من القائل ....... ؟؟

[العناااا]

فكرة أعجبتني في أحد المنتديات ..

بيت شعر ..

ثم أكتب من القائل ؟؟؟ ..

اللي يعرف يختارلنا هو بيت شعر ويكتب من القائل ؟؟؟..

وترى ممكن التخمينات ياجماعة يعني إذا مااااا عرفتوا ..

لا تستحون !!!

عادي مافيها شي الخطأ وارد ..

أوك ؟؟

ياللا أنا أبدأ :


قالوا تحبه ؟؟ قلت : مــا هو بالحيل = بس انه أغلى شوي من نور عيني!!



من القائل ؟؟؟؟

/
\
/
\

أتمنى تعجبكم الفكرة .. لأنها عاجبتني مررررررة بصراحة ..

بانتظار مشاركاتكم ..

أرق التحاياااا لكم http://members.lycos.co.uk/qetharah/up/up/i.gif

[بريق الماس]

هلابك يالعناااا

ودامت افكارك الجميله


انا اعرف الي غناها 0000 تجي ذي


سعد جمعه



اما القائل


فاعتقد انه الامير الشاعر


سعود بن بندر


دمتي بخير



اخوك


بريق الماس

[المهاجر07]

يعطيك العافيه يالعنااا
فكره رائعه ..

بالنسبة للأبيات اللي أوردتيها
فأظن ولله أعلم إنه أسير الشوق ..



<<-- ماهو متأكد ..

طيب هذا البيت ..


أباقف وأبتسم لوني حزين وخاطري مكسور = إلين الله يفرجها علينا يابحر جده


رعاك الله

[المهاجر07]

بريق الماس المعذره يالغالي
ماشفت ردك ..

العذر والسموحه ..
لك كل الود والإحترام
رعاك الله

[العناااا]

هههههههههههههههههههههههاااي

تيب .. بريق الماس ... صح ..

بس ليش ما كتبت بيت شعر وما قلت من القائل ؟؟؟


المهاجر ..... as) خطأ ... خذ m) هارد لك ..

وبعدين ما قلتلنا عبارة من القائل ..

هذي شروط اللعبة ترا ..

يعطيكم ألف عاااافية ..

أنا مبسوطة إنها عجبتكم ..

[العناااا]

مهاجر :

هذي رائعة من روائع الشاعر الكبير ضيدان ابن قضعان

صح ؟؟

تيب

/
\
/
\
/
\


لايطول غيابك ثم اخذ عليه = لو تخليت عنى عنك قلبي ماتخلى
العذر والتعلل والحكي مانبيه =من تحرك فؤاده .. بالهوى ماتخلى

/
\
/
\
/
\

من القائل ؟؟؟؟

[بريق الماس]

المهاجر


فداك الماس وبريقه 000 ومشاركاته

بالنسبه لسئوال

الشاعر هو :

ضيدان بن قضعان


واعتذ للاديبه والمشرفه القديره العنااااا


نسيت ما احط سئوالي


ولو ان عندي بيت اتحدى تعرفون قائله


بس باخره شوي

ســـــــــــئوالي


ياشيخ هذا زمانآ كله 00 نعامي=الذيب جايع وشبعانه 00 حصانيها


بريق الماس

[الصقر20021]

أختي العنااا







فكرة رائعة من فكر أكثر روعة .

فكرة جميلة لماذا ..!

لأنها تنعش أولاً الذاكرة وتعطي حق كاتبها في أن يٌعرف

لأنه للأسف تعرف القصيدة وتحفظ ولا يعرف قائلها ..

الإ ماندر .. فهذه الفكرة تعيد الحق لأصحابه وهي من أبسط حقوقه .



دمت ودام جهدك المشكور ..





وحقيقة لا أعرف الشاعران اللذان تطرقتي لهما أنت والأخ المهاجر .







ولي ملاحظة أرجو أن تؤخذ في الحسبان إن راقت لكم ..

أن لا يكتب .. بيت آخر من الشعر حتى يعرف قائل البيت

الذي سبق وأن طرحه أحد الأعضاء .. ليكون هناك منافسة ..












لك من الود أجزله ومن الشكر أوفره ..

[العناااا]

أخوي بريق ..

يعطيك ألف عافية ..

