الشيب ماهو عيب

[غرمان بن عزيز]

يا صاحبي لا تكترث لو بدأ الشيب
كم شايب مبسوط ما به خلافي
يقضي حياته في لزوم ومواجيب
ويعيش بين اهل القلوب النظافي
مؤمن ونفسه ما بها شك او ريب
صابر ولا يسعى لكشف الخوافي
ضاري بفعل الخير ومزارق الطيب
قلبه على ما قيل بالحيل صافي
والشيب ما هو يا هل المعرفه عيب
العيب والله في النفوس الضعافي
اللي في الحاجه تناساك وتغيب
تنساك لو تبقى سنين عجافي
وصالها موجود في داخل الجيب
واذا خلي جيبك يجيها اختلافي
لكن عسى اللي يعلم الجهر والغيب
يجعل لنا من ثلّة العيب كافي

غرمان بن عزيز العمري

[عــذبــة الـــروح]

صح لسانك
أبيات رائعه
الف شكر لكـ

[ابوفهد العمري]

احسنت صح لسانك بيض الله وجهك .

[أبو ريان]

صح لسانك أبو محمد ..
قصيدة رائعة ووصف جميل ..
قلت وأوفيت بوصفك الرائع وأبدعت بنظمك المميّز ..
تقديري ..