قصيدة تشويش للشاعر مرعي الحمراني

[عطه خير]

( تشويش )
اصنعك انا يامشكله لاجل ماطيش
بعض المشاكل فايدتها عظيمه
باسباب عينٍ ناظرتني بترميش
اصنع مشاكل وابتعد في حشيمه
في قربها موتٍ وفي البعد باعيش
عيشة كفيفٍ والحنايا سقيمه
يا وقتي الجاير دقيقه ومعليش
عليك انا جاير وعندي عزيمه
يا وقت فارقته بظلمٍ وتشويش
يتيم في الدنيا وفارق يتيمه
اعشقك ياوقتي وباهديك تهميش
يمكن تزول هموم قلبٍ مقيمه
يا وقت ناظر حالتي صرت درويش
من حَب وقته جاه جرح وهزيمه
متعثرٍ حالي ولا فاد تطنيش
طنش تعش صارت عباره جحيمه
الوقت مسرعبي وذاليوم بشويش
عايش على ذكرى فصولٍ قديمه
نصيحتي لاهل الهوى دون بخشيش
ترك المحبه والمحبه جريمه
مرعي الحمراني

[الصيـــ ( ضــــاري ) ــاد]

رائعه ...صح لسان الشاعر الأحمري
وتسلم يمينك أخوي



تحاياي