يانجد صيفك يقطع القلب حرّه ******* شتان مـا بينـك ومـا بيـن بيـروت

[صاحب]

اعزائي
انقل لكم هذه القصيده المعبره عن حر جونا 00ارجو ان تنال اعجابكم


يانجد صيفك يقطع القلب حرّه ******* شتان مـا بينـك ومـا بيـن بيـروت


أقفى ربيعك بالفرح والمسرّه ******* وصيفك وصل بالعـج والحـر والمـوت



جوٍ سموم القيـظ دايـم تكـرّه ******* وإليـا ركـد مـا كنـي إلا بتابـوت



وإليا لحقني فيك بعض المعرّه ******* إسمحلي أرحل عـن فيافيـك بسكـوت



شهرين ابيها منك فالعام مرّه ******* ألبس بها البنطال والبس بهـا الكـوت



آخذ على لبنان والشام فرّه ******* وآكـل مـن الرمـان والخـوخ والتـوت



وأشوف ناسٍ فالبلد مستقـرّه ******* سـوو لهـم فيهـا مقاييـل وبيـوت



وأمر دربٍ قدمي الزين مرّه ******* ياكثر مـا شفتـه يجـي فيـه ويفـوت



زين وغنج وعيون حلوه وغرّه ******* يمشي على كيفه مع النـاس مفلـوت



كنّه غرير ولاش علمٍ يغرّه ******* لا خـاف مـن ربـه ولاهـوب مكبـوت



علقني بسحرة وخيرة وشرّه ******* سحـرٍ ذكـر هـاروت شـرّه لمـاروت



وإليا إنتهى الميعاد بترك مقرّه ******* واعصي هوى قلبٍ منه صار مبهـوت



واحزم شناط العفش والثوب أزرّه ******* وارجع بشوقٍ من مدى شوق بخوت



ويانجد صيفك لو ذبحني بحرّه ******* حييت في حضنك وفي حضنك المـوت

[مالي غيرك]

:} لا عاد تقول في الرياض شي ترى مهما كان جوها حار او بارد فهي لي خير وبركة ,,,,,,,,,,,,,, وبعدين العاصمة الي كلنا شفناها عاصمة للدول كلها وليس للمملكة فقط والى اللقاء 000000000

[المسكت]

ااااااااااااه يالديار اللي ذكرت وجوها
ههههههههههههه
وربي عندنا حر يقطع القلب داخل الجوف

بس خلها على الله

راائعه صحبوب

وانت اروع

[عصي الدمع]

صاحب yya)الحر حلو بس المشكله احنا ماتعودنا علي البرد
ماقد سمعت عن التهامي او التهمان هذي دئما اسمعها من اصحابي يقولو انهم اهل تهامه وعندهم حر واجد يعني احنا (تهامي)

بيني وبينك ولا احد يدري عني افهم ياولدgv)
ههههههههههههههههه

[راعي الأوله]

ما عاد عرفنا خير صاحب والا شره ................. من يوم قام يكتب هذي الأبيوت
خلنا نكتب ونرد عليك ولــو مــــره .................. ما عاد تترك بلدك لأجل بيروت
أن كان أذاك جو نجد الشديد حــره .................. فهو أحسن لك من تعيش مفلوت
هذا بلدك وهذا وطنك وهذا مـقــــره .................. داخل القلب و العين دونه الموت

لا عاد تتعودها .... خخخخخخخخخخخ