نسايم ليل . لهمسات القلوب والشعر والخواطر..

[وافي]

الســلام عليكم ورحمة الله وبركاته


مرحبــــــــــــــــــــًا بكم

؛؛؛ أحــبـــتــــي ؛؛؛

فــــي همسات القلوب للشعر والخواطر... .. .


. .. ... بـرنـامـج رائـع جـاء تبعـاً لأهـتـمـامـات الـشـعـراء ومتـذوقـي الـشـعـر . .. ...
. .. ... ونـال وحـظـي على الكـثـيــر من القـبـول واسـتـحـسـان . .. ...
. .. ... بشـهـادة الجمـيـع في جميـع النـواحـي . .. ...
. .. ... وجدته بأحد المنتديات فأحببت أن يكون لنا ليل معطر بعطر الكلمات مثله . .. ...


....

. .. ... في هـذه المـشـاركـه لن اسـهـب في اسـتـعـراض البـرنـامج بأكمـلـه . .. ...

. .. ... بل سـأتنـاولـه من حـيـث المـسـتـضـافـيـن من . .. ...

. .. ... الشعـراء . .. ...

. .. ... بأذن الله في كل حلقه من حلقاته . .. ...

. .. ... ســواء كـانـت قـصـائـدهـم صـوتيـه أو الكتـابيـه منها . .. ...

. .. ... وهذه دعـوه خاصة للجمـيـع في المـشـاركـه ونقل كل ما هو جـديـد عن الشاعر المختار. .. ...

....... اترك اختيار الشاعر للمشرفين على همسات القلوب ........


. .. ... وأعاننا الله على كـل خـيـر . .. ...


اخوكم وافي .

[العناااا]

الله موضوع روعة ..

ممكن أختار أناااا ؟؟؟ لو سمحت ؟؟

صح موأنا المشرفة على همسات ... لكن ..

ياليت نقدر نبدأ بـ ... البدر ..

مهندس الكلمة : الشاعر الأمير / بدر بن عبد المحسن ..

ياليـــــــــــــــــــــــــت والله .. ممكن ؟؟

يعطيك العاااااااااافية ..

على هالموضوع الحلووووووو

أخوي وافي ..

أرق التحاياااا لك http://members.lycos.co.uk/qetharah/up/up/i.gif من اختك العناااا

[وافي]

تفضلي اختي العناااااااااااااااااا
اترك لك حريه الاختيار .

والبدر خير بدايه على بركات الله


وافي

[وافي]

اخي المهاجر 07 كونك المشرف على منتدى الشعر والخواطر اتمنى ان تكون لك دفه الاختيار ووضع البدايه والنهايه كما اتمنى ان تضع اختيار العنااااااا في المقدمه ولك الحريه التامه لكوني غير متواجد في الوقت الحاضر في البلد..



اخوك وافي

[وافي]

بلعكس اختي العناااااااااااا هذا يدل على اهتمامك وحرصك على متابعة كل مايطرح بالمنتدى نقدر لك ذلك ولك مني التحيه العنااااااااااااااا .

اخوكي وافي

[العناااا]

يعطيك العافية أخوي وافي ..

إنت الذووووق كله ..

وإذا بعد تبيني أكون مسئولة عن هالموضوع واتابعه

لحد رجوعك بالسلامة ولا يهمك ياخوي ..

يعني ويش أبي أكثر ؟؟

موضوع عن البدر ..

ووضع فكرته .. أخوي الوافي ..

أكيد يسعدنييييييييييي جداً جداً جداً .. إني أكون مسئولة عنه ..

أرق التحاياااا لك http://members.lycos.co.uk/qetharah/up/up/i.gif من اختك العناااا

[العناااا]

ولنبدأ ..

بتناول ذلك البدر المضئ بنور قصائده ..

فبدر القصيد .. له صولات .. وجولات .. داخل قلوب عشاق شعره

تركت أثرها العميق في أحساسهم .. وأصبحت مشاعرهم تتغنى بما قاله ..

وما أروعهُ هنااا ..

لو تغيبـي ..

ولو رحـل وجهك حبيبـي ..

في غيابـي عنك أشوفك ..

وفي عذابـي منك أشوفك ..

صـدقينـي مـا نـقـص هالليـل بعدك ..

إلا قمـرا ..

وما فـقـدت من النهـار ..

إلا شعاع الشمس بكـرا ..

واجمل الناس حبيبـي .. حبيبـي ..

لو تغيبـي لو رحـل وجهك حبيبـي ..

تصغر الدنيا وتضيـق ..

كلّ مافي الدنيا أعرفه إلا بيتـي والطريق ..

أنا أحبك ذا نصيبـي ..

إبعدي عني وغيبـي ..

صـدقينـي مـانـقـص هالليـل بعدك ...

إلا قمـرا ..

ومافـقـدت من النهـار ...

إلا شعاع الشمس بكـرا ..

لك ليـالي ما سألتـي ..

ولي ليـالي ما سـألت ..

لو دريت إنك زعلتـي ..

كان أفرح مـازعـلت ..

بس داري مافي قلبـك إلا قلبـك ..

واختياري إني أحبـك والا أحبـك ,..

ومن عذاب الحب يكفـي لو تجرّح قلب واحد ..

وإنتي يا حبـي وضعفـي لا يهمك كله واحد ..

لجل تتغير فصول ..

ويبكي الغيـم في عيونـي ..

وتزهر جبال وسهول ..

اضحكي بيـّا وبدونـي ..

وصدقينـي مـا نـقـص هالليـل بعدك ..

إلا قمـرا ..

ومافـقـدت من النهـار

إلا شعاع الشمس بكـرا ...

http://members.lycos.co.uk/qetharah/up/up/i.gif

[وافي]

الاخت العزيز العناااااااااااااااا اتمنى لك التوفيق واتمنى ان تتابعيه حتى في وجودي واعتبري الموضوع لك .

اتمنى لك التوفيق والسداد والله يعطيك الصحه والعافيه

اخوكي وافي


بدايه موفقه اختي العناااااااااااااااا والبدر خير بدايه .

ومافـقـدت من النهـار

إلا شعاع الشمس بكـرا ...

[العناااا]

يعطيك العافية ياخوي وافي ..

وإن شالله باكمله ..

بس حتى في وجودك ؟؟!!!!!!!!

ههههههههه .. تيب ..

بس لازم نتساعد ..

