تيس المنتدى بح

السلام عليكم

مساء الخير عليكم جميعا

انا جاي اشتكي لكم واعرض حالتي عليكم وراضي بحكمكم والعنوان هو صلب الموضوع

منذ بدايت بناء هذا المنتدى ولدي وعد من ابو سلطان بان يعزمني انا ومن ارغب في دعوته على تيس مندي محمر وان يتم تزيين السفرة بكل ما لذ وطاب من الفواكه والعصيرات والمرطبات على حسب طلب الضيف اللي هو انا.

ومن يومها الى هذا اليوم مرت سنة كامله وهذا التيس لم يتم ذبحه واصبح هذا التيس جد لقطيع من الماعز وكل مره نلاقي عذر من ابو سلطان مره مشغول ومره لما نرقي المنتدى ومره لما نغير الألوان وغيرها كثير ولكن اليوم وصلنا الى اخر اصدار ورقينا المنتدى والالوان تغيرت وكل شي تمام واعتقد ان هذا وقت التيس والمرق في هذا الجو البارد

والله يحييكم كلكم وبعطيكم خبر بالمكان والزمان بس هو يقول تم


تحياتي للجميع

أولاً نهنئ الأخ سعيد على الشكل الجديد للمنتدى

الشئ الثاني: مثل ما قالوا " كل تأخيره وفيها خيره "

يمكن لو تمت العزيمه من بدري ، ما لنا فيها نصيب !!!

" المهم يابوسلطان جهز التيس لا تصير تيوس "

الله اكبر

يتعب ويشقى ويرقي ويثبت وتاليتها تحملونه تيس

مثل ما يقول المثل بغينا ابلهم فاخذوا غنمنا

تدرون, اجل لا تغرون بي الى استعدتوا

تراني دايما بعد الوعد اعلموني توا

أخوي ابو فارس

وعليكم السلام ورحمة الله وبركاته

منذ مبطي قلنا له يجيب تيس ولا ماعز بس ما يسمع الكلام ويا خوفي يتحول الى مفطح

لا تروح بعيد ترى الوليمة قريب

تحياتي ،،،

ههههههههههههه

الله يرج ابليسك يالجوارح
كلها كوم وسار التيس جد كووووم

يمكن سعيد على نياته يبي يذبح لك سلاله كامله
يعني يبي التيس ذا يخلف اكثر عدد ممكن من الاحفاد
وبعدين يذبحهم كلهم
كرم لك


ابشر بعزك والله وتيوس مو بس تيس
اما الجو والله يشجع صراحه
تحياتي لك ورعااااااك الله

المسكت

السلام عليكم ورحمة الله وبركاته

بعد الوعد

لا تخاف بنوجه لك دعوه بس ترى اللي بنعزمه وما بيجي عليه عشاء وحنا نختار وش نوع العشا

تحياتي ،،،

اخوي المسكت

مساك الله بالخير

التيس هذا له حكاية طويلة ولو حكيتها يمكن نخلص الحبر اللي في المنتدى
اول مره استعد بالتيس قال توه مولود صخل وفي الديره عشان يطيب لحمه من المرعى وتعرف غنم ديرتنا لحمها له طعم خاص ولما يكبر بيشحنونه عن طريق DHL او على اقرب باص نقل جماعي .

رحت الديرة قبل كم شهر ومريت من عند بيت ابو سلطان ولقيت فرقة غنم ترعى قدام البيت اتصلت فيه وقلت ترى انا حول الغنم اجيب التيس معي قال اصبر عليه شوي لين يكبر شوي ونتعيد عليه بعد رمضان قلت نصبر واشوف الحج بيلحق رمضان وبديت اشك ان ابو سلطان يخطط يصير اضحية وتيس المنتدى في وقت واحد توفير للمال

تحياتي ،،،

اقول الجوارح
شكله ما قد كتبله الموت والله ما خوفي الا لا يموت ولا ذقناه بس زي ما قلت لك الله يخلي لنا احفاده الظاهر لو بتنسى التيس اللي سار جد بيروح فيها احد الاحفاد لكن اينا برحمه الله خل اما بالضحى والله ما نبيه الصدق
وش نبيبه في الضحى وبعدين ما هناك خساره بالمال لا بيشتريه ولا شي دام انك تقول انه مع الغنم عند البيت
اقل شئ انت شفته ولو حي بلاك من اللى ما شافه لا وسار جد الا بالعكس بنريحه من تكاليف الشعير والمرعى ونوفر عليه

