خير الكلام

[غرمان بن عزيز]

الصمت بعض احيان خير من الكلام
***************** **** ** والصد عن هفوات غيرك زود طيب
والعفو والمعروف خير من الملام
************************ وخصوص لا صار المقابل لك قريب
وادمح وسامح وأبد هرجك بالسلام
*********************** * وأحذر تطارد شيء ماهو لك نصيب
ترى الحياه ارزاق ما بين الآنام
************************** ** والرزق عند الله عالم كل غيب
وأختر من الاقسام قسم في السنام
************************** ******* ولا تمد ايديك للهين تخيب
وأختر صديق في مواقيفه همام
************************* **** اللي إذا ناديت صار أقرب مجيب
وأختر من الزوجات بنت ما تنام
****************************** * طول النهار ولا لها فعل مريب
ستر على بيتك ومن نسل الكرام
******************** **** وتقوم بالواجب معك من دون عيب
وأحذر تأكلها من المال الحرام
************************** ** وأحذر تعرضها لنظرات الغريب
هذي شعر وجهك وسمعتها لزام
**************************** عليك وأنت اللي تعلمها المصيب
ولزوم تسمع لك بحشمه وإحترام
********************** ** وتعاملك بالصدق وأنت لها الطبيب
وإن كان ما طاعتك في نص النظام
******************************** فأردف عليها بنت رجال أديب
هذا الكلام الصدق والمفهوم عام
**************************** واللي فطين يبين حبه للحبيب

*************************** غرمان بن عزيز

[المهندســ]

اهم شيء البيت قبل الأخير ههههههههه
بيض الله وجهكـ .. شاعر قدير وحكيم

دمت بخير

[الصيـــ ( ضــــاري ) ــاد]

صح الله لسانك وأعلا شانك

[ابوفهد العمري]

ليه كذا انت قدها ؟ ههههه

تدري صح لسانك يابو محمد .

[أبو ريان]

صح لسانك أبو محمد ..
الحقيقة إنك أبدعت وأرى كأننا قرأناها بطريقة سؤال وجواب وخاصةً بالختام
اللي جبتها فيه على الضلعان (:
ولكنك ما قلت إلاّ الصحيح بكل ما ورد بهذه القصيدة الفائقة الجمال ..
تطوّر رهيب من قصيدة لأخرى وهذا دليل شاعرية مميّزة ..
دائماً مكان الثقة وفقك الله ..
تقديري ..

[غرمان بن عزيز]

اخي الغالي ابو محمد


اخي الغالي الصياد


اخي الغالي ابو فهد


اخي الغااي ابو ريان


الف شكر لمروركم وعساكم ذخر ولا خلى ولا عدم يالغالين

وخذوا الابيات على وجهها الجميل
اهههه

[عــذبــة الـــروح]

صح لسانك
أبيات رائعه
شكراً لكـ