاالذي لم ينشر أسمه:

قال الذي في بدع الأمثال صـرّاف ... جزلٍ يفرق بين درهم ولــــيره
ياللي مدحت المغربيات بــجحاف ... الله يجيرك من عماة البـــصيرة
لـــو تعجبك لميا وتغريد والطاف ... مايصلحن لهل الوجيه الســـفيره
مفصخات ولبسهم حــول الارداف ... وبليس أغواهم بكشف الســـتيرة
متعوداتٍ كلهم زيف وخــــفاف ... على التغنج والتعطف وغــــيره
كل يوم مع صاحب ولافيهم أعـفاف ... خويّهم اللي فلوســه كــــثيره
ترى البضايع عدة أشكال واصـناف ... وكلٍ ينوخ وسط سوقه بــــعيره
عز الله ان الطيب في بنت الاشراف ... اللي على الحشمه تربّت صـــغيره
ولا تبيّن منّها كود الاطــــراف ... مثل القماشه فالبحور الغــــزيرة
ياللي تدوّر بالجواهر والاصــداف ... الزين كله في بنات الجـــــزيرة

[شقوان]

الله الله

الله يجسره راعي قصيده

وصح لسانك على الرد الجميل والعقل المتزن


ودمتم

[العذب]

تحياتي شقوان

وشكرا على تعقييبك

[العذب]

وصح لسانك على الرد الجميل والعقل المتزن

شقوان تحياتي لك

ولكن عندي ملاحظة بسيطة

باين عليك من خلالك ردك على الموضوع
فاهم أنه أنا إللي رد على الشاعر

أول اقول أسعد الله أنه أنا إللي رد عليه

ولكن للآسف إللي رد عليه أو بالأحرى إللي ردت عليه

شاعره سعوديه ولكنها تحفظت بإسمها للمصلحة العامة

تحياتي لك

[سيف الساهر]

تسلم اخوى العذب وعاش من شافك

حضور وعوده قويه لاعدمناك

تقبل خالص التحيه والتقدير

الساهر

[العذب]

يالله حي الساهر

ولا عدمناك يابعد حيي

وشاكر لك تعقيبك على الموضوع

وتحياتي لك

[عائض شداد]

هلا وغلا باخوي العذب وأجمل مافي الموضوع
ردك الجميل الله يعطيك العافيه .

[أبو مانع]

عز الله ان الطيب في بنت الاشراف ... اللي على الحشمه تربّت صـــغيره
ولا تبيّن منّها كود الاطــــراف ... مثل القماشه فالبحور الغــــزيرة
ياللي تدوّر بالجواهر والاصــداف ... الزين كله في بنات الجـــــزيرة



أخي العذب يعطيك


العافيه على هذه


القصيده مع الرد عليها


وهي بالفعل تستحق الشكر


خالص تحياتي

[المسكت]

عز الله ان الطيب في بنت الاشراف

تحياتي لك

ولقائل لهذا الشطر

احترام

المسكت

[نقش خالد]

متعوداتٍ كلهم زيف وخــــفاف ... على التغنج والتعطف وغــــيره
كل يوم مع صاحب ولافيهم أعـفاف ... خويّهم اللي فلوســه كــــثيره
ترى البضايع عدة أشكال واصـناف ... وكلٍ ينوخ وسط سوقه بــــعيره

الله عليك ابدعت في الرد

الزين كله في بنات الجزيرة

هههههههههههههههههه

صدق والله يالعذب

نقش خالد

[العذب]

تحياتي لك فتى السهوة

وشاكر لك ردك وتعقيبك على الموضوع

[العذب]

حيا الله بومانع

ولايحرمنا منك ومن ردودك الحلوة ياحلووووووو


تحياتي لك
أخوك العذب

[العذب]

سكتنا بردك المسكت

يامسكت أنت

هلا وغلا بالمسكت

وشاكر لك مرورك
وتحياتي لك

[العذب]

الله عليك ابدعت في الرد

الزين كله في بنات الجزيرة

هههههههههههههههههه


هاااااااااااااااااااه وش تقصد يانقش خالد

ليش تضحك هاه ؟

ياويلك من البطات السعودية

هههههههههههههههه

___________________________

هلا والله بنقش خالد وأزين مافيك ( النك حقك " نقش خالد "

تحياتي لك
وأشكرك على ردك

[نور العين]

شكرا جزيلا يا العذب,,
قصيدة رائعة تعطي صورة نموذجية عن النسونجيين اصحاب العيون الفارغة ..
و قد اعجبني رد الشاعرة عليه كثيرا و ان كنت اتحفظ على اخر بيت لها كونه عنصري الى حد ما..