بس هالبيت صعب أجل كيف اللي بتأخره ؟؟؟ هههههههه

والله أنا ماعرفت منهو الشاعر بصراحة ..

بس أتمنى الشعر اللي بينكتب يكون لكتاب معروفين

مو شعراء المنطقة لأني ماعرفهم والله وكمان عشان يصير الموضوع فيه تواصل وما يتوقف

وعملاً بنصيحة أخوي العزيز / الصقر ..

أنا ماراح أكتب بيت شعر ..

إلى أن يعطينا أخوي بريق الماس أو من يعرف الجواب اسم شاعرنا ..



بريق الماس


المهاجر ..


الصقر ...



أرق الورد ... لكم منثووووووور ..

اختكم العناااا http://members.lycos.co.uk/qetharah/up/up/i.gif

[بريق الماس]

على العموم اشكر الجميع

على التواصل مع هذه الصفحه

اما ماعرفتيه يالعنااااا

هذي بحق ولو ركزتي شوي جبتي الشاعر

بس نمشيها لك وهذي تسجل عليك !!!!


الشاعر هو الشاعر الكبير


الشيخ

محمد بن راشد بن مكتوم

في رده على قصيدة الامير الشاعر دايم السيف


( من بادي الوقت )

ومطلع قصيدة بن مكتوم





يامرحبا يامعنى خط الاقلامي=مثايل شوقتني في معانيها

حي المثايل ياسلالة نسل الاكرامي=يامن بيوته عن الزلات يحميها

*****


من القائل

يانار شبي من ضلوعي حطبكي=صابر على نارالموده وممنون


ـــــــــــــ

اخوكم


بريق الماس

[عائض شداد]

يا بريق الماس ليه مستعجل طيّب ؟
أم نحن أقل من العناااا .......

وكأن لسان حالك يقول ما دام العنا ما عرفت أكيد
البقيّة ما رايح يعرفوني .


يا شيخ هذا زمان كله انعامي = الذيب جايع وشبعانه حصانيها

كما قلت أخي بريق الماس هذا البيت من قصيدة طويلة للشاعر
محمد بن راشد المكتوم والتي جارى بها قصيدة سمو الأمير خالد
الفيصل ( من بادي الوقت ) وطبعا قام الفنان الكبير محمد عبده
بغناء قصيدة الشيخ محمد بن راشد في جلسة عود بنفس لحن
أغنية ( من بادي الوقت ) .


يا نار شبّي من ضلوعي حطبكي = صابر على نار المودة ومنون

هذا البيت من قصيدة للشاعر : خلف بن هذال
وقد غنّى هذه القصيدة يوم كان مطرب في السبعينات
هجريّة وجدّد غنائها البلوشي على ما أعتقد .

من القائل :


طير ياللي ترفرف من على جدّة = ما تخذني معك لبلاد زهراني

[عائض شداد]

طير ياللي ترفرف من على جدّة = ماتخذني معك لبلاد زهراني
القائل هو : سعود بن شريم
وعلى ما أظنّ أنه من نجد وطبعا لشهرة هذا البيت منذ القدم
عرف النّاس قائله .

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


خلاص من حبّكم يا زين عزّلنا = ماعاد لي في هواكم شفّ(ن) او رادة
هذا اليت الشهير جدّا والذي نعرفه جميعا هو مطلع لقصيدة غنائية ذاع صيتها
منذ أيام الثمانينات الهجريّة أبتداء بصوت : فهد بن سعيد ــ صاحب الأغنية الأصلي ــ
ومرورا بكبار المطربين مثل : عيسى الأحسائي ــ محمّد عبدة
وانتهاء بأشباه المطربين مثل : عبدالله رشاد ــ نبيل شعيل ــ عتاب ... وغيرهم

ــ وفي ظلّ الأعجاب بكلمات الأغنية وحلاوة لحنها نسي الكثير منّا كاتب هذه
القصيدة ؟
السؤال :
من هو صاحب تلك القصيدة ؟؟

[عائض شداد]