كلنا مع بعض ..

http://members.lycos.co.uk/qetharah/up/up/i.gif

[العناااا]

أترامى
هذي عاداتي
في كل العمر مره .. أترامى ..
وصدقيني في حياتي ..
ما هقيت إني عقاب .. ولا يمامة .. !!
إنما لعيونك إنتي ..
طرت لأجمل إبتسامة
لين قلتي وين جناحانك..؟
وين جنحاني .. ؟! وطحت ..
طحت من أعلى غمامة..
أنا ما ادري مريت بين أصابعك رمل ..
أو على خصلات شعرك .. ماء ..
كانت غبارٍ وظلما
وكنت أطيح ..
وهذا آخر مااتذكر ..
وين ظنك با تجرح .. واتكسر
فـ أي رمل .. أي صخر .. أو عدامه ..
ما هقيت إني عقاب ولا يمامة
إنما لعيونك إنتي ..
طرت لأجمل إبتسامة
وما أبي غير السلامة
من الجروح .. ومن التداوي
كيف ألمس الأرض .. واطيح متساوي
أنا صدقت الصغار .. يوم قالوا :
من يحب القمرا يرحل .. لآخر أرض
وينتظر تالي نهار ..
ولا ظهر منها شبر ..
عانق القمرا .. طمر ..
كيف ضاعت كل أحلامي هقاوي ..
يوم قلتي : وين جنحانك ..
وين جنحاني .. ؟! وطحت ..
طحت من أعلى غمامة ..


ما أجمل البدر .. هل هناك غيره ؟؟!!

http://members.lycos.co.uk/qetharah/up/up/i.gif

[العناااا]

تعبت أسافر ..


تعبت أسافر في عروقـي ومليـت=من جلدي اللي لو عصيته غصبنـي

ياما تجاوزت الجسـد واستقليـت=عن الألم .. لاشك جرحي غلبنـي

أنا سجين الحال .. مهما تسليـت=وانا الطليق وكـل شـيٍٍ قضبنـي

حريتي لاعل .. يا كـود .. ياليـت=ما شفت حيٍٍ جاد لـي .. ماسلبنـي

وليت يا ليـل التباريـح وليـت=امـا محانـي الحـزن والاكتبنـي

كل السما في دفتري وان تجليـت=مثل الشموس .. غبار قبري حجبني

لي صاحب وان ما تخلـى تخليـت=لا بد ما نهـدم .. ولا بـد نبنـي

http://members.lycos.co.uk/qetharah/up/up/i.gif

[العناااا]

عـــــــض الــنــواجـــذ


أقـوم بجبـالٍ ولا أقيـم فـي سـفـح =لو أطعمـوا لحمـي لعـوج المخالـب

يابنت مابه ذنب يصعب علـى الصفـح =كود الهـوان وعيـش سحـم الثعالـب

لاوالـذي كـرّم جديلـك عـن النفـح=العـز ماهـو بيـن شـاري وجـالـب

الله خلقنـا .. تلفـح وجيهينـا لـفـح =حـر السمايـم فـي عزيـز المطالـب

سـوى رضينـا أوطفـح كيلنـا طفـح =عض النواجـذ طبـع والطبـع غالـب



http://members.lycos.co.uk/qetharah/up/up/i.gif

[العناااا]

يــــا ســيـــد الــنـــاس



الما ركد والجريد الغـض .. مـا هـزّه =نسايـمٍٍ والزمـن لا جـا ولا راحــي

جمحت يا مهر حظي وأثـر بـك فـزّه =مـا طوّلـت كلهـا غـارة ومشواحـي

لو كنت رمحٍ ٍ بكفّـي كنـت بـا هـزّه =لاشك من هو عليـه أهـوش بسلاحـي

ولو كنت بيرق عقيـدٍ ويـن أبـا رزّه =وأطول طويلٍ أشوفه .. هضبة جراحـي

يا سيّد الناس .. شمسك مالهـا حـزه =تعبت أماري بشمعي وضـي مصباحـي

من مس نـورك جبينـه يبشـر بعـزّه =ومن مر غيمك عتيمـه بارقـه لاحـي

يا سيّد النـاس .. كـلٍ لابـس ٍ بـزّه =صعبٍ نفرّق ما بين الخبـل والصاحـي

كم واحدٍ مـر .. قـال عيونـي تخـزّه =هو ما درى إني عمى عن قاصر أشباحي

أنـا عيونـي تتـل النجـم .. وتكـزّه =عن حارك الفلك .. هذي عادة رماحـي

وما ألوم حظي .. تعب من كثر مـا دزّه = لو هو لغيري . . نساه الهم .. وإرتاحي



http://members.lycos.co.uk/qetharah/up/up/i.gif

[العناااا]

كل عام وجرحي بخير ..

ومرت سنة ..

على فراقك ..

على صوتك .. وأشواقك

غريب كيف االزمن يرحل

وأحلام العمر ..

تذبل ..

سنه مرت .. وانا أول حبيبٍ

يوقد الشمعة لجرحه في يوم ميلاده

هلا .. بالحب .. واعياده

وكل عامٍ .. وجرحي بخير

مشيت دروبنا ..

خطاوي قلوبنا

ومريت الوعد ..

وعدنا العام

ماكان الوعد ..

ولا الأيام .. هي الأيام

وما أدري ليه هالشارع ..

نسوه الناس ..........

ومتى هالمقعد الخالي ..

يجوه الناس ......

حبيبي ..

ليه فـ غيابك .. يغيبوا الناس ؟؟؟

حبيبي ..

إيه والله حبيبي ..

إيه والله ..

نساني العمر..

لو أنساه ........

نساني الفرح ..

لو أنساه .........

أحبه ..

ما ظهر نجم ..

ونبت عشب ..

وسرى براق ..

أحبه ..

لا زمن يشقي جروحي ..

لا جفا .. وفراق

أنا هذا الهوى كله ..

وقلبي آخر العشاق ...................

http://members.lycos.co.uk/qetharah/up/up/i.gif

[العناااا]

رماد المصابيح


من رماد المصابيح ..

اللي انطفت في الريح

جيتك أنا وقلبي ..

ومن سهاد المواويل ..

وباقي قصيد الليل

جيتك قمر دربي ..

فيني تعب ..

لا والله أكثر .......

حالي صعب ..

لا والله أكثر

وكنتي الحبيبة والصديق ..

واللي خذتني من الطريق

وسكنتني أهدابها ..

في قلبي شوك ..

وفي عيوني شوك

شوفي أصابعك انزفت ..

من كثر ما لمست جروحي وجففت ..

دمعي الحزين ..

في صوتي ليل ..

وفــ صمتي ليل ..

وانتي الليالي اللي حلفت ..

تشعل نجومي بالظلام اللي انطفت ..

من هالسنين

فيني تعب ..

لا والله أكثر

حالي صعب ..

لا والله أكثر

وانتي الحبيبة والصديق ..

واللي خذتني من الطريق

وسكنتني أهدابها ..

ياللي أغلى من سنيني ..

ناظريني لين تحسدني العيون ..

