اعتراض على قار المشرف العام التعسفي

أيها الناس اسمعوا وعوا
دخلت اليوم النت متأخر بعد صكات متتاليه من البلوت
طلعت فيها كلها خاسرا
ثم تهاوشت مع اثنين من اخوياي على بالي قوي
وبرضه طالعت خاسرا
ولا تنسوا اني اشتركت في اسهم شركة (( مبرد ))
وما زلت خاسرا خاسرا
ثم دخلت لمنتدياتكم بني عمرو
واذا اللي ما يتسمى المدير العام
يرسل لي رسالة يقول فيها
نبي نريحك شوي من الاشراف
علشان يحط دماء جديدة من اجل تطور المنتدى وعدم ركوده
ويقول ما قصرت ولا فيك قصور بس نبي نريحك شوي
من أجل التجديد وإعطاء الفرصة لغيرك
على باله بيضحك علي بالكلام المعسول
طيب يا دباسوه
وتتابعت الخساير خسرت الاشراف
اما بعد
بصراحة وانا دايم احب المجامله
انا اخذتها بروح رياضيه
مثل روح الجمعان اذا جاته كورة على انفه الدايري
وقلت طز في طز يساوي عادي
بس الشيطان دخل علي بمداخل
واول مرة يكون معاه حق
يقول ما عندك كرامه
اجل انت يا ابليس اللي عنده كرامه
شوف الرشيد نتفوه ولا قال شيء وهو وزير قد الدنيا
وغيرة كثير يا ابليسي
بس تعرفون ابليس
قعد يقرقر فوق راسي
ويقول الخويطر صار بعد المعارف صار وزير دولة
والثاني في مجلس الشورى
والثالث مستشار
يعني لازم تكون زيهم
قلت ترها كلها كسرة منتدى عام
قال ولو ابو ساعد
مشوار ستين خطوة يبدأ بخطوة
قلت طيب وش تبيني اسوي
تعرف انا طعتك في اكبر منها
لعنة الله عليك
قال تكون المعارض السياسي للمنتدى
طيب يا (ابو دباس ) -- اسم ابليسي كذا --
وجهة نظرك صحيحة
________________
واني اعلن اليوم
انشقاقي عن المنتدى
واطالب المدير باستحداث منتدى المعارضه
وادعوا الجميع الى الانضمام معي في المعارضه
في تواقيعهم وموضوعاتهم
وتسجيل اسمائهم
دعما للدمقراطية والحرية وحماية البيئة
وليخسأ الخاسؤون وليعيش الماجدون ( زمان يا صدام )

	ويريدني دباس اما طريدا او بعيدا او قتيلا ولكن يا دباس - شهيدا - شهيدا - شهيدا ويا جبل ما يهزك ريح

_________________________________________
_______________________________
___________________
__________
ترى امزح يا مباحث
واتمنى للمنتدى كل تقدم وازدهار ورقي

ياحبي انت حــــر
ســو اللي تبي تســويه
إن شــاء الله تحكــم
دووول اذا ما تعديت حدودك محد بيهز كرامتك

تحياتي
وارد عليك بحريه
على اساس تاخذ حريتك في الاشرااف!
ان ارت الاشراف بمنتدى فمن حقك وإن اردت الاشراف على نفسك فمن حقك

انت بس اطلب اللي تبيه
وانا اكلم دباسووه جل همك
انت اخترالمكان المناسب! لراحتك
والقسم اللي ترتاح نفسياً فيه
مع نفسك ومع الاعضاء

وابد لا تعترض ولا شئ طلباتك ملاباه

اعتراض على كلامك مو على اعتراضك
ههههههههههههه
لك تحياتي

احترام
المسكت
واختلاف الاعتراض لا يفسد للود قضيه
هههههههههه

ياحبي انت حــــر
ســو اللي تبي تســويه
إن شــاء الله تحكــم
دووول اذا ما تعديت حدودك محد بيهز جنودك

تحياتي
وارد عليك بحريه
على اساس تاخذ حريتك في الاشرااف!
ان ارت الاشراف بمنتدى فمن حقك وإن اردت الاشراف على نفسك فمن حقك

انت بس اطلب اللي تبيه
وانا اكلم دباسووه جل همك
انت اخترالمكان المناسب! لراحتك
والقسم اللي ترتاح نفسياً فيه
مع نفسك ومع الاعضاء

وابد لا تعترض ولا شئ طلباتك ملباه


ههههههههههههه
لك تحياتي

احترام
المسكت
واختلاف الاعتراض لا يفسد للود قضيه
هههههههههه

وش السالفه يالربع ..!







لكم أطيب المنى

المسكت
اذا لم تكن معنا فانت ضدنا
واختر والله خيرك
اختر بين الموت على صدري
او بين هراوي المعارضة
لاني ناوي شر
فكر واربح