على وضح النقاء

[غرمان بن عزيز]

وين بألقى لي محبه على وضح النقاء
في قلوب صافيه ينعرف منطوقها
وفين بالقى لي صحيب يبادر باللقاء
يحترمني وأحترم جيته وحقوقها
خالي قلبه من الحسد وانواع الشقاء
والمهالك ما تعود يسير طروقها
ان تقابلنا فحنا حبايب وأصدقاء
وان تفارقنا فالاسرار في صندوقها
والعيوب تذوب والستر للغالي بقاء
والتواصل يسعد النفس بعد عقوقها

غرمان بن عزيز

[عطر الحكي]

صح لسانك وعلا شانك
بانتظار المزيد من هاالجمال

[ابوفهد العمري]

صل على النبي يابو محمد ليش التشاؤم هذا ؟؟
الدنيا بخير يابن الحلال . ههههه


صح لسانك والله يعطيك العافية .

[عــذبــة الـــروح]

صح لسانكـ
أبيات رائعه
شكراً لكـ

[أبو ريان]

صح لسانك أبو محمد ..
الأبيات جميلة ورائعة وأبو فهد يقول الدنيا بخير ..
وأنا أقول كلامه صح بس الشروط هنا صعبة ..
كفيت ووفيت بأبيات قليلة تساؤلاتها كثيرة ..
تقديري ..

[تراتيــــل]

صح بوحك ي قدير
اذا لقيته ي ابومحمد فشد بايدك عليه ولاتفرط فيه
فمن تتوفر فيه هالصفات فهو نادراً
إحترامي لسموك ..

[الصيـــ ( ضــــاري ) ــاد]

ان تقابلنا فحنا حبايب وأصدقاء
وان تفارقنا فالاسرار في صندوقها

والعيوب تذوب والستر للغالي بقاء
والتواصل يسعد النفس بعد عقوقها


صح لسانك وأعلا شانك ...