أبشر بعزك

[سُهيل]

أبشر بعزك


أبشر بعزك يا هوى البال والروح
ولا لا يهمك أي مخلوق غيري
ما للغلا ذوقٍ ولا للغلا روح
لو يختلف في يوم عنك مصيري

يامهجتي يا غايتي وين ماروح
منك القليل بأي حالٍ كثيري
أوعدك أنا يا منية القلب ما أبوح
بالسد مهما يا حبيبي يصيري

باب الغلا والشوق والود مفتوح
مفتوح لك مادمت ساكن ضميري
أنت الذي شيدت في جوفي صروح
المستحيل بيوم عنك استخيري

فيك الغنج مع خفة الدم مملوح
فيك البهاء يختال كنه أسيري
لا صار غيري من عنا الوقت مجروح
أنا أحمد الله ما جرحني عشيري

[بن ظافر]

الله الله ربي يسعدك

فيك الغنج مع خفة الدم مملوح
فيك البهاء يختال كنه أسيري
لا صار غيري من عنا الوقت مجروح
أنا أحمد الله ما جرحني عشيري

[سُهيل]

بن ظافر

شكراً لك ع المشاركة ، وع الإشادة
والله يسعد الجميع لما يحبه ويرضاه
والله يعطيك العافية