خلاص من حبّكم يا زين عزّلنا = ما عاد لي في هواكم شف(ن) او رادة
اللّي شبكنا معاك يا حلو يخلّصنا = يكفيني اللّي حصل ماستحمل زيادة
أظنّ في حبّكم ماحد(ن) بغاصبنا = واظنّ مانتا بعد في حلقي قلادة
الله يوفّك وحنّا الله يوّفقنا = النّاس واجد وكم للحب طرّادة
دوّر على غيرنا بلاش تتعبنا = وفي شرع الاجواد كلّ(ن) يتبع امرادة
أول رغبناك يومك مثلي راغبنا = ومن يطلب البعد حنّا نطلب ابعاده
أيام كنّا غشم ياما تكلّفنا = وندوّر ارضاك مهما اتكلف ابعاده
واليوم أبشرك يا سيدي تعلمنا = وبدّلت نوم الحزن بفراش ووسادة
اللّي هويناه حصلناه وحصّلنا = وارتاح قلبي على رغم حسّاده

القائل هو الشاعر :
محمد بن سعد الجنوبي .
شاعر سعودي من الأحساءتحديدا ومن الشعراء
القدامى والذين مازالوا على قيد الحياة .

[العناااا]

أخي العزيز / فتى السهوة ...

شكراًً على تواصلك ,,

بس كان البيت صعب والظاهر ما عرفناه ..


لا نسى إن هالحين دورك ..

يعني عليك كتابة بيت والسؤال من القائل ..؟؟


شكلك تراجعت لما لقيتني خطيرة في الشعر as)


حتى بريق الماس كمان شكله تراجع ..


ههههههههه ..

[عائض شداد]

ـــ مالفائدة يعني ؟
أساءل ولا أحد منكم يجيب ؟

من القائل :


البارحة يوم الخلايق نياما = بيّحت من كثر البكا كلّ مكنون

ــ أيضا هذا البيت مطلع لقصيدة مشهورة جدا
لاتقولوا مانعرف القائل ؟؟؟؟

[المهاجر07]

البارحه يوم الخلايق نياما = بيحٌت من كثر البكا كل مكنون
لي ونةٍ من سمعها مايناما = ونة صويبٍ بين الأضلاع مطعون

الشاعر/ نمر بن عدوان

*

*

*

ياذيب انا بوصيك لا تأكل الذيب=كم ليلةٍ عشّاك عقب المجاعه
كم ليلة عشاك حرش العراقيب =وكم شيخ قومٍ كزته لك ذراعه

من القائل ؟؟

[العناااا]

طيب لا تصعبها عشان نعرفها . ..

والله برضو حتى دحين موعارفة ..

أجل خلاص أنا أنسحب ..

على قولة فتى السهوة ..

وش الفايدة ؟؟

[العناااا]

شالح بن هدلان


صح مهاجر ؟؟

[المهاجر07]

صح يالعنااا ..

تستاهلين واحد من ذا ------->>>>> m) <<<-- المُميز ياعسى عمره طويل ..

رعاك الله

[العناااا]

مشكوووووووووووووور ..

<<<<<<<<< مبسوطة أول مرة صح ..

بس المرة الثانية لا تجيبلي بيبسي .. أبي عصير .. ?:)

تيب

:

:

:


من قال .. أنا ميت عليك ؟؟ = أصلاً أنا ماعاد أبيك !!
تبغاني خاتم باصبعك ؟؟ = ياشيخ ذا بدري عليك

من القاااائل ؟؟

[عائض شداد]

من قال .. أنا ميت عليك ؟؟ = أصلاً أنا ماعاد أبيك !!
تبغاني خاتم باصبعك ؟؟ = ياشيخ ذا بدري عليك


القائل : خالد المريخي


من القائل :
مالي أراها لا تردّ سلامي = هل حرّمت عند اللقاء كلامي
أم ذاك شأن الغيد يبدين الجفا = وفؤادهنّ من الصبابة دامي
أظن مافيه أسهل من كذا ......... !!!!!!

[المهاجر07]

ولله إني قاريه قبل كذا وفي نفس الموضوع هذا
الظاهر العناااا اللي كاتبته ..

بس ناسيه ..

