مايخلي حالة الرجال حاله غير بنت في مواقفهارجوله

[برق الشمال]

يابعد كل الرسايل هالرساله@.=.توها ماكملت عمر الطفوله
طفلة ٍ فيهاالعطر ياطول باله@.=.وده يفوح ويبوح وهي خجوله
مثل طبع اللي كتبها من دلاله@.=.في مسا فات الزمن وربع فصوله
داله ٍ لاجيت اشوفه شاف حاله@.=.ماتهيا منه لونظره خجوله
صارعندي راس مال وراس ماله@.=.ضحكة ٍ معها عقل بس مهبوله
لاضحك في مسمعي كني قباله@.=.كني اقطف عقده ورده ولوله
وحبس بعيني خيال ٍ من جماله@.=.وارفع لسمعي يدي كني بــ اطوله
ورسم لزوله شكل كنه خياله@.=.في خيالي ولاانا ماشفت زوله
كل ماحرمته القاني حلاله@.=.وكل ماعنه ابتعد قربت انوله
كنت افكرمره القى لي بداله@.=.دام وصله صعب ولأ صعب وصوله
قلت ياالله نفترق كل ٍ وفاله@.=.قال ياالله قلت لحظه من يقوله
أطري الفرقا وانا مامن صماله@.=.وادري ان فرقاه ماهي بالسهوله
كم عذول ٍ قد عذ لني في وصاله@.=.ومن عذلني قلت له نفس المقوله
مايخلي حالة الرجال حاله@.=.غير بنت ٍ في مواقفها رجوله

مع تحيات برق الشمال

[المليحي]

هلا وغلا

برق الشمال وكل عام وانت بالف خير

صح لسااااااانك اخوي

على هذه الابيات الجميله

تحياتي لك

المليحي

[المسكت]

كلمات في منتها الذوق
اشكرك برق الشمال على اختيارك الجميل

أطري الفرقا وانـا مامـن صمالـه. .وادري ان فرقاه ماهـي بالسهولـه
ابيات قويه للبوح الصادق باسلوب

تحياتي
المسكت