ذي أسرة التوحيد للعدل ربان

الزملاء الأفاضل أتمنى أن تسمحوا لي بهذه القصيدة القديمة المتواضعةوالتي سبق أن قلتها بإحدى الأمسيات الشعرية وأن تعذرونني على مابها من قصور.


يالله يارب كريم ورحمان
.
ياموجد القرآن وأوجب نزوله
.
ياخالق الدنيا بقدر وميزان
.
ياخالق الإنسان محصي فعوله
.
تحفظ لنا دار السعودي والأوطان
.
دار ترعرعنا بها مالطفولة
.
وأحفظ لنا فهد العرب طير شيهان
.
ابن الملوك وشيخ يعرف بزوله
.
وأحفظ ولي العهد يامر بالإحسان
.
ياطيب قلبه والأيادي عدوله
.
والنائب الثاني كريم وفهمان
.
يابعد نظراته ولا هي عجوله
.
ذي أسرة التوحيد للعدل ربان
.
أهل الوفاء والشعب ياكم يقوله
.
ياالله تديم الأمن يالله والآمان
.
وأهدم طريق الشر وأهدم ذيوله
.
الإرهاب جانا من يهودي وشيطان
.
دخيل والله ما يحقق بطوله
.
الإرهاب ماله صورة ماله الوان
.
أناأشهد إنه داء ياالله تهوله
.
الإرهاب شلة شرذمة دمّر أوطان
.
جانا من ديار الكفر والجهوله
.
الإرهاب نادى به سفيه وغلمان
.
أهل الجهل جهّال ناس أمهبوله
.
الإرهاب دمّر له شباب وشيبان
.
و دمّر الأطفال ساعة وصوله
.
الإرهاب يتّم ثم رمّل لنسوان
.
دمّر مصالح دمّر أبيوت طوله
.
الإرهاب نسف وشر يشعل بنيران
.
آفة طلبت الله يعجّل بزوله
.
والخاتمة صلوا على خير إنسان
.
محمد المختار يا من وحوله

اللهم صلي وسلم على نبينا محمد

صح الله لساانك مليوون والله يعطيك العافيه يا ابو محمد
قصيدة جزله ورائـعـه من شاعر جزل ورائـــع
في انتظار جديدك
تقبل أطيب التحايـا

اللهم صلى وأسلم على محمد اشرف الخلق

الإرهاب نسف وشر يشعل بنيران
.
آفة طلبت الله يعجّل بزوله


مرعي الحمراني
هلا وغلا فيك وعاش من شافك

الله يسمع منك ياخوك
ابتلونا بالارهاب وحن في غنى عنه
صح لسانك مليون ولا يكفون

اخووك

صح لسانك وسلمت

صح لسانك يابو محمد والله يحفظنا واياك من كل شر