يا شبل سلمان الوفا

[سُهيل]

تحالف الخمس وثلاثين دولة

http://s.alriyadh.com/2015/12/22/img/063214644839.jpg

يا شبل سلمان الوفا حزت الاعجاب
ومجدك يابو سلمان ما احد يطوله

في حزة الشدات وبوقت الانشاب
تاقف مواقيف الفخر والرجوله

صار العدو يحسب لوقفاتك حساب
ولله درك فزت في كل جوله

يا باذل للمجد غايات الاسباب
حتى كتب مجده بفعله وقوله

واثبت بتصميمه على حرب الارهاب
بتحالف الخمس وثلاثين دوله

وماتت بحقد قلوبها كل الاحزاب
اللي عن النهج السليم معزوله

يا سيدي بفعلك يحيرن الالباب
ويشيب منه اللي بسن الطفوله

أبهرت كل العالم اصحاب واجناب
بفعل به يبين الفخر والبطوله

يمنا ك بلسم بس يسراك مخلاب
تفتك بها باهل العقول الجهوله

وزرعت بجفون المعادين مكلاب
وضاق الفضا فيهم بعرضه وطوله

يا محمد انته لا نوى الدار حراب
لك هجمة على المعادي مهوله

انته شبل سلمان محمود الانساب
شبل الشجيع الشهم يا حي زوله

سلماننا اللي جامع كل الالقاب
القول قوله والحزم في فعوله

سلماننا للعز والطيب كساب
ما فيه احد بالطيب مثله وحوله

وهذا الوطن باقي باذن رب الارباب
وارواحنا دونه تروح بسهوله

هذا الوطن لا دار للحرب دولاب
له الفدا نفس ومال وحموله

الشاعر/عطاالله بن سليمان العطاالله