((الله يهني كل حي بحــيه))

[المسكت]

جيتك بعد ماوقتك تقول لي فات=وادري دوام الوقت فايت عليه
تخيلت روحي معك في وسط فرحات=امسك يديك وتمسك انته يديه
مدري خيالك كان مثلي والاوقات=عشته صعايب بين روحه وجيه
مثلي تمنى ونال ومثلي بعد مات=وانا مناني روحي امست منيه
خذ هات لكن بين هالهات هيهات=مكتوبنا معروف خطه وطيه
باشكي رداة الحظ واشيل زفرات=وبين الضلوع احفظك من كل سيه
مت بحياتي ما طلبت المواساة=والله يهني كل حي بحــيه
تحياتي للكل

اعجبتني واكيد راح
تعجبكم نقلتها لكم

للكل تحياتي

المسكت

[حصه آل عمرو]

المسكت


مدري خيالك كان مثلـي والاوقـات
عشته صعايب بين روحـه وجيـه

بالفعل إختيار أكثر من رائع................ تحياتي لك

حصه آل عمرو

[سعيد بن عبدالله]

أختيار رائع من إنسان أروع
وأكيد ما يجي من المبدع الا ابداع
ولا يجي من العود الا بخور
ولا تبخل علينا بكلماتك الجميلة
ونحن دائما في انتظارك يا حلو

[العناااا]

باشكي رداة الحظ واشيـل زفـرات=وبين الضلوع احفظك من كل سيـه


*

*

أبيات في قمة الروعة

وكلمات لها معنى جميل

واختيار يحمل من الذوق الكثير

شكرا لك ياخوي على المختارة الرائعة

ومن أختك العناااا http://members.lycos.co.uk/qetharah/up/up/i.gif لك أرق التحاياااا