وان حكوا حسادي فيني ..

وقالوا انك تعشقيني ..

آه يا محلا السوالف والظنون ..

ليتهم ما يسكتون ..

ولما تسقيني الغرام ..

اسري بالنور والظلام ..

واتركي كل الكلام ..

انتي الحبيبة والصديق ..

واللي خذتني من الطريق ..

وسكنتني أهدابها ..

http://members.lycos.co.uk/qetharah/up/up/i.gif

[العناااا]

آآآآآآآآآآآه يالجراح !!
.
.
.
.

لا جيت أنا بــ سامحك..

تبكي الجراح ما ودها..

مشتاق ودي أصافحك..

وعيت يدي لا مدها...

آه.يا لجراح ..

راح اللي راح ..

وراحتي .. من يا ترى بيردها .. ؟؟

يا حب ..

ياذ كرى واسم ..

مدري أنا أبكي عليك من العذاب أوابتسم ..

صدقني في يأسي ..

نفسي تبيك .. نفسي تبيك ..

لا يا دفا شمسي تبيك.. ..

ليه خنتني .. ؟؟

الله عليك ..........................................

آه يا الجراح ..

راح اللي راح ..

وراحتي ..

من يا ترى بيردها .. ؟؟

لا تحاكي عيوني ..

يمطر سحاب الملح ..

ولا تلمس أشجوني ..

ينبت في قلبي جرح ..

ناظرني يا خلي ..

جرح أنا كلي ..

وشلون أبـ ارضى الصلح .. ؟؟

فصل الخريف حبي ..

حزن وورق أصفر..

ودعني يا قلبي..

وخل العذاب أقصر ..

آه يا الجراح ..

راح اللي راح ..

وراحتي ..

من يا ترى بيردها .. ؟؟

http://members.lycos.co.uk/qetharah/up/up/i.gif

[وافي]

صـعــب الســؤال ........ صـعــب السـؤال

لـيـه نـفـتــــــرق ........ لــيـه نـفـتـــــرق

ويــن نـلـتــــــقي ........ ويــن نـلـتـــــقي

انـت الجـنوب وانا الشـمال مابـيـنـنا بحـر ورمـال

لكــن نحـــب والله نحـــب فـــــــــوق الخــــــــيال

صعـب السـؤال

ياللي اجـمل من كلامي عـنك واقـرب من سكوتي

آه ياطــول المــسافة بـيـن احـــساسي وصــوتي

ماهـو غـريب اني اسالك

وانـت انــا كـيـف كـيـف اوصلـك

لامستحـيل هـذا الـرحـيل

لكن نحب والله نحب فوق الخيال

صعـب السـؤال

قـصـيدتي وين الحـروف جـف القـلم

ياضايعة بـرد الكــفـوف رعـشة الـم

قـصيدتي الا الندم

سافــري وانـت مـعي وبـتـرجعي وانـت مـعي

قـصيدتي لاتسمــعي غـــــــــير القـصـــــــــيد

ياساكـنة في ورق الحـشا وحــــبر الــــــوريد

صعـب السـؤال

[وافي]

هذه القصيده كتبها البدر الى زوجته الأولى عندما زعلت منه حينما عرف أنه سيتزوج و ذهبت لتسكن في منزل أهلها.. غناء محمد عبده:


ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...


و و جاوبته قائله تقوى الهجر؟ غناء خالد عبدالرحمن

تقوى الهجر..

وش لي بقى عندك تدور لي عذر.

.تقوى الهجر.

.ما نجبره من عافنا ما ينجبر

..زاح الصبر.

.لالا تعنى لي وتمر

..وتبغى الصبر.

.وين الصبر؟؟
جرحي عميق ..

والقلب في دمه غريق..
وتبغى الصبر ويلاه من وين الصبر؟؟

مهما تقول لاتعتذر.

.مما تقول من الاغاني والجمل ..

مايحتمل قلبي فدية جبر الالم..

يكفي عليه منك احتمل كذب وغدر..

حبك سراب ضيعت وقتي اتبعه..
وسط الضباب

صوتك ينادي اسمعه

صرت اتبعه..
واليوم في صحرا الظمى

..ترمي فؤادي وتحرقه

..ترجع تقول

ابا عتذر ليه العذر؟

دام الهوى ماله على قولك عذر..
والجرح يا جرحي يداويه الصبر ليه العذر..
الله كريم..الله الله

..الله عليم ..الله..
وعالم بالحال ولايمكن يضيم..

عزاه لك يا قلب يا احلى نديم..

عزتي للحب لو يصبح يتيم..

حبك يتيم.

.وكلك ندم.

.وين الندم بين السطور.

.امر العدم ماله ظهور.

.اوه ترى هذا غرور..
تمشي بطريق

وانا بطريق

اللي يوديني لبعيد..
عنك يا اول رفيق

البعد يعيفيني المزيد..
وين الوفا والتضحية

وينك رفيق..؟؟
وبتجمع اوراق السنين

..لاتنسى تجمع جروحي

..ودمعي

وآهاتي

معك..وقلبي بعد ما ذبحته يارفيقي..ماعاد يقدر يمنعك..كل الامر

عاد بايديك

ياخلي ياهاجر

..ماعندك عذر..


وافي

[وافي]

كلنـــا عـشـــــاق لكــــــن ..... انتـي لا مانتــي مـعـــــــايـا

لما تجـمـعــنا الأمـــاكـــن ..... تأخـــــذك مني الـمــــرايــا

انتي مشـغـــوله بروحــك ..... مـــامـلك عـقـلك وروحــك

لا أنـــــــا ... ولاسـوايا

كلنـــا عـشـــــاق لكــــن ..... كل واحــــــد لـه حـــكايـه


اعـطي ظهــرك للمــرايـا ..... وشــــــــوفـي غـيـــــــرك

اظهـــري مـن ليل كحـلك ..... ومـن اســاورك وحــريرك

افـتحـي الشـبــاك مـــــره ..... للي وسـط الزحـمه ضـايع

انتي مشـغـــوله بروحــك ..... مـــامـلك عـقـلك وروحــك

لا أنـــــــا ... ولاسـوايا

كلنـــا عـشـــــاق لكــــن ..... كل واحــــــد لـه حـــكايـه


كلنـــا عـشـــــاق لكــــن ..... كلنــــا نحـبــك .. نحـبــك

وانتي جرحـك في ساكـن ..... وانـا جـــرحي بـــرا قلبك

امشي لو نصف المسافة ..... وقـــــفـي بـيـنـك وبـيـني

اكســـري كـل الـمـــرايـا ..... انتي اجـمـل وسـط عـيني

ياللي مشغـولة بروحـك ..... مـن أخـــذ قلبك وروحـك

لا أنـــــــا ... ولاسـوايا

كلنـــا عـشـــــاق لكــــن ..... كل واحــــــد لـه حـــكايـه

[وافي]