السلام عليكم

اقول يا اخوان اشوف ابو سلطان مطنش وكأن الموضوع ما يهمه

وش الحكاية؟

لا يكون ناوي يعتق التيس المسكين طيب بطلنا منه عطنا واحد من أحفاده

تحياتي ،،،

اخي الجوارح

ولا يهمك والسعد فالك وفال الجميع

انت آمر واحنا نطامر 0 لايردك الا المكان والزمان

واعزم من تريد وبيكون بيني وبينك تنسيق

بس اقول لاتنسى 00

سفك الدماء غير مباح

ولك تحياتي

خبر عاجل جداً

وصل إلينا خبر يفيد بان ابو سلطان استبدل جهازه القديم بجهاز حديث ذو مواصفات عاليه وعشان يكون الجهاز مبروك ودخوله على البيت يكون فيه البركه اصر الا يحط على التيس تيس والمثل يقول من حبه الله جمع ضيفانه

وبهذه المناسبة ادعو الجميع الى التكاتف معي كي نحصل على هذا الشرف ونكون من الحضور على هذه الوليمة

اخي الجوارح
متعود على اللحوم من اسمك ماشااء الله عليك
تيس مره وحده




علىكل حال احب اهني ابو سلطان واقوول له ماقصرت ويعطيك الف عافيه
وايضا لا انساك اخي الجوارح على مساهماتك التي لا تنسى في المساهمه والتطويره




وبعدين يوم كنت جالس انا وابو سلطان المغرب نتقهوى
قال خلاص انه موافق على التيس ومستاجر زل وعند الاستاد بيدفنه لكم عشان تذووقون حلاوته
بس قهرني لانه اول شي عزمني وبعدين علمني ان التيس مو هو التيس اللي تحتريه يالجوارح
لانه قال لي فيه تيوس بثمانين ريال تجي مبرده ومافيها فرق
فعشان كذا وجبت فضيحته
وشرطنا نكون موجودين عند حدوث التعزير بالتيس





ودمتم بود

كفوا أبو سلطان قدها وقدود
والجوارح والجميع يستاهلون أن شاء الله
وبمناسبة الجهاز الجديد نقول ألف مبروك يأبو سلطان والله يقويك ويعينك على التيس الثاني بس نبي التيس الأول .
وما دام ابو سلطان استعد حددوا الزمان والمكان وعلمونا بها ولا تتركونا والله ثم والله انا نقومكم بحق .
وبالنسبه للتيس الثاني بيبطي عظم خلنا في الأول وبعدين الثاني في عطلة الحج .

وبالنسبه للتيس أنا برسله لكم فيدكس هو وأحفاده وألا أستاجرت نقل جماعي لهم من كثرة أحفاده
مسكين ذا التيس كل يوم يودع أحفاده بنذبح اليوم ومن يوم في يوم لين ملو أحفاده منه ويبون الفكه .

ودمتم سالمين

كفوا أبو سلطان قدها وقدود
والجوارح والجميع يستاهلون أن شاء الله
وبمناسبة الجهاز الجديد نقول ألف مبروك يأبو سلطان والله يقويك ويعينك على التيس الثاني بس نبي التيس الأول .
وما دام ابو سلطان استعد حددوا الزمان والمكان وعلمونا بها ولا تتركونا والله ثم والله انا نقومكم بحق .
وبالنسبه للتيس الثاني بيبطي عظم خلنا في الأول وبعدين الثاني في عطلة الحج .

وبالنسبه للتيس أنا برسله لكم فيدكس هو وأحفاده وألا أستاجرت نقل جماعي لهم من كثرة أحفاده
مسكين ذا التيس كل يوم يودع أحفاده بنذبح اليوم ومن يوم في يوم لين ملو أحفاده منه ويبون الفكه .

ودمتم سالمين

[align=center]ابو سلطان
إن كان ما عندك تيوس اللحين فزرق للسوق
نصيحه تراها او تغلى قرب الضحى ولا ودنا نكلف عليك
لو منت غالي ما قلت لك لكن شد حيلك
والله اني سمعت ومتأكد ان الربيع والامطار طيرتها
سارت قيمتها غاليه اعطنا واحد والثاني ابشر بسعدك
والله لو ما يشتريه الا انا بس انه حلف ما يموت
لين يموت الاول وعلى قوله السيكا الجوارح
تعرف وشهو من الصقور يحب اللحوم خلصنا
واعتق التيس وربي حتى احفاده انه صادق السيكا
ملو منه انت لو تشوف حتى الاطفال من بني الانسان
والله ما عاد يعطي الواحد ابوه وجه فما بالك بالجد

[/align]