[سيف الساهر]

فتى السهوه اظن انه الامير عبدالله الفيصل


من القائل


الله اكبر كيف تجرحنا العيون =====كيف مايبرا صويب الجرح ابد

[عائض شداد]

هلا وغلا سيف الساهر والجواب الصح هو :
حمزة شحاته

ــــــــ
الله اكبر كيف تجرحن العيون = كيف مايبرى صويب العين ابد
القائل هو الامير : خالد الفيصل ( دايم السيف )

ـــــ يالله يا سيف ولا يهون باقي الاخوان
من القائل :


هواجيس في قلبي وهم(ن) وضيقة بال = ولاني بطيب صار لي مدة ايامي

[عائض شداد]

هواجيس في قلبي وهم(ن) وضيقة بال = ولاني بطيّب صار لي مدّة ايامي
ولا من صديق اجيه واشكي عليه الحال = جميع البشر عدوان خلفي وقدّامي
ولا شفت من يشفق على دمعي الهمّال = أنا بين عدوان تسليّهم ألامي
مع اللي يبيعون الضماير من اجل المال = وهم في قديم الوقت حفّاي الاقدامي
وانا طحت في حبّ الّذي يسمع العذّال = وليف(ن) بسيف الهجر ناوي على اعدامي
لطيف الحشا يا حسين له بالحشا منزال = وحبّه سرى بالدمّ واللّحم وعظامي
ولكن نويت الصبر ويحلّها حلاّل = وياما صبرنا عام يركض ورا عامي

للشاعر الكبير : علي القحطاني ـــ أبو ميسون ـــ

ـــ اللي يدخل بعدي يختار البيت

[العناااا]

أبي منه الخبر ..

ويقول .. للا للا للا !!

لفى المرسول وما عيّن محله .............


من القاااائل .. ؟؟

" يسلموووو ومشكور فتى السهوه "

[عائض شداد]

ــــ سهله للامير خالد الفيصل
واذكر أني قرات من فتره طويله أن سموه كان
في رحلة صيد شمال المملكة مع بعض المقربين
وصادفوا بدويا في طريقهم وسألوه عن مكان للصيد
فكان أكثر جوابه على أسئلتهم بقوله : لله لله
فكتب أبو بندر هذه القصيد .

ـــــ من القائل :


أنت في حل(ن) فزدني سقما = أفني صبري واجعل الدمع دما
وارضى لي الموت بهجرك لي = فأن المت نفسي فزدها ألما
علّة العاشق ذل(ن) في الهوى = فأذا استودع سرا كتما

[العناااا]

والله يافتى السهوة مو عارفة منو كاتبها بس طبعاً أبو نورا هو اللي غناها

مو يعتبر قائل برضو ؟؟؟؟؟؟؟؟ هههههههههههه ..

والله بما إنه غناها إذن يعتبر قائلها ... قول للا ..... !!

ههههههه ..

المهم .. أنا عجبتني جداً الحكاية سبب الأغنية ..

للا .. للا .. ههههههههه ..

ياللا عطنا الجواب .. في انتظارك ياخوي ..

[عائض شداد]

ـــ هلا وغلا بالغاليه العناااا وانا ما كنت
أعرف ان محمد عبده غناها .....
يمكن غناها موال قبل اغنية : قف بالطواف
ألم تخني الذاكره .

ــــ المهم القائل هو : أبو تمام

ــــ وبعدين تعالو مايصير كذا ولا مرة جاوبتوا
على اسئلتي بالرغم من أختياري للابيات
الشهيره التي يتغنى بها العشاق دوما سواء
فصيح او عربي ..... !!!!!!

ــــ يالله العناااا دورك وين البيت ..... بسرعه

[العناااا]

إيه محمد عبده غناها كموال طبعاً ..

ووالله ياخوي إني جاوبت قبل كذا عليك بس انحذف آخ بس لا حووول ..

طاااايب هالحين بعطيك قصيدة مو بيت بس ابشرررر ..

،
،
،

مر بدوي صغير السن تيهان نجدي
ساجي الطرف نعسان
مر جازع وانا واقف على الباب وحدي
ما معي قط انسان
قلت من جاز لك من حدة العصر تبدي
يا قمر نصف شعبان
انت من انت يا من لك أعيان تسدي
انت من اي انسان
قال انا الهاشمي المنسوب للزين جدي
زاكي العقل سلطان
يا حرش يا ورش يا كل مخلوط وردي
يا غصين من البان
قلت هيا معي نحو البساتين نغدي
نجلي الهم الاحزان
لاني طالب جزء ولا سلم نقدي
بس قصدي بشي ثان
قصدي بقبله اطفي بها نار وجدي
واحطها بين الاوجان
قال لي خذها جبى هي طيباتك عندي
نشرب الكاس مليان



من القاااائل .. ؟؟

[عائض شداد]

ـــ العناااا ارجوك لا تغضبين تري لطشت
اسم القائل من موضوعك : اغاني ابو نورااا
والقائل : احمد الواحدي

ــــ رياضيات لازم استعمل ذكائي .... !!!!!!!!


