المساعد الشخصي الرقمي

مشاهدة النسخة كاملة : وريث المجد ( محمد بن سلمااان )


سعيد عوض العمري
10-06-2018, 02:51 AM
من هاجسٍ ليلة الٱثنين
ارسى على الشطّ بابوره

يا راعي الشعر وينك وين
القاف لك شبّ دافوره

للي يهز العوالم لين
تذعن لهيبتْه مجبورة

الراس مطنوخ حيّ العين
الراي من قدحه و شوره

امعرّب السّاس والجدّين
والمجد حايزْه من فوره

الخال من نسل بن حثلين
و الجد والساس خو نورة

غطّى بحنكتْه عالجيلين
ما قبله احدٍ خذا دوره

عبد العزيز ان لمحته زين
بالفعل والصوت والصورة

يالله تجعلْه عزّ الدين
ناصرْه في كل معموره

ذخر الوطن في العُسَرْ واللين
فخره و تاجه و هو نوره

أبو ريان
10-07-2018, 11:52 AM
والله وستين نِعم بالقائد الفذ والعقلية الرائعة ( ولي العهد محمد بن سلمان ) ..
بيض الله وجك يابوفارس وصح الله لسانك على إبداعك ..
أبياتك جزلة وقصيدة مستحقة وأعجبني فيك استثمار المناسبة لإطلاق هذه الرائعة ..
ودائماً تبدع باختيار مواضيع قصائدك المميّزة وهذه عادة جميلة فيك ..
موفق دائماً ومنها للأجمل وعساك تسلم ..
تقديري ..

سعيد عوض العمري
10-07-2018, 09:39 PM
وجهك ابيض ابا ريااان

وصح الله بدنك

و تعليقك وإعجابك وسام على صدري

من كاتب و ناقد فذ مثل ابو ريااان


لا هنت على طيب المرور

مع موفور الشكر والامتنان،،

ابوفهد العمري
10-08-2018, 11:15 PM
صح لسانك قصيدة رائعة بيض الله وجهك .

ويستاهل ولي العهد شاب طموح وسياسي محنك .

شكرا لك .

عــذبــة الـــروح
10-09-2018, 06:42 AM
أبيات رائعه ماشاءالله
صح لسانك
الف شكر لك

سعيد عوض العمري
10-12-2018, 05:46 PM
صح لسانك قصيدة رائعة بيض الله وجهك .

ويستاهل ولي العهد شاب طموح وسياسي محنك .

شكرا لك .



وجهك ابيض

وصح الله بدنك

والشكر موصول لك على طيب مرورك

سعيد عوض العمري
10-12-2018, 05:47 PM
أبيات رائعه ماشاءالله
صح لسانك
الف شكر لك



تكتمل الروعة بمروركم الكريم

والله يصح بدنك،،