الـبـارحــــــة والقـلـــــوب اصحــــــاب

كـنـت القـمـــــــر وانـت تـمـدحــــــــني

واليـــــــوم لي مخـــلـبـيـن ونـــــــــاب

ومشـــــــاهـد الـــــــدم .. يفـرحـــــــني

كـــــــــذاب هـذا المـــــــدح كــــــــــذاب

وكــــــــــــــــذاب ذمٍ .. يجــرحـــــــــني

إنـســـــان مــــاني نجـــــم وشهــــــاب

ولـيـتـك مــــــــلاك وتـصـلـحـــــــــــني

لاصــــرت عـــــــاري عـلي اثـيـــــــاب

بالله وشــــــــــلـون تـفـضـحـــــــــــني

أخـطـيـت .. وأخـطـيـت كافي عـتـــــاب

انـطــــــق بحـكــــــمي .. وريحــــــــني

ياصـاحـــــبي ماقـطــــعـت رقــــــــــاب

عــــــــــدل قـصـــــــاصي وتـذبحـــــني

ولاني بعــــــــد اجـمـــــل الاحـبــــــــاب

الأجـمــــــــــــل انـك تســــــــامحــــــني

[وافي]

انـا ماشـــير بالفـــرقا ولا احــدك عـلى المقعـاد

تخـير في طــريق الـوصـل والا درب هجـــراني

حـرام الوصـل مايجمع قـلوبٍ عـن هـواها بعـاد

وبعـض البعــد لـو عــــذب يجمـع بين خـــلاني

تحـسب ان الهوى ضحكة دقايق عشتها فميعاد

الى مارحـت تـنساها وتـنسى الوعـد وتـنساني

الا ياصاحـبي الرفـقة تـرى ماهى ثـياب إجـــداد

تـبـدلها مـتى ملـيـت وتلبـس غـيــــرها ثــــاني

الى ضـاع الـوفـا مـابه هـوى بارجـيه انا ووداد

ترى ذا الفـرق بين اقـرب قـريب وبين عـدواني

تحاكيني بطـرف لسان وهرجي من صميم فـواد

وتـقـف مـن بعــيد ويـم درب المـــوت تنحــاني

[العناااا]

استبد
.
.
.
.
استبد..استبد احيان
استمد كل هذا الظلم من ألمي
اتحد من راسي .. لقدمي
واضرب بعواصفي وبزلزالي
واهّدم الناس .. واهدّم بحالي
لين استرد بعض اثيابي من الريح
ولحمي من الشوك..
وابتعد..ابتعد

واحيان ما املك العواصف .. ولا الزلزال
ولا حتى .. فـ الهجير .. ظلال
لكن استبد..استبد باللي عندي
اضرب بيدي فـ الهوى..بجبيني فـ الصخر
لين اتعب ..اتعب..وانهمد
مثل طفل اضناه البكا.. والسهر
وانتي آخر ماأعد في عمري
واجمل ما أعد

اعشقي ظلم الغصون الخضر للحطاب
والجلد للأنياب..والجفن للسكين
اعشقي هـالظالم المسكين...
واتركيني انصهر في الشمس
والا ارتعد في البرد
لكن استبد..واسترد اثيابي من الريح
ولحمي من الشوك
وابتعد .. ابتعد

http://members.lycos.co.uk/qetharah/up/up/i.gif

[العناااا]

مالنا.. وقت
.
.
.
.


كل شيئ .. دايم في وقته.. ليه ؟؟
كل شي .. حنا نحبه
صعب نستعجل عليه
طيب .. ليه ؟؟
يا ترى انتظار الشيئ
هو سفرٍ اليه
احملي اللحظه حجر
وطوحيها في المدى
تصبح الساعة .. دقيقه
غيري زمن الحقيقه
طلعيني من الصور
من الخطوط .. الحزينه
اطلقيني من الشطوط
ومن مجاديف السفينه
اجمعي الصوت .. الصدى
احملي اللحظة حجر
وطوحيها في المدى
كل شي دايم في وقته
عجيب
وكل شي حنا نحبه
كثر ما يظهر يغيب
يا ترى .. منهو البعيد .. منهو القريب
ما لنا وقت .. وقتنا دايم يجي
الزمان اللي يروح
وان سألتيني أحبك
كثر ما تشفى الجروح
اشطبيني الف ذكرى .. واكتبي
اللي يتذكر .. غبي
واللي ما ينسى غبي
ودي اشوفك .. باقي لحظه
هذا كل اللي أبي

http://members.lycos.co.uk/qetharah/up/up/i.gif

[العناااا]

العطر


ماأنكر العطر ..
وحبيبتي
وماأجحد النور ..
وحبيبتي
وماأخفي الشعور
إني أحب الشمس ولفتاتها
إني أعشق الليل ونظراتها
ياناس أنا معذور
في حبيبتي والشمس
وماانكر العطر
ألغت مواعيد النهار ..
شمس بدت مثل النهار
ريح المطر لون الخضار
حبيبتي أحلى البياض
وأحلى السمار
بالحيل مجبور ..
ماأخفي شعور
إني أحب الشمس ولفتاتها
إني أعشق الليل ونظراتها
ياناس أنا معذور
في حبيبتي والشمس
وماأنكر العطر
خليني في عيونك هوى ..
همس الحنين
لا تغمض عيونك علي ..
ولا تكذبين
تشرقني الدمعه في عيوني
تحرقني اللوعه في ظنوني
ياحبي أنا والله ماأخونك
وماأنكر العطر وحبيبتي



http://members.lycos.co.uk/qetharah/up/up/i.gif

[العناااا]

في العشق والموت

*
*
*

ضمي ..
مَلامح صورته ..
ضميه ..
لعله يفيق ..
يَشهق ..
أو يَردّ النَّفسْ ..
ضمّيه لعَله حبس ..
صٌوته ..
رعشة عرٌوقه ..
وخيم حزين الصمت فُوقه ..
مات ..
مات ..
من قبل ما يكتب له فـ قٌربك حياة ..
من لبسه ثوب البياض ..
من سبل عيٌونه ..
مسح غبرة جبينه ..
وش يفيد ..
اللي زرع نصلٍ حديد ..
في قلبه الطيّب نسى ..
قولي عسى ..
ما تلمحي ..
فـ طرف ثُوبك له دما ..
يا خٌوفتي ..
اللي سبح في نهرك الجَارف ..
غدا موته ظما ..
ضمّي ملامح صورته ..
ضمّيه لعله يفيق ..
يشهق أو يرد النفس ..
صوته جرس ..
ينحب على بوابة الليل ..
يوقظ خدر جرحك ..
يتل من عينك احبال الدّمع
ضمّيه لعله سمع ..
انك تحبينه ..
ولا .. قلتي تحبيه ..
ولا .. قلتي تحبيه ..


