وصفك نسيته بس باقي ملامحـك

لا جيت ابنسى وأتراجع وأسامحـك
صاحن جروحي واشتكن لي طعونك


كلك خيانة قـول وشلـون أبمنحـك
وش موقفك من شخص دايم يخونك


اكبر خطا.. لو جيت يمك أصالحـك
أول تحـول لاتغـرك .. إلحـونـك


اللي تقوله صح لو كنـت جارحـك
ميرانت غارق للاسف فـي ظنونـك


وصفك نسيته بس .. باقي ملامحـك
بنهيك وانهي بالنهايـه .. جنونـك


ماتستحـق امـد كفـي واصافحـك
مثلك غلط عمري وابحيا .. بدونـك


لعبـت دورك شاهـدات ٍ مسارحـك
خدعتني واظهـرت خافـي فنونـك


كنت اعتقد قلبي هو ابرز مطامحـك
اللي يبيع الناس .. لجلـه يصونـك

تعبت اسوق الشوق يمك واصارحك
اخلصت لك بالحب شوفـت عيونـك

لكن خسارة صرت غايـة مصالحـك
ياليتني ماجيـت لحظـه .. بكونـك

بالامس كنت بنشوة الحب .. امازحك
اخيـل برقـك واتحـرى امـزونـك

واليوم من صفحة حياتي ابمسحـك
هديت صرحك ثـم طاحـت ركونـك

ولابي عيوني لو تصـورت تلمحـك
اعلنت موتك .. وانسجن لي كفونك

وان جيت تطلب ترتجيني .. اسامحك
بهديك طعنه .. من بقايـا طعونـك
منقول

أبيات رائعه صح لسان شاعرها
سلمت يداك؛؛؛إختيار رائع

الف شكر على هذا الا ختيار الموفق
واليوم من صفحة حياتي ابمسحـك
هديت صرحك ثـم طاحـت ركونـك

ولابي عيوني لو تصـورت تلمحـك
اعلنت موتك .. وانسجن لي كفونك

وان جيت تطلب ترتجيني .. اسامحك
بهديك طعنه .. من بقايـا طعونـك

عذبة الروح
وبن ظافر

اشكر لكم حضوركم وتشريفكم

ولكم تحيتي