ــــ من القائل :


مقادير يا قلبي العناااا
مقادير وش ذنبي أنا
،
،
،
مقادير وتمضي حياتي
مشاوير واتمنى الهنا

[العناااا]

سهلة مرة ..

طلال مداح الله يرحمه as)

هههههههههههههه ياريتنا خليناها من قائل الأغنية أسهل والله ..

وبعدين ... لا وليش أزعل شي حلووووووو مرة ..

هذا معناه إنك كنت متابع جيد لموضوع أبو نورااا

يا الله تذكرت المشاركات الأخيرة اللي ضاعت فيه ..

49 أغنية ياناس تطير ؟؟

وربي قهر والمشكلة بعد ما أتعب هذا كله ما قدرت أحفظها ضاعت من كمبيوتري

وطارت من المنتدى .. ويلوموني لا زعلت ..

بالله لي حق أزعل ولا لا ياناس ؟؟ تهي تهي ..

تيب تيب ..

نعود لـ مقادير ..

من كلمات : الشاعر الأمير محمد العبد الله الفيصل والحان سراج عمر بعد ?:)

تكفى لا تقول للا .. !!

تيب

،
،
،
فـيا قـبر الحبيب وددت أني = حـملت ولو على عيني ثراكا
سـقـاك الـغيث هـتاناً وإلا = فـحسبك من دموعي ما سقاكا
ولا زال الـسلام عـليك مني = يـرف مـع النسيم على ذراكا

من القااااااائل .. ؟؟

[عائض شداد]

ــــ أحسنتي وأجملتي الاجابة طبعا صح
،
،
،
،
( لك حق تزعل ثم لك حق نرضيك )
ما يهون علينا زعلك بس تعرفي
اللي حصل خارج عن أرادة ادارة
المنتدى
،
،
،
وبنت الاجوااااااد عذّااااره

ــــ بالنسبة للابيات يا العناااا أظن أنها
للشاعر : بهاء الدين بن زهير
( مو متأكد ) ..... انتظر ردك


ـــــ من القائل :

عالجوني يحسبون اني مريض = ما دروا عن علتي بس افتراض
قلت ياهل الخير بالخط العريض = علتي ودواي مع صافي البياض

[العناااا]

صح برافو عليك خذ جائزة >>>>>>>> m)

ووالله ياخوي اني عاذرتهم بس انقهرت ..

تيب ..

أما بالنسبة لعالجوني .. فصعبة مرررررررررة أنا بصراحة حتى ماعرف مين غناها ..

أخبر واحدة من الطقاقات as)حتى والله ناسية اسم الطقاقة !!!

ياللا عطني الجواب وسهلها على ( عنوش ) شوية .. ?:)

[عائض شداد]

عنوش الله يهديك ما لقيتي الا البيبسي عااااد .....
،
،
،
طقاقاااااات .......... !!!!!!
،
،
،
الابيات للشاعر الكويتي المعروف :
طلال السعيد

ـــ هات سؤال ياللااااا

[العناااا]

أنحرجت لما عرفت انها لطلال السعيد ..

احم احم .. تيب ..

انت عارف انك المفروض تكتب انت السؤال ؟ لأني ماعرفت اذن دورك

اللي يجاوب هو اللي يسأل مرة ثانية أوكي ..

بس فرصة أحسن دام طلبت والله ماردك أبي أكتب ولا يهمك ..

