السيره الذاتيه ل خالد البقمي وخويه/ دمرني الشوق وابي ترحيب خوقاااق يليق بجلال قدري^_^

السلام عليكم الرحمن الرحيم

مسآء الخير . مسآء الابدآع . مسآء التميز مسآء الاثاره . مساء التشويق .. مساء مغربي < فآك معهآ عاد عليهآ برآطم تقط كوكب زحل من درب التبانه يا شيخ << وين يبو لا تخرج عن النص

إنه ليسعدني ويشرفني في هذا اليوم العظيم التاريخي النووي الخنفشاري إن اكتب لكم ما اكتشفته بعيني المجرده الخاليه من الدسم وبغير تدخل مجاهر او تلسكوبات او زرقاء اليمامه بعد ..

انه يوجد بيننا اغنى و اشهر رجل في العالم وهو ربما لا يعلم بتاتا البته !





سوف يتبادر الى ذهن كل عضو وعضوه وايقونه مباشرة الجمله التاليه .. (وش يبي هذا ) !
ولآكن صدقوني انها الحقيقه المشرقه والواقع الرائع والمستقبل المطلع على ثلاث شوارع مع كرآج !

نعم انه ليس فقط الاغنى بل الاشهر والاكثر شيوعا لدى سكان هذا الكوكب !(حشى كرة قدم )


سأروي لكم القصه واكتب بعض مقتطفات ما رأيته ...

بينما كنت اتجول كعادتي بين غياهب الشيخ قوقل لأطور نفسي وثقافتي وانتف سوالف لأبطال القبائل وانسبها ل نفسي وافقش ع العيال لما نتجمع عن بطولاتي وصولاتي وجولاتي (تقزير وقت ) وابين لهم مقدار قوتي ( القوي الله ) وكيف انني اعد من اكثر الاشخاص شهره في العالم .. حتى انه من زود شهرتي وضعوا لي صنم في جزر الكناري ( يا روحي يا هُبل) ..
ووضعوا كتاب خاص يدرسونه في المملكه المتحده بسبب . هزيمتي الساحقه ل (نسيم حميد) امام اعين الملكه اليزابيث وكان حاضر القيم الاميره ديانا حتى انها من كثر ما فكت معي سوت حادث وهي تسوق وتوفت وحمدت الله اني ما ارتبطت مع العائله الملكيه ..(ما احب الرسميات)
<< يتخيل شكله طاق بنت البكار ومزود نشا < ويجي عنده البودي قارد ينادونه (السير احساس) ومتكي معاهم واحتسي قدحا من النبيذ الفاخر (عرق ابو كعب غالي) .. وااااو لا استطيع ان اتمالك نفسي من الاثاره .. !

وحكيت لهم كيف إنني كنت لعيب جدا لدرجة ان السير فيرغسون (ما يقرب للسير احساس) طلبني ورمى علي طاقيته الربع المرصعه بنجوم اليوفا وقال لي تكفى ابيك تلعب معنا تكفى لا تردني تكفى يا الشنب ..
وقلت له خلني افكر ورجعت الحاره والقى الشايب مناديني وقال ان واحد اسمه (سير درقسون ) ! دق وقال يبيك تلعب معاهم وقلت له خلاص ابشر على خشمي وروح وانا ابوك سامح لك تلعب معاهم بالحاره ولا تتأخر وبسبب هذا الفهم الخاطىء تهور فيرغسون وباع كريستيانو رونالدو لأنه ضامن اني بغطي عليه في اللعب والوسآمه .. وللأسف رفضت اخذ مركزه لأني قمطت الصرآحه ان وحده تفك معي مثل باريس هيلتون واسحب عليها وتسوي لي سحر مثل كريستيانو . يا دافع البلا ..

وكان العيال متجمعون حولي كأني جدهم اللي عمره (20 برى) وانا اكمل لهم حكايتي .. بس لفت نظري نظره في عيون واحد منهم كأنه يقول لي ( ارحمنا يا ابو شلاخ) . . وعلى طول قرون الاستشعار اللي مركبهم لي . محل زينة سيارات < مرهم الولد .. لقطت السالفه . وبسرعة بديهه وخفة ظل قلت لهم .. انا ادري انه في ناس يمكن يتبادر الى ذهنها اني ابالغ .. لآكن . رآح اثبت لكم بالدليل القاطع اللي ما يتررك مجآل للشك اني فعلا مشهور .. وقلت لهم كل واحد يقط لي ريال بسرعه ..( عشان اوديهم المقهى ) وافتح النت واوريهم الدليل اللي يلقم الحجر لكل من يشكك في مصداقيتي الصدوقه !

