معك قرشين تسوى. ما معك ملك لواء يا خـال

لحاله دايم لحاله في أيامه هناك لحال
وحيد بلا رفيق ولا خبرت اللي نشد عنه
وضوحه فيه ما يجمع غموض الكون والرجال
نهار ابرد من الثلج ونهار ادفا من الكنه
نشدته مرة عن سر هالصمت الرحيب وقال
أنا مثل البحــر يا كثر ما يحويه ويضـــمه
أنا من حط ناسه كل أبوهم في الغربــــــــــــال
ولا والله طلع منهم بمن ضنه علــى ضنـه
حبايب وأصدقاء وقروم مروا يا ولد ورجـــــــال
تعدوني وزلوا ساقتي منا وأنـــــــــــا منه
أنا اللي شوف عينك بس لجل أني بسيط الحال
غديت اللي عيوبه عن بياض الوجه عدنه
خوي الفقر كله عيب لو هو ما به المثقــــال
ومن يمناه عن جيبه قصــــيرة عزتي عنه
خويك والله اللي لا بغيت العلم راس الــمال
هو اللي لا رفاك أمسيت فوق الآه و ألونه
تمرى في الوجيه اللي تشوفك كل ما ينقـــال
تعرف إن الفرائض يا عزيزي تلحق ألسنه
زمان ما يبي فـــــيه لا دله ولا فنجــــــــال
يزول الكم دون الكيف فيه ولا أحد كنــه
معك قرشين تسوى. ما معك ملك لواء يا خـال
ولا تسوى الثلاث من الغنم واللي رعاه نه
تبي رجال قم و ادعس على خد الزمن بنعـــال
ومد أم العطا واللي تبي من عقبها سنه
لك الله غير تشري لك رجال يا ولد بريـــــــال
ليا منك ملكت ريال جاء لك حنه و رنه
غديت أنت الولد راعي الجمل والحمل والجمال
ولك راس السنام من القلوب ولا لحد منه



منقول ...........................