http://members.lycos.co.uk/qetharah/up/up/i.gif

[العناااا]

أنا الجفاااا


عن كل نجم ظهر بسدل أجفاني =لعل ما عيش حزني لحظة غروبه
وعن كل خلٍِ طويل الصمت كفاني =الصاحب اللي قليل الهرج عذروبه
وعن كل ثوبٍ جديد باالبس أكفاني =وأدله ولا ألقى رسايل هم في جيوبه
أنا الجفا ليه أخاف الناس تجفاني =وأنا الحبيب الذي من يعشق عيوبه
راعي الوعد وأن صدق مرة ولاقاني =يحتار بين السراب وقلب محبوبه
يامن عذابه يشققني ويرفاني =فرقاك غصب علي بالحيل مكتوبه
خبرت نصف تعب من نصفه الثاني =بعضي الرماد وبعضي نار مشبوبه


http://members.lycos.co.uk/qetharah/up/up/i.gif

[العناااا]

إكذب ... !!

*
*
*



صحيح اني انسى الحوداث.. والملامح .. والأسامي
لما أكتب عن آلامي .. شعر ابعد ما يكون ..
عن مجرد جرح دامي .. والأساور .. والمرايه .. والهوى القاسي الحنون ..
عندي هموم القصيدة .. غامضة .. صعبة .. عنيده ..
وانت عاشق للوضوح ..
يتعبك بحري ظلامي ..
ودك بسري أبوح .. وانا آخر همي بوح ..
تكفى لا تزيد فـ خصامي .. وقلي ما تفهم كلامي ..
انا انسى .. الحوادث .. والملامح .. والأسامي ..

2

لما أكتب أغنية مثل (الرسايل ) .. وانا أكذب ..
والخيال العذب كذب ..
كنت لازم أخفي سري وما اقول ..
إن هالمرة شعوري .. هو خيالات الحقول ..
تطرد اسراب الطيور .. عن حقيقة .. عن شعور
ما هو في حب السنابل .. انما تحت الجذور ..
كسروا العشاق بابي .. قطعوا لحمي ثيابي ..
خلعوا الأدراج .. طاحت مزهرياتي الجميلة ..
شققوا جفني كتابي ..وسألو وين ( الجديلة )
( وبسمة العين الكحيلة ) .. ما لقوا في بيتي إلا ..
ما لقوا في صدري إلا.. مالقوا في قلبي إلا ..
أمنياتي المستحيلة ..
وإني احلم .. بس أحلم ..

3


أعبر الشارع معاي .. في الرصيف الثاني قهوة ..
فيها اربع طاولات .. وحده اجلس فيها وحدي ..
ووحده للي يجي بعدي .. ووحدة لأجمل حرف عندي ..
أما رابع وحدة دايم للي مات ..
زحمة .. لكن كل من في القهوة ربعي .. كلهم ..همي ودمعي ..
ليه ما تجلس مكاني .. وهذا شوفي .. هذا سمعي ..
أطلب اقلام ودفاتر .. حاول اكتب عن حقيقة ..
ما هي وجه .. ولا مكان .. ولا دقيقة ..
أدخل الزحمة فـ ضميرك ..
لا تلفّت .. وانت ما في القهوه غيرك .. غمض الدنيا ..
وأكتب .. وإن سأل في يوم سائل .. عن معاني .. عن شعور ..
قله مابين السطور ..
وإلا تدري .. قله أكذب


http://members.lycos.co.uk/qetharah/up/up/i.gif

[الوفــــاء]

الله عليكم

بصراحة حبيت اشكر الوافي على الفكره

واشكر اختي العنا على متابعتها للموضوع

وحبيت بس اثبت لكم ان الفكره حلوه باني موجوده هنا ..

وان شاء الله راح انزل لكم احلى قصايد البدر لاني من عشاقة

تحياتي

http://members.lycos.co.uk/qetharah/up/up/i.gif

معلية العنا استعرت وردتج ..

الوفاء

[العناااا]

تخيــّــل ...


تاقف على اطراف الهدب ..
وماشافتك عيني ..
صافحتني ومدري يدك هي لمست ايديني ...
سلم .. ابارد السلام ..
وهذا ترى كل الكلام ..
اللي بقى بينك وبيني ...

تخيـّــل ...

من وين ... ومنين ومتى ...
بالله ذكرني ...
بالله ذكرني ... متى
جيتك انا فـ ليلة شتا ..
تهزني ريح الشمال ...
محتاج انا لبسمه وشال ...
تركتني لبرد الطريق وانا على بابك ..
اتذكر انك قلت لي بالله وش جابك ..
ودعتني قبل السلام ..
وهذا ترى كل الكلام
اللي حصل بينك وبيني ...

تخيّــــل ...

اليوم لعيوني السما والارض البعيد ...
اليوم ولغيرك انا يطري على بالي القصيد ...
اشتقت للقلب الخلي ..
وش هم .. لو تعتب علىّ ..
جيتك انا فـ ليلة ألم ..
قلبي على كفي ...
همست لي روح ياغريب الشوق مايكفي ...
سلم ابارد السلام ...
وهذا ترى كل الكلام ...
اللي بقى بينك وبيني ...

تخيّــــل ...

http://members.lycos.co.uk/qetharah/up/up/i.gif

[العناااا]

وفايااااااااااااااا

هلا حبيبتي هلا ..

الله عليكي وعلى تواجدك .. ودعمك الدايم ..

وتفداك ياعمري ..

الوردة ..

وراعية الوردة ..

تفدااااااااااااااك ..

وبانتظار مشاركاتك واختياراتك الحلوة ..

أرق الورد ... لك منثووووووور ..

اختك العناااا http://members.lycos.co.uk/qetharah/up/up/i.gif

[العناااا]

الصفحة الأولى


.. لو تغيبي ..

.. أترامى ..

.. تعبت أسافر ..

.. عض النواجذ ..

.. يا سيد الناس ..

.. كل عام وجرحي بخير ..

.. رماد المصابيح ..


http://members.lycos.co.uk/qetharah/up/up/i.gif


الصفحة الثانية

.. آه يالجراح ..

.. صعب السؤال ..

.. أبعتذر ..

.. كلنا عشاق ..

.. البارحة ..

.. أنا ماشير بالفرقا ..

.. استبد ..

.. مالنا وقت ..

.. العطر ..

.. في العشق والموت ..

.. أنا الجفاااا ..

.. إكذب ..

