المساعد الشخصي الرقمي

مشاهدة النسخة كاملة : نصيحه


غرمان بن عزيز
05-16-2018, 03:47 AM
سلام للمسلم سلام وتحيه
اللي على شانه لفينا نشارك
مواسم عظمى من الله هديه
في كل عام يحلّ شهر مبارك
واقول يا مسلم فعولك جليه
لكن صومك يتّضح في نهارك
لا تجرح صيامك ونفسك مطيه
لو سقتها للخير يصلح مسارك
وان سقتها للشّر بين البريه
يميل ميزانك وينزل وقارك
وإن كان صومك ما يكفّ الأذيه
وش فائدة صومك وهذا شعارك
وهذي نصيحه ما وراها جزيه
يالمسلم الصائم تلمّس لجارك
يمكن يكون بحاجتك في عطيه
أعطه ولا تبخل تراها لدارك
هذا وسامحني بحجم الوصيه
والسالفه سهله ويبقى قرارك

غرمان بن عزيز العمري

dr_zakaria
05-16-2018, 05:00 PM
صح لسانك يا غرمان بن عزيز نصيحة جت في مكانها وزمانها. .....
اللهم أقبل طاعتنا على قلتها واغفر لنا ذنوبنا على كثرتها وأقبل صيامنا وقيامنا
هذه السنة اصوم رمضان وانا في إجازة مرضية بسبب قلة تروية دماغية عابرة يسار أصابتني والحمد لله رب العالمين تحسنت. ...تحيتي لكم زكريا العطاري بني هاشم القرشي المكي طبيب مركز صحي بني عمرو

أبو ريان
05-17-2018, 01:50 AM
نصيحة في محلها وصياغتها شعراً كانت من أجمل ما يكون ..
بيض الله وجهك وصح الله لسانك ..
تقديري ..

عــذبــة الـــروح
05-17-2018, 03:44 AM
صح لسانك نصيحه رائعه وأبيات مميزه
الف شكر لك

ابوفهد العمري
05-24-2018, 05:14 AM
صح لسانك ولاهنت .

الضآميــه
05-31-2018, 10:05 PM
التميز وشآح ارتدآه حرفك
والروعه تآج ع قمة حضورك

صح لسآنك ..