تحياتي..

[صـدى الصمت]

كفيت ووفيت
ولا عدمناك
دمت بود

["الناقد"]

الله .. الله
ما أجمل الرد!!
فاق في عذوبته وصدق مشاعر كاتبته .. قصيدة الأعمى الذي يمدح المغربيات ...
بوركت يا كاتبت الرد .. ولك أحلى سلام .. وأرق تحية واحترام

بارك الله فيك أيها العذب
موضوع واختيار موفق

عز الله ان الطيب في بنت الاشراف ... اللي على الحشمه تربّت صـــغيره

والله الطيب في بنت الاشراف .. الطيب في حصة ومنيرة
ماهو بطيب الحلا في غاده والطاف .. اللي بلا لبس عند أهل الفلوس الكثيرة
الله يصلح حال كل هتاف .. يهتف للبنات العاريات الهاتكات السريرة

والله يبارك في كل رجال صحاف .. يكتب عن بنات الدار والديرة

[فايز العمري]

ياللي تنشّد عن علوم الذي طــاف ... كــــل البحور وكل دولة وديرة
خذ من علومي علم أوصافه أوصاف ... جزلٍ سمين يشتعل له ســـعيره
الزين عقب المغربيات يــــنعاف ... غيدٍ لهن بالزين ذكره وســـيره
فيهن حلا طاغي ولين وتـــعطاف وفيهن حنانٍ يشعل القلب غــيره
حلوات وصف وفاهماتٍ بالاعــراف ... زينات منطق صافيات الســريرة
بنات قومٍ طيبهم غصب يـــنشاف ... اولاد مغرب بالليالي العـــسيرة
ياللي تنشّد عن علومي بالانــصاف ... هرجي يكفي صامله عن كــثيره
الزين في لميا وتغريد والــــطاف ... ماهوب في حصة وكشرة مـنيرة

وهذا هو رد متواضع على صاحبهاالذي لم ينشر أسمه:

(( الشاعر ابن شارخ ))

قال الذي في بدع الأمثال صـرّاف ... جزلٍ يفرق بين درهم ولــــيره
ياللي مدحت المغربيات بــجحاف ... الله يجيرك من عماة البـــصيرة
لـــو تعجبك لميا وتغريد والطاف ... مايصلحن لهل الوجيه الســـفيره
مفصخات ولبسهم حــول الارداف ... وبليس أغواهم بكشف الســـتيرة
متعوداتٍ كلهم زيف وخــــفاف ... على التغنج والتعطف وغــــيره
كل يوم مع صاحب ولافيهم أعـفاف ... خويّهم اللي فلوســه كــــثيره
ترى البضايع عدة أشكال واصـناف ... وكلٍ ينوخ وسط سوقه بــــعيره
عز الله ان الطيب في بنت الاشراف ... اللي على الحشمه تربّت صـــغيره
ولا تبيّن منّها كود الاطــــراف ... مثل القماشه فالبحور الغــــزيرة
ياللي تدوّر بالجواهر والاصــداف ... الزين كله في بنات الجـــــزيرة



وهذه رد الشاعر طلال الرشيد

ياابن الحلال ان طعتني خل الاسراف*** واترك جمال الغيد لاهل البصيره

الزيـــن مـو بـس المـلامح والاوصـاف*** الزيـــن روح وعفه وطيـب سيره

مـا نـيب من يهـوى سـريـا وانصـاف*** أنـا هــواي وبـس بنت الجــزيره

بنت الخليـج اللي تمـاري بـالاعـراف*** وحنـّا نمـاري بسمـها كل ديـره

مـالـي غـرام بـقــول وخّــا وبالـزاف*** إذبحني عند الطرحه المستديره

أحـب قولـة يـا هـلا وعـلّ مـا خـلاف*** من بنت ثوبي بنت الارض النضيره

اللـي تحــلاها الظبي حلـو الاطـراف*** جـمـال في عــفـه ورقـه وغيـره

واللـي بـها سـحر مهو سحر عــرّاف*** يـا عـل عيـن مـا تراهـا ضـريـره

عطف وحنان ذوق في لين الاعطاف***والى كشفت لثامـها شفت أميـره

صعبه على اللي بالردى شاف ما عاف**وحلوه على اللي سنه الله ضميره

شمس الى من أشرقت والدجـا طاف*** غابت نجومك غصب لو هي كثيره

السيف ما يزهى سـوى كـف سياف*** والخيـل دون حصـانها مستخيـره

بـس أنـت دورلك علـى قتدك لـحـاف*** وان طعتنـي دور بـدلنـا عشيـره