.. تخيّل ..

http://members.lycos.co.uk/qetharah/up/up/i.gif

[وافي]

مشكوره اختي الوفا ونتظر تواجدك ومشاركتك

وعلى العموم الموضوع يحتاج مشاركة الجميع


وانشاء الله يكون لشعار المنتدى اطلاله من خلل المشاركه والاستضافه

تحياتي لعنااا على المتابعه .

[وافي]

قمر قلبي
من رماد المصابيح .. اللي انطفت في الريح
جيتك أنا وقلبي ..
ومن سهاد المواويل .. وباقي قصيد الليل
جيتك قمر دربي ..
فيني تعب .. لا والله أكثر
حالي صعب .. لا والله أكثر
وكنتي الحبيبة والصديق .. واللي خذتني من الطريق
وسكنتني أهدابها ..
في قلبي شوك .. وفي عيوني شوك
شوفي أصابعك انزفت .. من كثر ما لمست جروحي وجففت .. دمعي الحزين ..
في صوتي ليل .. وفــ صمتي ليل ..
وانتي الليالي اللي حلفت ..
تشعل نجومي بالظلام اللي انطفت .. من هالسنين
فيني تعب .. لا والله أكثر
حالي صعب .. لا والله أكثر
وانتي الحبيبة والصديق .. واللي خذتني من الطريق
وسكنتني أهدابها ..
ياللي أغلى من سنيني ..
ناظريني لين تحسدني العيون ..
وان حكوا حسادي فيني ..
وقالوا انك تعشقيني ..
آه يا محلا السوالف والظنون ..
ليتهم ما يسكتون ..
ولما تسقيني الغرام ..
اسري بالنور والظلام ..
واتركي كل الكلام ..
انتي الحبيبة والصديق ..
واللي خذتني من الطريق ..
وسكنتني أهدابها ..

[وافي]

كذبه


من الشمال هضاب ..
ومن الجنوب وادي ..
وما بينهم ( كذبه ).. القرية العذبه..
طين ونخل وقباب ..
سورٍ بلا ابواب
وأظن ميلادي .. ماله زمن وكتاب ..
لكن ولدت فـ يوم .. وولادتي صعبه ..
قالوا سنة ما غاب .. مات .. أو رحل ( شرشاب )
ترف الشفاه مثل الجناح ..
ويطير الحكي .. يطير
فـ الاعياد .. يقولون :
كان يحرك الناس عرايس ..
بقطعة خشب وخيوط ..
يشعل المعارك .. ويرتب الأعراس ..
ينهي الجدل .. ويعلق الأجراس ..
يتعب الأنداد .. متبعثر الأبعاد ..
ويجمع عيون الناس فـ احداقه
ويعزي في الموتى .. ويبارك الاولاد ..
يكتب لكل طفل ورقه ..
ويغطيه بلحاف ..
مثل الكهوف مظلم .. ومثل الغدير شفاف ..
يصهر حديد البنادق ورق .. ويبري خشبها اقلام ..
ويحرق البارود .. ند .. وخشب صندل ..
ويبدا من الحنظل .. وينتهي في الشهد ..
بعض الليالي عبد .. وباقي الليالي طيف ..
كذبه .. مثل سوالف الجن .. مالها آخر
ومثل البحر زاخر .. بالحقيقه والخيال ..
ايام تحملها الجمال .. شمال ..
لجبال .. تكسيها الثلوج ..
وين المروج .. وعرايش العنب ..
وايام ينهكها التعب ..
وتجلس على اطراف الدروب ..
وتقابل الصحرا جنوب ..
تعد أعواد النبات الناحله ..
في السراب ..
وين اختفى شرشاب ؟
في الليل واجساد الحطب ..
تلوى .. وتصرخ .. ويجلدها الحطب ..
يصبح كلام الليل غير ..
وترف الشفاه لكن .. يموت الطير الأول ..
ويظهر بداله طير ..
وشرشاب يرجع .. من عج الاساطير ..
وضباب القوافي ..
لا هو مريض .. ولا متعافي .. مثلنا ..
لحم .. وعظم .. وعيون ..
واسمعهم يقولون : لو هو حرير وخز ..
أحيان .. يهتز ..
مثل انعكاس الغصن ..على الما الجاري ..
وترتعش كفه .. وسط العواصف ساري ..
وما يحرك الا .. حجانه الكثه ..
تظهر .. وترشح .. اوجاعه الرثه ..
على سطح الجديد من الثياب ..
تنشب حروفه فـ الضروس .. وتنقطع انفاسه ..
ذكرى الجنايز والعروس .. تتقاسم احساسه
يرجع لنا من كل الدروب دخان ..
ومن العزايم دله .. وشظايا فنجال ..
مشوش ٍ .. كله .. كله ..
عج .. ودموع .. ومناديل ..
في الريح .. قبل الغروب بشوي ..
يطيح العج .. وتهدا الهبوب ..
( وكذبه ) .. تجلس على الساقي ..
تغسل التراب .. عن وجهها الطيب ..
وعن قلبها الباقي ..
وتناظر الشمس اللي تغيب شوي .. وشوي ..
والما يترقرق صافي .. فـ ضلوعها ..
بين ضلوعها .. وبين النخيل
وتتذكر ايام الرحيل .. وتسترجع اوقات الغياب ..
شرشاب ..
كان المصابيح في السوق .. والمدفأة في البيت
وما يحرق الكبريت .. من تبغ .. ومن عود ..
يخيط .. جناح الفراش الأبيض المحروق ..
بسلوك الرماد ..
كان الخضار .. لزرعنا .. وكان الجراد ..
كان الوله .. وعطر المكاتيب .. ووشوشات النبات ..
يرمي الحصاة .. قبل الغدير ..
ويجني الرطب قبل اللقاح ..
ولا تطعن اطراف الرماح .. الا ما يصيب ..
كان الغريب .. اللي يعلمنا الوطن ..
( كذبه ) .. تظهر عليها الشمس من كل الجهات .. في الصيف
ما هي شمس وحده .. تقول الف شمس ونيف ..
بس الغريب .. ان ظلالها داكن ومظلم وعميق التجاويف ..
مثل صدور أهلها ..
ووقت السوالف والحكي .. اطفالها شيبان ..
وهذي عجوز ترتكي .. على ظلها ..
يوم ابتعد عنها الجدار ..
قالت وانا من هالنهار .. هارب للظل ..
الله المستعان شرشاب
اتذكره وأنا شباب ..
يعزف الرباب ..
ويحفظ قصيد بني هلال ..
ويرقص بمطرق خيزران .. وسط الحفل ..
ثوبه نظيف لو هو عتيق ..
وما في الجيوب .. ( لو بيزه ) وحده ..
يبيع الحطب .. ويشعل قناديل الدروب ..
قبل الغياب ..
ودايم تشوفه جالس لوحده ..
وفي يوم جا خطاب .. قالوا يبي ( مزنه ) ..
نقول : هذا خطيبك في الحفل .. يرقص بمطرق خيزران
الله المستعان ..
والى متى الكذبه .. يا ( كذبه ) .. والحكي في الغياب ..
وين ادفنوا ( مزنه ) .. ومتى رحل شرشاب ..
فوقي يمر غراب .. وتحتي كسر من طين ..
اطلال هالمسكين .. وملامحٍ لبيوت ..
كانت غتر وبشوت .. عطر وكحل وشيال ..
حضر الزمان وغاب .. واللي عرف شرشاب ..
ما انصف الرجال .. لكن ظلم ( كذبه ).