المهم كل واحد قام ينفض جيبه .. واحد طلع لي ريال من عهد مرخان بن سعود < من ملوك الدوله السعوديه الاولى .. وواحد طلع لي . 20 هلله عليها رسمة واحد بدون شنب وعقال < عرفت انه مو من ربعنا .. وواحد طلع لي . عمله غريبه جدا اثارت حفيظتي .. وااحد لابسس عمامه وحاط يده ع صدره ما ادري هو يقول النشيد الوطني والا وش يسوي !
واخر واحد طلع لي عمله بحرينيه .؟! يقول لاقيها في طفاية السياره حقت اخوه ونتفها عشان يسوي نفسسه عربيد وراعي بحرين وزحف وبارات (حليب سعوديه منتهي صلاحيه ويخب عليه )..



وفي نهاية المطاف صفينا على ريالين و100 سنت بحريني وعمله بيزنطينيه وريال أموي طيني عليه صورة مروان بن عبدالملك خيبري ورحنا المقهى ..
فتحت لهم صفحة قوقل .. عشآن ادخلهم . موقع الاشخاص الاكثر شهره في العالم واوريهم اني في المركز الاول بلا منازع او منافس ..

وعندمآ ضغطت انتر والبسمه تشق وجهي من زود الثقه ...
آآه ما اصعب تلك اللحظه .. اعذروني قليلا اريد ان استجمع انفاسي.. بالفعل لقد كانت صعبه ومؤلمه مثل الألم اللي يسببه لك ابوك يوم يصحيك من عز النومه ويفتح الستاره ويطفي المكيف صباح يوم السبت عشان تداوم المدرسه. !

لقد رأيت وبالنص العريض ... المفأجأده المدويه اللي من قوة دويهآ توفى واحد من كواكب المجموعه الشمسيه..
خالد البقمي القائمه!!!!!!!!!!!!!!!!!!!!!!!!!

لم اصدق ما ترآه عينآآي وبدأت اوسوس في نفسي هل انا في حلم اما انا في علم ؟ !
فقلت لأحدهم بالله اضربني عشان اتاكد اني في علم ولست في حلم .. فلم يكذب خبر الاحمق ونتفني تحت الحزام نتفه يحبها قلبك . طلعت لي عرق في جبهتي .. اطول من خط الشرقيه جيزان !

فأيقنت ساعتها ان الخبر حقيقي . وبينما كانت انظارهم تتجه نحوي . والشرار يطير من عيونهم حسفا وغيظا على قطتهم وعلى ايآمهم وسنينهم اللي ضيعوها حولي . واخرتها طلعت فقاش مع مرتبة الشرف .. استدركت الموقف بسرعه كعادتي وضحكت ضحكة الخليفه العباسي في مسلسل تاريخي لما يأكل تفاحه والخاتم اكبر من يده وينظر الى الحاشيه ... ضحكت هذه الضحكه ولاكن بدون تفاحه.. وقلت لهم ارأيتم .. انه لقبي. الشهير خشم دعلج .. تحسبا للعين والسحر وباريس هيلتون !! ؟ ..
واستطردت قائلا لهم آلآن رجاء كل واحد يضف وجهه لا العن خامس خامسكم واسوي فيكم مثل ما سويت في بروسلي يومه يضرب اخوي الصغير ويستقوي عليه واقطعكم اربا اربا واضيع ملامح وجه كل وااحد فيكم واخلي الواحد فيكم يمشي ما ينعرف وجهه من قفاه يا السرابيت يا ملاعين ال ******


وعندما غادروا نطيت ع الجهاز اشوف وش سالفة هالخششم ؟ ! اللي . استطآع انه . يغطي ع شعبيتي بين الشعوب ويحطم تصدري التاريخي للشهره والاضواء ! ..

وجدت التالي :

خالد البقمي ذاتيه الاكثر مبيعا في الاسواق.. السيره الذاتيه اللي حطمت رواية هاري بوتر .. واطاحت بكل منافسيهآ ..

فقلت في نفسي.. لمآذا لا اقرى عن منافسي لأعرف نقاط الضعف لديه فخير وسيلة للهجوم ان تعرف نقطة ضعف خصمك وتوجه اليه اللكمه القاضيه .. مثلما فعلت بنسيم حميد (ازعجت امنا انت ونسيم ) ..

فعندمآ قرأت وتمعنت وابحرت في سيرته... وجدت اشياء يندى لها الجبين .. وتدمع لها العين ..