،
،
،
،


ترى ما يذبح العاشق مثل دمعٍ بكته اعيون =على موت الأمل واللي يحبه هو سبب ياسه

حبيبي ما خبرت الدمع يرقا وجنة المشطون =ذليل الدمع .. لابد يتحدر لو رفع راسه



من القااااائل ؟؟

[المسكت]

أنا لانيب لاشاكي .. ولاعتاب كفاني اشطون
هواك اللي نثرته لاتعجب لاأنكسر كاسه
ترى ما يذبح العاشق مثل دمعٍ بكته اعيون
على موت الأمل واللي يحبه هو سبب ياسه
حبيبي ما خبرت الدمع يرقا وجنة المشطون
ذليل الدمع .. لابد يتحدر لو رفع راسه
بقالي عزتي ياللي على اللي ما سواها تمون
وأظنك ما سمعت بعاشقٍ قلبه عصى وداسه
أنا الحطاب في قاعٍ جرد ما به شمع وغصون
حداه البرد والليل الطويل وشب فاسه

بدر من عبد المحسن
والاختيار لكم

[الصقر20021]

أخي المفضال .. المسكت







شكراً جزيلاً كونك منحت مثلي فرصة شرف الإختيار

بحكم جهلي المركب باأسماء الشعراء ..

وهناك قصيدة نبطية مطلعها على ماأظن يقول ..



{ الله يرحمك ياعود شراها لي ..

من واحد جابها للسوق جالبها }



من القائل ... !



ولا تنسوني ومن في حكمي في قادم الأيام

من بعض الفرص لنشاركم أيها الأحبة..

لأنه لا التفكير يفيد ولا الذاكرة تنفع ولا الوقت يسمح .

حيث أقراء بيت الشعر ويعجبني ولكن لا أعرف القائل ..


أكرر شكري لك أيها المسكت ..






دمتم جميعاً بخير وعافية ..











لكم أرق التحايا وأعذبها ..

[العناااا]

هو الشاعر الفحل الملهم والفارس البواردي

فهيد بن سكران الوهبي

وسمي سكران لشجاعته وبأسه وقيل انه كان

يردالرجال لوحده فسمي السكران اعتقاداُ منهم انه فاقدا ً عقله

وهو من المشارفة من الوهبة من حنظلة من تميم ..

هلا بأخوي الصقر ..
ومعذور ياخوي بس لا تبطي وااااجد علينا ,,

تيب

..


نومـك طـرب وانـا بنومـي هواجيـس= مــا سـاهـرك بالـلـيـل كثرالهـمـومـي

،
،
،

من القائل ... ؟؟

[المسكت]

الشـــاعر هــو
الشيخ تركي بن حميد
شاعر وشيخ لقبيله من قبائل عتيبه



من القائل
بــاكــر الـلــي خـــافــيٍ لازم يبيــن
والــوعــــد بـلقــى مكـــانك بــه خلــي
وانتظــــــر لــي ليلــة او لـــيلتيـــن
لين مـا يـقـفـــي الـسحــاب وينجلـــي
ولا طويت اليـــاس بـذرف دمعتين
للـهــوى الــغــــالــي وبـا وادع هـلـــي

[العناااا]

قصيدة للشاعر الأمير / بدر بن عبد المحسن ..

،
،
،


ياعيون الكون ...

غضي بالنظر ..

اتركينا اثتين ..

عين تحكي لعين ..


من القائل ؟؟

[عائض شداد]

ـــ القائل هو الشاعر الكويتي الأسير
فائق عبد الجليل



لك وحدك
،
،
،
،

يا ليتني بينك وبين المضرّة = من وخزة الأبرة الى سكرة الموت

ـــ من القااااائل ؟؟؟؟؟

[العناااا]

ألف شكر لأخوي فتى السهوة للتواصل ...
أما القائل فهو ..
سمو الأمير / سعود بن بندر رحمهُ الله ..

/
\
/


إن كان قالوا بالسنة بس عيدين = اليوم ثالثهم وبانت رسومه


،
،

من القااااائل .. ؟؟

[عائض شداد]

إن كان قالوا بالسنة بس عيدين = اليوم ثالثهم وبانت رسومه
ـــ الجواب :
الشاعر الكويتي طلال السعيد
،
،
،
،
ــ من القائل :


جاكم الأعصار ما شي(ن) يعيقه = منتخبنا اليوم وخرّ عن طريقه

[عائض شداد]

ـــ قائل الأبيات أعلاه
الشاعر الامير : عبدالرحمن بن مساعد

[العناااا]

طيب كويس انك قلتها

لأني والله فكرت فيها بس ماعرفت مين كاتبها ..

وألف شكر يافتى السهوة على اهتمامك بإتمام الموضوع ..

ألف شكر ياذوووووق ..

أرق التحاياااا لك http://members.lycos.co.uk/qetharah/up/up/i.gif