حقايق

[غرمان بن عزيز]

الشيخه اللي مالها ساس وختوم
************************* مضمونها اما مال ولا مصلحه
عرفتها واللي تصنع ما يدوم
************************* لابد من يوم فعوله تفضحه
والفارس اللي في المبارز ما يقوم
******************* أكيد سيفه غصب ضيع مطرحه
هذي حقيقه والوغى يبغى قروم
**************** تقبل على الخصم العنيد وتنطحه
والثروه اللي وقتها ليل ويوم
********************* لازم تناثر مثل حب المسبحه
تضيع ما بين المناوي والحلوم
********************* ويتيه راعيها ما بين الاضرحه
والموضه اللي مالها عندي لزوم
********************* اقولها للشخص لكن ما اجرحه
عساه يتقبل من العاقل علوم
****************** وأقول له في الحال يالله تصلحه
والصقر لو تلقاه في عش الرخوم
**************** ** فأعلم ترى راعيه غير مسرحه
ما عاد يقدر لا يطير ولا يحوم
**************** واضعف طيور الجو حتما تسدحه
حقايق في الأرض تتعبنا عموم
********************* والوضع مزري لازم انا نشرحه

****************** غرمان بن عزيز

[أبو ريان]

ياسلام ياسلام ياسلام ..
من أروع القصيدة حكمة ووصفاً وصراحةً ووضوحاً ..
قمة بكل شئ فمبناها ومعناها وهدفها عالي المستوى ومن أبدع ما يكون ..
بصراحة صور رهيبة في هذه القصيدة جعلتها تتزيّن بشكل كبير ..
قد تكون الحقيقة لتوضيح شئ معيّن واضحة وبكلمتين يصف الإنسان مثل هذا
الموقف ويبيّن السبب بسهولة ولكن عن طريق نص شعري فالأمر يحتاج لشاعر
فنان ومبدع لكي يُقنع بطريقة طرحه ويُفهم القارئ بما يريد ..
غرمان تمكّن من ذلك بشكل رهيب لأبعد حد ..

والصقر لو تلقاه في عش الرخوم
فأعلم ترى راعيه غير مسرحه

في هذا البيت كل شئ بالقصيدة ..
صح الله لسانك ولك تقديري ..

[الصيـــ ( ضــــاري ) ــاد]

اقمت على الكتابة حد الرجم
بالغيب ياصديقي من غيهب عمق ما أجد هنا
ومامن حدود هناك ومامن هناك من عهر

بين يدينا من لدنكم رسل فأهلاً بك ياشعرنحب الشعر
ولم نأتي من جزر الواقواق وحاشا ان تكونوا انتم من ارض العجم
وقد قرأت الكثير من شعر العابد الناسك الزاهد فمازاد في الأدب مازاده الفرزدق
فاعجب ان تقطع المسبحه وفي حيرة التيه تبني الأضرحه
ثم ترسل الرسل وبين البِشْر والنُذُر اقبية ذات سراديب

أقف لجميل قولك متأملاً وبفكرك النيرهنا ارتضي المشوره وبحكمتك أستزيد



وعظيم تقديري لك ياصديقي

[نبض]

***

مـــ اجمــل هـذا الصبـــاح .. ورائحة العود المعتق هُنا

حرفُ يزرع نفسه في الصدور ويشعل التفكّر والتفكير بهذا الجمال




ألف شُكر ي شعر..

[ابوفهد العمري]

الشيخه اللي مالها ساس وختوم
************************* مضمونها اما مال ولا مصلحه
عرفتها واللي تصنع ما يدوم
************************* لابد من يوم فعوله تفضحه

اسقاطات رائعة بارك الله فيك قلت فاجدت ولاهنت .

صح لسانك وشكرا لك .

[بن ظافر]

الله يصح لسانك ويسعدك
والصقر لو تلقاه في عش الرخوم
فأعلم ترى راعيه غير مسرحه
ما عاد يقدر لا يطير ولا يحوم
واضعف طيور الجو حتما تسدحه
حقايق في الأرض تتعبنا عموم
والوضع مزري لازم انا نشرحه

[عــذبــة الـــروح]

صح لسانك
أبيات مميزه
الف شكر لكـ

[غرمان بن عزيز]

ابو ريان

ضاري الصياد

نبض

ابو فهد

بن ظافر

عذبة الروح



بيض الله وجيهكم على المرور والتعليق وعساكم ذخر