قلبي جريح

[سُهيل]

قلبي جريح

أرحلي يالوعة النفس وشقاه
أرحلي خلي عيوني تستريح

يكفي اللي بالخفا همك خذاه
ويكفي إني بالشقا قلبي جريح

أتركيني بالعمر أجني عطاه
دام حظي للأسف أصبح طريح

ذكرياتي بالأسى تشكي غلاه
والعنا في داخل أنفاسي يصيح

ودي أنسى وأسعد بطعم الحياه
وأتهنى قبل ماعودي يطيح

ودي ولكن أنا وين النجاه
دام أسمع بالخفا صوت الفحيح

الألم ياهاجسي من هو رضاه
ومايصح بها الزمن إلاّ الصحيح

والله إني صابرٍ وأرجي وفاه
ولو زماني بالوفاء أصبح شحيح

وأتمنى لوعتي تأخذ شقاه
وأتمنى بآخر العمر أستريح


الشاعر/فهيد البقعاوي