[وافي]

قصيدة
لا تقول


لا تقول ودعتني داري
بالحيل مالي عليك عتاب
مريت في موعدك ساري
وقفت لين النجم ماغاب
الليل تحت الشجر عاري
والفجر غطي السما بثياب
والريح في كفوفها الذاري
تدفن ارسوم الوعد بتراب
مريت ماللوله طاري
ووقفت ماللندم اسباب
مدري تعودت مشواري
أو خان بي قلبي الكذاب

[وافي]

لاوالذي سواك

لا والذي سواك ما اريد سلواك
ما أخبر به نفسٍ تمنت قدرها
وكان التفرق يا ادعج العين عناك
أنا الذي روحي عذابه صهرها
والله لو ما اعي .. نفسي برجواك
واجزم وَكاد إنه يهمك خبرها
لأطفي شعاع العمر .. لا غيّب ضياك
عميت عيونٍ ما يطولك نظرها
أغلي حياتي .. من ثواني بها ألقاك
لولاك ما تسوى حياتي كدرها
ودنيا خلت من صافي الود وياك
يا عل تكسف شمسها مع قمرها

[وافي]

أبها

كل ما كتبت أبها .. نشت فوق الأوراق
سحابةٍ .. وابتل في الصدر معلوق
أخيل بين أصابعي .. نوض براق
وكن القمر ينبت له غصون .. وعروق
شقت ثياب الليل .. عن جلد الأشفاق
لا بان لي معنى0 .. ولا زانت طروق
ضاع القصيد00وما بقى غير الأشواق
وأحلى الشعر ما يكتب الشوق في الشوق
إن خان بي الشاعر .. فأنا جيت عشاق
وكل عاشق لا بد ما يطلب حقوق
يا سودة أبها .. خاشري كل شعاق
كبد السما لا شك لدي لي بموق
إن كان أبو بندر على الوصل سباق
لي الفخر .. إني من الشيخ مسبوق
لأجلك عسير .. أزعلت خلاني فراق
جيتك .. ودونك أشهب القاع مشقوق
لي ديرةٍ خدانها مثل الآفاق
فاطرافها .. وديان .. وجبال .. وعروق
وحّد ما بين ترابها .. دين وأخلاق
وفرّق شمل عدوانها .. كفر وعقوق

[دروب المحبة]

السلام عليكم والرحمه
شحالكم عساكم بخير وعافية
مشكور اخوي الوافي على الفكره الاكثر من حلوة
واشكر اختى العنا على مثابرتها الله يعطيها الف عافية
جميل اختيارج فالبدر شاعر متميز ولنا الشرف في المشاركه ببعض قصائده الرائعه
وحبيت اشارككم بهذي القصيدة




لا تعـلمنــي
ليه أحـــس إني وأنا اشوفــك حزين = وقــلبــي الـلـيـلــه بــهـــمــي ممتـلــي
كانهـــا الفــرقى طلبـــتك حـــاجتين = لا تـــعــلــــمنــي ولا تـــكـــذب عـلــي
خـلنــي مــا بـــين شكــي والــيقيــن = الــسـكــوت رضـــــاي عنــك وزعلــي
بــاكــر الـلــي خـــافــيٍ لازم يبيــن= والــوعــــد بـلقــى مكـــانك بــه خلــي
وانتظــــــر لــي ليلــة او لـــيلتيـــن = لين مـا يـقـفـــي الـسحــاب وينجلـــي
ولا طويت اليـــاس بـذرف دمعتين= للـهــوى الــغــــالــي وبـا وادع هـلـــي
صاحبي بمـــــوت من كثر الحنيـن = خــلـنــي بــخـــتـــار لــحظـــة مقتلـــي

[وافي]

دروب المجبه اسعدين تواجدك ومشاركتك في هذا الموضوع

والف شكر على هذه القصديه الرائعه

[وافي]

وتِرحَل ..
صَرخَتي تِذبَل
في وادي .. لا صدى يوصل
ولا باقي أنين
زمان الصمت ..
يا عُمر الحُزن والشكوى
يا خطوة ما غدت تقوى
على الخطوة ... على هم السنين
حبيبي .. كتبت اسمك على صوتي
كتبته .. في جدار الوقت
على لون السما الهادي
على الوادي ..
على موتي ... وميلادي
حبيبي .. لو أيادي الصمت
خذتني ... لو ملتني ليل
أنا عمري .. انتظاري لك
لا تحرمني .. حياتي لك

[وافي]

زلة المحبوب

يا زين .. للعاشقين ذنوب
كثير واللي يحب يغفر
بالحيل .. طول الزعل عذروب
إلى متى الكسر ما يجبر
با أخطي .. وأعيد الخطا وأتوب
والصاحب .. اللي علي يصبر
وإن ما دمح زلتك محبوب
ما أظن من يكرهك .. يعذر

[وافي]

الاخت العناااااااااااااااا

امل استضافه احد شعار المنتدى ليكون ضيف
نسايم ليل . لهمسات القلوب والشعر والخواطر..

ولك التحيه . وافي

[العناااا]

أخوي وافي ..

أتمنى ياخوي تعفيني من هالمهمة ..

أنا باكمل الشعرفي قصيد البدر .. وإنت استضيف الشاعر ..

والسموووحة ..

