شمس الحياه

[غرمان بن عزيز]

الشمس مالت وانا في ظلها منطوي
*********************** اشوفها والعيون تماثلت للغروب
وامسيت وانا على ما قيل اعوي عوي
************** وتضايقت في عيوني موسعات الدروب
من قبل خمسين عام في الحشى منزوي
************ داخل مساحه حماها الله من كل صوب
تسعة شهور وانا في بحرها ملتوي
**************** اعيش من خيرها وادور بين الجنوب
من بعدها جيت للدنيا ولا لي خوي
******************** انا وحيد المجال ولا تلبست ثوب
عايش بكامل حنان اثنين وانا سوي
************ حتى كبرت وعرفت المستوي والنشوب
واليوم دارت بنا الدنيا وضعف القوي
*********** * واللي ضعيف قوى عوده وحل الوجوب
هذا وجوب القضاء من بعد عودي روي
******************* حتى ولو كل ما سويت ماهو ينوب
عن زحرة في نهار فيه الانفس طوي
*************** تترقب الخير من اللي عالم بالغيوب
لكن نرجوا الرضى منها وانا من ذوي
*************** الطاعه اللي امر فيها* رسول الشعوب

******************** غرمان بن عزيز

[ابوفهد العمري]

احسنت جزاك الله خيرا ورزقك برها ورضاها .

صح لسانك بارك الله فيك .

[أبو ريان]

صح لسانك أبو محمد ..
رحم الله الوالد وعافا الوالده وكتب أجرك وأجرها ..
قصيدة معنى من طراز رفيع بيض الله وجهك ..
أبدعت الصياغة حرفاً وشعراً وهي عاداتك ..
تقديري ..

[طيف]

هذه الدنيا الله المستعان ..
الله يرزقها برك ويرزقك رضاها ويشفيها ويعافيها ..

بارك الله فيك..

[تراتيــــل]

صح الله لسانك
الله يرحم الوالد ويرزقكم بر ورضا الوالده
شكرآ لسموك ..

[عــذبــة الـــروح]

صح لسانكـ
شكراً لكـ
دام التميز والإبداع

[غرمان بن عزيز]

ابو فهد


ابو ريان


طيف


تراتيل


عذبة الروح



الف شكر لمروركم الجميل وعساكم ذخر .

[بن ظافر]

الله يسعدك ويصح لسانك

هذا وجوب القضاء من بعد عودي روي
حتى ولو كل ما سويت ماهو ينوب
عن زحرة في نهار فيه الانفس طوي
تترقب الخير من اللي عالم بالغيوب
لكن نرجوا الرضى منها وانا من ذوي
الطاعه اللي امر فيها* رسول الشعوب

[غرمان بن عزيز]

الله يصح بدنك يا ابو ظافر ويسعدك