تزوج ولك ( 5 ) آلاف دولار ..

[أبو ريان]

لم تجد الحكومة الأيسلندية حلاً لمواجهة قلة الإنجاب وارتفاع معدل الاناث عن الذكور عن الرجال
إلا بدعوة المهاجرين للزواج من أيسلنديات والحصول على منح
مادية شهرية وذلك لمواجهة هذه المشكلة..
وأصدرت أيسلندا أمس بيانًا بإصدار قانون بمنح مبلغ 5 آلاف دولار شهرياً لكل مهاجر
يتزوج من أيسلندية وأن الأولوية ستكون من نصيب سكان شمال
أفريقيا لقدرتهم الفائقة علي تحقيق معدلات إنجاب عالية..
ولاقى هذا البيان استحسانًا وانتشارًا واسعين بين رواد مواقع التواصل الاجتماعي
ونالت القضية العديد من التعليقات الطريفة كان أبرزها أن الحكومة الأيسلندية قامت
بإيجاد حل جذري لمشاكل البطالة وعدم مقدرة الشباب المصري علي الزواج
وأيضاً حل جذري لمشكلة العنوسة وارتفاع نسبة الإناث مقابل الرجال في أيسلندا..
ــــــــــــــــــــــــــــــــ
هاه وش الشور يا الربع (:

[أمآبعد ㋡]

الطريق الي ايسلند 😂..
اهم شي الراتب ..
تقديري ..

[capitano]

قشرين الله يسلط عليهم المصاريه
حي ابو ريان

[ابوفهد العمري]

استعنا بالله تراني حجزت تذكرتين درجة أولى لك لسمييك بو سيف وعلمونا كيف الوضع هل يصلح للشيبان . ههههههه

[أبو ريان]

حياكم الله والعلوم فيها زوجة وراتب (:
المهم اللي له نيّة يحجز والطيارة عندي (:
ويابو فهد شد حيلك وفك عمرك من المغناطيسو وهيا قدامي (:
نورتوا ولكم تقديري ..

[الصيـــ ( ضــــاري ) ــاد]

تروني قارين عنهم تعلوماتن طيبتن واجد وبتعجبكم
اولها ديانتهم المعتمده المسيحيه
ثانيها يرجعون في أصولهم غاليين...من حمى فرنسا
ثالثها وأهمها يقرون الأديان...وهذا يعني يقرون بالإسلام عدوا وخذوا اربع ومشوا اموركم بعشرين الف دولار شهري اربع وع البحر ومية فل يسم الله ماشاء الله ...:qlbe3::qlbe3::qlbe3::qlbe3:
واللي معه مغناطيسه سعوديه ...تكفيه الخمسطعش شهري ولاتطمعون يجماعة الخير ...:qlbe3::qlbe3:

احجز لي المقعد اللي على الباب يبوريان .. ...:qlbe3:

[أبو ريان]

المقعد محجوز وبالمجان بس ( اصمل ) (:
والسعوديات لهن كل الحشمة والتقدير ..
بس وش نسوي فيه عروض حلوة كيف ماكانت فلازم نشوف العلم (:
المهم الإسلام يعلو ولا يُعلا عليه وبإذن الله يسلمن فيما بعد ..
ياللي مخاوينا بسرعة ترا المقاعد محدودة (:
نورت ولك تقديري ..

[ابوفهد العمري]

خلاص انا مستعجل واقاطع على ارجولي منيه وانتوا تعالوا على مهلكم بالطائرة . ههههه

[الصيـــ ( ضــــاري ) ــاد]

خلاص انا مستعجل واقاطع على ارجولي منيه وانتوا تعالوا على مهلكم بالطائرة . ههههه


يبغا يوصل بعد اول خلفه....:qlbe3::qlbe3:

ابوفهد هقواك مانوصل
ولا انا بنلحق الطايره الايرانيه اللي كل ماخذت مطب قالوا كل الركاب ياعلي
بس عاد حنا بنسعودها مع ابوريان الين نصل اما حول فم الركب ولا حول ببوركينا فاسوا ....:qlbe3::qlbe3:

[ابوفهد العمري]

من يركب مع ابي ريان فوصوله شبه مستحيل لأن الطائرة لك عليها والطيار الله يحميه نظره 6/6 . :biggrin:
واللي يسير على ارجوله يصل قبلهم فخلك معي او تشوف , :050103disco3_prv:

[الريم الجفول]

يارب تمطر قنابل ع طيارتكم قولوا امين
:030305041148::2guns:

[تراتيــــل]

هههههههههههههههههههه

هبوا ياذوليه
الله يجعل طيارتكم تلحق الطائره الفرنسيه تفلح ولايندرى لها بقصه 😁😅

[ابوخالد..]

الله يسويلكم نعين ونعاون لواعتبرتونا من المشايه ههههههه
وبيني وبينكم كنه راقلي الوضع
شكراً ابوريان موضوع روعه.
واقول لواحد على بالي
نسيك الموت ياذانسيني من بد الاحباب
كم تمنيت تذكرني وكني من عشيره ههههههه
.................
...........................
............

[أبو ريان]

أبو فهد ..
تقول واتقاطع على رجولك طيب طيب (:
عز الله صملت ونويت (:
أما الطيارة ونظر القائد فارقد ولا تهتم وخاصة إلى ركّب الشميّة وهَب مثل الهبوب ..



الصياد ..
دامك ما قد جربت الطيارة وسافرت معي فلا يمكن تعرف الوضع (:
لذلك اعتبرها فرصة بوجود طيّار وطائرته ويوديك لزوجة وراتبها (:
نورتوا ولكم تقديري ..

[أبو ريان]

الريم الجفول ..
لا ما بنقول آمين (:
كيف سنعك الله يهديك (:



تراتيل ..
ترا الدعوة شبه طيبة (:
يعني نروح ولا عاد نرجع وهذا يعني وجود حياة جديدة بايسلندا (:




أبو خالد ..
معناته أنت معنا وتتقبل دعوة تراتيل بروح ايسلندية (:
نورتوا ولكم تقديري ..