قصيدة / الهاجوس

[سعيد عوض العمري]

يا بو محمد سرى في الليل هاجوسي
عزاه يا من سرى في الليل هاجوسه

جمر القوافي غضى و تحوسني حوسي
وانا مع القاف والهاجوس في حوسة

انشد و ما كاني الا بالعٍ موسي
و اثر العنى في خفوقي راكزٍ موسه

احسبني العب على الدنيا بمنكوسي
واثر الزمن لاعبٍ فيني بمنكوسه

في غربةٍ مالها حدٍ ولا قوسي
والبخت بي مايلٍ صوّبني ابقوسه

حزين والحزن في دنياي كابوسي
عزاه يا من يكون الحزن كابوسه

و ونّ ونة غريمٍ بات محبوسي
يخفي المعناة والدمعات محبوسه

من وقتنا اللي يقدّر جيب و فلوسي
و يعينك الله يا من شحّت افلوسه

لو كان قرمٍ و راسه يعتلي الروسي
المال واهله بهذا الوقت هم روسه

في ما مضى اهل الشيم والدين ناموسي
واليوم قلّ الذي في الناس ناموسه

يمشي الخطر حولنا و يدق ناقوسي
والشرّ في كل وادٍ دقّ ناقوسه

يجيك نفع الغريب وفقوها بوسي
ويروح واخر عهود الخشم به بوسة

ولا يجيك البلى ينخر كما السوسي
الا من اقرابك اللي مثلما السوسة

دنيا الفتى كلها تجريب و دروسي
ويعيش ما عاش يتعلم من ادروسه

يالله طلبتك ينير الحظ فانوسي
ونكون ممن ينير الصبر فانوسه

و نكون ساعين للخيرات وعسوسي
للشرّ غلاّقةٍ ما حن من اعسوسه

# ابو فارس #

1440/11/10هـ

[عــذبــة الـــروح]

صح لسانك
أبيات رائعه
الله يعطيك العافيه

[سعيد عوض العمري]

صح لسانك
أبيات رائعه
الله يعطيك العافيه

الله يعافيك ويصح بدنك

وأشكرك على طيب المرور

[عطر الحكي]

صح لسانگ
كلمآت جميله

[سعيد عوض العمري]

صح لسانگ
كلمآت جميله

صح بدنك

شاكر لك حسن المرور..

[شيخة بني عمرو]

ابدعت
صح الله لسانك شاعرنا

[ابوفهد العمري]

ابدعت ابا فارس صح ألله لسانك .
ابيات من ذهب لا هنت .

[عذب السجايا]

آلســلام علــيكم ورحمة الله
ابو فارس صـــــح لسانك
ربما الرد متاخر ومتاخر جدا
ولكن مثلك يعذر
القصيدة جميله وبحرها غريب
اقول ذلك ولست ذا خبرة في المجال
اشكرك ولك التحية

[صالح آل سلمان]

صح لسانك يا بو فارس

[محمد سالم آل سعيّد]

اختيار جميل ،،
وذائقهـ رائعهـً،،
صح بوحك يابوفارس..

[سعيد عوض العمري]

شيخة

ابو فهد

عذب السجايا

صالح ال سليمان

محمد سالم


اشكركم جميعا على مروركم الغالي

والله يصح ابدانكم جميع،،