[العناااا]

ترحيبة الحزن واليل

.
.
.
.لما يبعد ... في المساطيف المسافر ..
لما يخفيه الضباب ..
لما يرحل ... بالأمل وبفرح باكر ...
لما ينسا لي عذاب ...
هلا ... يا حزن ...
هلا بالصاحب الطيب ...
ابد ... لو تبعد قريب ...
هقيت إنك مع الفرقا ... تبي تنسى حنينك لي ...
هقيت انك بعد مليت ...
من الماضي عذابك لي ...
عسى ما جرحك فرحي ... عسى يا حزن ...
أنا لو خنت في جرحي ...
وضيعني ... الهنا ليله ...
ترى ما في يدي حيله ...
هقيت إني لمحت النور ...
بيمسح دمعي المبهور .. بمنديله ...
سحرني حلو ترتيله ...
لما يسري في الفضا .. نجم السهاد ...
لما يطفيه السحاب ...
لما يملى عمرنا الماضي السواد ...
تصبح البسمه ... صواب ...
هلا بالليل ..
هلا والله ..
يا ضاوي لو أضمك لي ..
على صدري ... وافني فيك أشواقي ..
أماني ...عمري الباقي ...
هلا بالليل ...
حبيبي كسر الفرحة على صخر الجفا الجاير ...
حبيبي حزنه الزاير لياليا ... يحبك ليل ...
يقول ازرع ضنى شوق النوى فيا ...
وأنا في موعد الشكوى ...
أبي شكوى ... أبي دمعة ضنى تسوّى جراح العمر ...
هلا بالليل ... يا ضاوي بالحنين المر ...
هلا ... والله ...



http://members.lycos.co.uk/qetharah/up/up/i.gif

[العناااا]

ردي سلامي

.
.
.
.

حبيبتي...
ردي سلامي للهوى .. عذب السلام ..
وأغلى الأماني وللأمل .. كلمة ملام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
سنين .. مرت وما أدري عن الأيام ..
يقولوا تفرق الأحباب ..
وانا أقول القمر ما غاب ..
من أول يوم تواعدنا ..
أثاري الوقت يخدعنا ..
ويبعد عننا الأحلام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
حبيبتي يا نظر عيني ..
أشوف الليل ما بيني .. وبينك .. وكل الناس ..
أحس فـ نظرتك معنى ..
ودربٍ كان يجمعنا على الإحساس ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...


http://members.lycos.co.uk/qetharah/up/up/i.gif

[العناااا]

الصفحة الأولى


.. لو تغيبي ..

.. أترامى ..

.. تعبت أسافر ..

.. عض النواجذ ..

.. يا سيد الناس ..

.. كل عام وجرحي بخير ..

.. رماد المصابيح ..


http://members.lycos.co.uk/qetharah/up/up/i.gif


الصفحة الثانية

.. آه يالجراح ..

.. صعب السؤال ..

.. أبعتذر ..

.. كلنا عشاق ..

.. البارحة ..

.. أنا ماشير بالفرقا ..

.. استبد ..

.. مالنا وقت ..

.. العطر ..

.. في العشق والموت ..

.. أنا الجفاااا ..

.. إكذب ..

.. تخيّل ..

http://members.lycos.co.uk/qetharah/up/up/i.gif



الصفحة الثالثة



.. قمر قلبي " رماد المصابيح " ..

.. كذبة ..

.. لا تقول ..

.. لا والذي سواك ..

.. أبها ..

.. لا تعلمني ..

.. وترحل ..

.. زلة المحبوب ..

.. ترحيبة الحزن والليل ..

.. ردي سلامي ..



http://members.lycos.co.uk/qetharah/up/up/i.gif

[وافي]

الاخوه المشرفين على منتدى همسات القلوب والشعر والخواطر

اتمنى منكم استضافه احد شعار المنتدى ليكون ضيف

نسايم ليل . لهمسات القلوب والشعر والخواطر



ولكم التحيه والاحترام ...

اخوكم وافي

[العناااا]

قبل الورق .. بعد الورق



كثر النهار أشتاق وانتي بعيده =الين أشوفك كثر ماتنبت أشجار

و مثل الرمال أحس روحي وحيده=اللي أجدبت عامين ماطاحت أمطار

طال السهر والليل ينــزف وريــده=في صدري اهموم وهواجيس وأسرار

كل الحروف المبــــطيه و الجديده=تطري علي لاشك في شوقي احتــــــار

قبل الورق وانتي اف بالي قصــــــيده =و بعد الورق ضيعت أنا كل الأشعـــار

http://members.lycos.co.uk/qetharah/up/up/i.gif

[العناااا]

صرخة بلا فم



قـالـت قـصـيدك ليل .. سودٍ معانـيه=رويـانـةٍ بـالـــــدمـع وامـدادهـا دم

إلـى مـتـى يـا شاعـر الـهـم تـخـفيه=وإلى متى تحني ضلوعك على هم

قـلت البكا .. صعبٍ عليَّـه وانا ابيه=لا وهـنـي الـلـي بـكـى وما تـنـدم

لي عـبـرةٍ يلعب بـهـا الحـزن والتيه=ولي صرخةٍ تعبت ابا القى لها فم

لا مـا كـتـبـت الـشـعـر ..لحـدٍ بسليه=ولا نـيـب مـداحٍ .. ولا با أتـرنم

احـسـاس لا أبـيـعه ولا نيب شاريه=مـرٍ يـجـي شـهدٍ ومـرات عـلـقـم

إلـى لـمحـتي دم جـوفي .. افــ خليه=على الورق لا صار روحك تألم

قلت الشعر يوم ان لي ... راحةٍ فيه=وحزين أنـا ...الى متى الله يعلم

http://members.lycos.co.uk/qetharah/up/up/i.gif

[العناااا]

لا تقول


لا تقول ودعتني داري =بالحيل مالي عليك اعتاب

مريت في موعدك ساري =وقفت لين النجم ما غاب

الليل تحت الشجر عاري =و الفجر غطى السما بثياب

و الريح في كفوفها الذاري =تدفن ارسوم الوعد بتراب

مريت ماللوله طاري =و وقفت ما للندم اسباب

مدري تعودت مشواري =أو خان بي قلبي الكذاب

http://members.lycos.co.uk/qetharah/up/up/i.gif

[العناااا]

يا مفارقه


انت عيونك هالعتيم =سبحان ربٍ خالقه

قصيدة لشاعر قديم=عاشق و محدٍ صدقه

و من كثر ما غبت عليه=جمع قصيده و شققه

انتي عيونك سالفه=سمعتها و أنا صغير

غيم و بروق و عاصفه=و اثنين شربوا من غدير

و تفرقوا مثل السحاب=وسط الشموس الحارقه

و من كثر ما غبت عليه =جمع قصيده و شققه

انتي عيونك نجمتين=و ضيٍ ورا ضيٍ يعود

يادوب غابوا لحظتين=خلّوا شموس الكون سود

غبتي و لا ظنك تجين=خنت العهد يا مفارقه

و من كثر ما غبت عليه=جمع قصيده و شققه

انت عيونك هالمدى=بحر و طيور مهاجره

ضيق في شطه صدى=صوت تجرح آخره

ليتك سمعتي صرختي=بالحيل كانت صادقه

و من كثر ما غبت عليه=جمع قصيده و شققه

http://members.lycos.co.uk/qetharah/up/up/i.gif