غلا.....ي
02-15-2005, 11:36 PM
يافهد لـو شفتهـا قبـل الغـروب
كـان مثلـي يـوم قفّـا تـعـذره
يوم مرت كنهـا ظبـي ٍ لعـوب
جنزها بْيـض والعبـاه مخصّـره
والجدايل شقر والكـف مْخضـوب
والشفـا تزهـا بلـون المجـمـره
والعيون تـذوّب اللـي مايـذوب
تطـرح الرجـال وتجيـب خبـره
قلـت بالله يامـذوبـة القـلـوب
وش جدى قلـبٍ تولّـع فـي مـره
قالت الأغصان في وجه الهبـوب
ياتـقـاوم ياتعـيـش مـدبّــره
قلت وليا كـان رجـال محسـوب
قالـت النظـره وربـي تسـحـره
قلت اجل ماني على الحب مغصوب
الزجاج اليـا انكسـر مـن يجبـره
قالت بْضحكه اجـل ودّك تتـوب
ذي بعيـده والـرهـان بتخـسـره
قلت وشله شايفـه فينـي عيـوب
والا انـا مانـي بشيـك ومنظـره
قالتِ الا.. بس في بعض الـدروب
اعـرف الرجـال مابـه مـقـدره
قلت لاواللي خلـق كـل الشعـوب
لحـزم حزامـي واشـد بمـيـزره
قالت انته ماانت بايّـام الحـروب
يوم فعـل السيـف ماحـدٍ ينكـره
ياالعصيمي كل وقتٍ ولـه ثـوب
وانت فصّل ثوب جرحـك يستـره
قلت انا لاشلت في صدري ذنـوب
باطلـب اللـي كـل ذنـبٍ يغفـره
وانتي ان غرّتك نظره من كـذوب
صعـب تغرينـي بلـون المسكـره
قالت الما ياالعصيمي مـا يـروب
وانت شاعـر كـل قـاف تسخّـره
لاتغالط وانت في صدرك شبـوب
نظرتك فيها مـن الشـوق اكثـره
كيف تقوى نغمة القلب الطـروب
وانـت ليـل الـود كلـه تسهـره
قلت انا اللي في ملمّات الخطـوب
ماسلاحـي دمـع عينـي وانثـره
عن شمالك بانتحي صوب الجنوب
والغـرام اللـي بقلـبـي بقـبـره
ودوّّريلك واحـدٍ شبحـه يـدوب
واحـدٍ اطـرف فتـاه تجـرجـره
جاهلٍ يمشي وراها كـل صـوب
تجمعـه لامـن بغـت وتبعـثـره
والا انا ياعنك عـن ذل محجـوب
سلم ابوي وسلـم جـدي مااخسـره
شامـخٍ راسـي وفالعليـا اجـوب
فارض اسمـي والمقفّـي ماسبـره
ودام ردّت للتـحـدي يالـعـوب
والله انــه ماتطوعـنـي مــره
كـان مثلـي يـوم قفّـا تـعـذره
يوم مرت كنهـا ظبـي ٍ لعـوب
جنزها بْيـض والعبـاه مخصّـره
والجدايل شقر والكـف مْخضـوب
والشفـا تزهـا بلـون المجـمـره
والعيون تـذوّب اللـي مايـذوب
تطـرح الرجـال وتجيـب خبـره
قلـت بالله يامـذوبـة القـلـوب
وش جدى قلـبٍ تولّـع فـي مـره
قالت الأغصان في وجه الهبـوب
ياتـقـاوم ياتعـيـش مـدبّــره
قلت وليا كـان رجـال محسـوب
قالـت النظـره وربـي تسـحـره
قلت اجل ماني على الحب مغصوب
الزجاج اليـا انكسـر مـن يجبـره
قالت بْضحكه اجـل ودّك تتـوب
ذي بعيـده والـرهـان بتخـسـره
قلت وشله شايفـه فينـي عيـوب
والا انـا مانـي بشيـك ومنظـره
قالتِ الا.. بس في بعض الـدروب
اعـرف الرجـال مابـه مـقـدره
قلت لاواللي خلـق كـل الشعـوب
لحـزم حزامـي واشـد بمـيـزره
قالت انته ماانت بايّـام الحـروب
يوم فعـل السيـف ماحـدٍ ينكـره
ياالعصيمي كل وقتٍ ولـه ثـوب
وانت فصّل ثوب جرحـك يستـره
قلت انا لاشلت في صدري ذنـوب
باطلـب اللـي كـل ذنـبٍ يغفـره
وانتي ان غرّتك نظره من كـذوب
صعـب تغرينـي بلـون المسكـره
قالت الما ياالعصيمي مـا يـروب
وانت شاعـر كـل قـاف تسخّـره
لاتغالط وانت في صدرك شبـوب
نظرتك فيها مـن الشـوق اكثـره
كيف تقوى نغمة القلب الطـروب
وانـت ليـل الـود كلـه تسهـره
قلت انا اللي في ملمّات الخطـوب
ماسلاحـي دمـع عينـي وانثـره
عن شمالك بانتحي صوب الجنوب
والغـرام اللـي بقلـبـي بقـبـره
ودوّّريلك واحـدٍ شبحـه يـدوب
واحـدٍ اطـرف فتـاه تجـرجـره
جاهلٍ يمشي وراها كـل صـوب
تجمعـه لامـن بغـت وتبعـثـره
والا انا ياعنك عـن ذل محجـوب
سلم ابوي وسلـم جـدي مااخسـره
شامـخٍ راسـي وفالعليـا اجـوب
فارض اسمـي والمقفّـي ماسبـره
ودام ردّت للتـحـدي يالـعـوب
والله انــه ماتطوعـنـي مــره