valantaine // قصيدة أعجبتني ...

[العناااا]

بكره يهيمون فالأحمر ولايشعرون =إن اجمل ورود عمري غارقه فالبياض

سألت عنها اليدين وجاوبتني العيون=رفعت صوتي وعاد الصوت خالِ الوفاض

سألت عنها الورود الحمر قبل الغصون =وتسلل الحزن في قلبي بدون اعتراض

سألت عنها الهدايا والسهر والجنون =والضحكة المورقة والصمت والإمتعاض

سألت عنها فالنتاين ومن يعشقون=واستغفل الدمع عيني قبل ما اشعر وفاض

إن كان للحب يوم وللمحبين لون =فانا معك والليالي بالأماني .... عراض

تدرين احبك ولكن ليتهم يعلمون =إنك تساوين عندي كل من فالرياض


ترا الـ valantaine خلاص انتهى ..
والقصيدة ليس الغرض منها الاحتفال بهِ
ولا أنا ممن يرون أن للحب يوم واحد فقط في السنة !!
مجرد إن القصيدة عاجبتني بس والله .............................


http://members.lycos.co.uk/qetharah/up/up/i.gif

[المهاجر07]

يعطيك العافيه يالعناااا

قصيده رااائعه ..
وعلى قولتك الحب ماله يوم معٌين ..
الحب في كل الأيام ..

رعاك الله

[عذاب السنين]

احترامي لك العنااا

لو نقلتي القصيده باعجاب دون فلنتاين لكان
هو الاحساس بما اعجبتك هي الاصدق

اشكرك
والمعذره فقد اعجبتني انا كذلك اشد إعجاب
لولا الـ valantaine

اخوك
عذاب السنين

[العناااا]

أخوي المهاجر ..

ألف شكر على حضورك ..

يعطيك العافية ياخوي ..

وكلك ذوق ..

أرق التحاياااا لك http://members.lycos.co.uk/qetharah/up/up/i.gif

[الجااامح]

قصيده رائعه اختي العنااا
الله يشفي والدك انه سميع مجيب الدعاء
بس لا تنسين ان عيد الحب مالنا دخل فيه .........
اخوك الجااامح

[العناااا]

أخوي عذاب السنين

ألف شكر على حضورك الطيب ..

والقصيدة اسمها " valantaine " وحتى نفس الكلمة واردة فيها

مو من حقي أغيّر اسمها لأني مو صاحبتها ..

مادري كيف عجبتك أشد الإعجاب .... لولا valantaine إذا أصلاً الشاعر

فيها يبي يوضح إن الناس عندهم يوم valantaine وهو يحتفل في حبيبته طول الايام :


إن كان للحـب يـوم وللمحبيـن لـون
فانا معك والليالي بالأماني .... عـراض

عموماً إختلاف الرأي لا يفسد للود قضية ..

أرق التحاياااا لك http://members.lycos.co.uk/qetharah/up/up/i.gif

[العناااا]

الله يسمع منك ياخوي الجامح

يعطيك العافية والله ..

ومن قال إن لنا دخل في عيد الحب ؟؟

إنت ياخوي قرأت كلامي اللي بعد القصيدة .. ؟؟

عموماً ألف شكر على حضورك ..

أرق التحاياااا لك http://members.lycos.co.uk/qetharah/up/up/i.gif

[الصقر20021]

العناااا










نقلت قصيدة تملك مخزوناً هائلاً من المشاعر


تفيض بسيل جارف من الأحاسيس المرهفة


تموج نشوانة بحرارة العواطف وشوق المحبين










لك أرق التحايا وأعذبها ..

[نقش خالد]

العناااا

قصيدة جميلة ومعناها اجمل

وعيد الحب حديث الكثير بس اشوا انه مو عندنا والا كان جاز قول الشاعر :-


كلاً نهار العيد عايد حبيبه = والتم شمل اهل القلوب المواليف

وانا حبيبي غايب الله يجيبه = يا حسرتي وان روح العيد ما شيف



عموما اختيار موفق ولا خلا ولا عدم

كل التحايا لك http://members.lycos.co.uk/qetharah/up/up/i.gif

[صـدى الصمت]

قصيدة جميلة
ايتها المبدعة
واختيار رائع
دام لنا ابدلعك
ودمت بود