صوت وصدى... أبوفارس & ابو عبد الله

[سعيد عوض العمري]

ماني بمجبولٍ على نظم الامداح
ولا لها في الراس عندي مزاجي

و مجّها لا صارت اهياط ونباح
وقول يالله من غثاها الخراجي

الا ليا منّ اسعد القلب وارتاح
وانفكت ابوابه وجاها انفراجي

للي جدير ٍ بالمدايح له وشاح
يكسى به و يوضع على الراس تاجي

منهم ابو عبد الله الشهم لا لاح
نور المثايل منْه مثل السراجي

عسّاف دهم الخيل والحِجْل ما طاح
الا على النادر مثير العجاجي

واليا قطف الازهار فالعطر فوّاح
من روضة ما احدٍ وصلها وداجي

عدٍّ رهاوي منهله عذب لا انزاح*
في وقتنا اللي فيه زاد الهماجي

شعره دوا و جراح واحزان وافراح
و اليا مدح منبرْه رجّ ارتجّاجي

نطرب على قافيه و نعيد لا باح
مجلسْه ما ينمل فلّة حجاجي

لو راح بن جدلان فالنهْج ما راح
خليفته معنا بحسّه يناجي

الشاعر /
سعيد بن عوض العمري

_______________________


يا مرحبا يا راس مالي والأرباح
يا مكسبي بين الرجال وخراجي

عز الله ان الراس من قافكم فاح
وانا على جرتكم اروح وآجـي

والشعر في مدح المطاليق ينساح
ويصير له وسط النفوس اختلاجي

خصاً في الي لا تردى ولا طاح
ولا مشى في سكة الاعوجاجي

سعيد ابو فارس على نهج الاصلاح
ماهو من الي له طريق ازدواجي

شاعر وشيخ ونور بادي ووضاح
متجليٍ مثل البدر في الدواجي

طيبه على مر الليالي والاصباح
مـاهو غـريبٍ منـه ولا مفـاجـي

من اسرة العياش والعد ميّاح
مثل اسرة الشعلان ولا العواجي

يوم الفقر والجوع والخوف مجتاح
ابيوتهم للناس مثل الملاجي

وان دق ناقوس الخطر والخوي صاح
للخوف امان وللظلام انبلاجي

وايمانهم خطلٍ تمرجح تمرجاح
فيها لعسرات البلايا علاجـي

الشاعر /
خالد بن عبدالله بن مشرف

[أبو ريان]

كلٍ من البدع والرد في قمته شعراً ومعنى ..
صح لسانكما فقد أجزلتما وأبدعتما بكل روعة واقتدار ..
منها للأجمل ولكما التقدير ..

[سعيد عوض العمري]

كلٍ من البدع والرد في قمته شعراً ومعنى ..
صح لسانكما فقد أجزلتما وأبدعتما بكل روعة واقتدار ..
منها للأجمل ولكما التقدير ..



صح بدنك أبا ريان


و مرورك يزيد الشعر جمالا وابتهاجا


لا عدمناك با غالي...،،

[ابوفهد العمري]

بيض الله وجوهكم وصحت السنتكم .
بدع ورد رائعين .

شكرا لكما .

[عــذبــة الـــروح]

صحت السنتكم ماشاءالله
الله يعطيكم العافيه

[سعيد عوض العمري]

ابو فهد


عذبة الروح


صحت ابدانكم ولا عدمتكم