انه بالفعل يستحق هذا اللقب بكل جداره واستحقاق (روح رياضيه ) ..

وسأتحفكم ببعض السير والروايات اللي ذكرها عن شخصه الكريم(اقصد خالد فأليكم بعضا منهآ :


يقول خلودي سه .. عندما كانت طفلا يانعا لم انضج بعد .. كنت مثلي مثل أي ورع سعودي طبيعي يروح للمدرسه ويدرس مناهج التدريس الفعاله والمحببه الى قلوبنآ واللتي تثير الحماس والرغبه لدينآ في الحضور كل يوم والاستمتاع بهآ .. .. ويستطررد .. شدني في احد المرآت . موضوع . عن امرأه تسمى
(زرقاء اليمامه ) يقول لقد ذاع صيتها وصدح ذكرها وفاحت رائحتها وسحبت بساط وكشك الشهره من الجميع .. فقد اشتهرت انها تستطيع رؤيت مسيرة 3 ايآم !!

حتى انه ذكر في احد المرات انها كانت ام عين زايغه .. وهي تناظر مسيرة ثلاث أيآم رأت احد اعضاء هذا المنتدى (احتفظ بأسمه ) في البر . يحفر حفره . وقعد .. وانششدت عروق وجهه . وتغير لونه وانتفض فجأه ! ..







وبعدهآ ارتسمت ابتسامة رضى على وجهه !! ونهض ودفن الحفره . .. ولا ندري حتى هذا اليوم ماذا كان يفعل ؟ !






ويستطرد قائلا (تحس راحت ع الكلمه يستطرد )
دعوتهآ. للتحدي ! ..
فقالت انك لا تستطيع منافستي فأنا ارا عن بعد ثلاث ايآم واقدر اجيب العيد فيك واشوف كل بلاويك ليل نهار ..
فقلت لها . كلآ انتي . تملكين اقوى موهبه في النظر وانا املك اعتى واقوى جيوب انفيه في العالم . فقالت لي مستهزأه وساخره ( على هونك يا خشماء اليمامه) !! ..

ويستطررد قائلا : وقتها لم يكن خششمي بهذا الحجم . ولاكن ستعرفون السبب ..

عندما اثارت غضبي . بدأت اعصب وانتفض واشجب واستنكر وبدأت عملية التحول لدي وسأشرحها عملية التحول بشكل مبسط ليسهل على الجميع فهم ما حصل ..
هل تذكرون ابطال الديجتآل ؟
عندما يغضب احدهم .. يذهب الديجتال الصغير ويستدعي المقاتل الكبير من القاعده < قاعدتهم مو قاعدة طالبآن ..

هذا ما حصل بالضبط لي.. غضبت واحسست بالخطر فذهب الخشم الصغير واستدعى المقاتل الكبير (خشمه حاليآ) من القاعده .. وبسرعة بديهه وبحركتين فقط قضيت عليهآ ...

مجررد عملية شهيق وزفير .. فأختفت هذه المتعجرفه الى الابد ...



ويروي دعلج عن نفسسه يقول .. في احدى المرآت قرأت اعلان في احد المواقع على الشبكه العنكبوتيه لدكتور يسمى (بشار البزره ) اخصائي خشوم !!
فقررت السفر له عشان يشوف لي حل بخشمي لأن المقاتل الصغير ما رجع ابد من يوم سالفة اليمامه !!

ولم اكن احمل معي الا جوالي فقط وقطرة الانف ( يروى عن اخيه انه عندمآ يطلب دعلج منه ان يضع له قطرة الانف . يقرى دعاء السفرر من طول خشمه حتى انه عندمآ يصل لمنتصف خشمه يجد لوحة زرقا ومكتوب فيها ..متبقي 50 كيلو على نهاية الطريق .. ويجد نقطة تفتيش ومحطة الخنيني ) ..

ويستطرد قائلا لم اكن احمل الا جوالي وقطرة الانف . فمررت بالبوابه اللي من عقبها نصعد الطائرآت .. وتفأجأت بالموظف يأشر لي ؟ !

قلت في نفسي لحوول اكيد يبي توقيع وصوره وانا مستعجل ماني فاضي لأمه.. فأنصدمت انه يقول لي . لو سمحت اخوي نزل العفش في القسم المخصص له وهم يتكفلون يوصلونه الطائره وانت تعال هنا !!!!!!

ارتسسم فوق راسي علامة استفهام كبيره .. قلت له ما معي عفش يا كابتن والله كلها جوال وقطرره !
قآل يا اخوي انا ادري ان العلم تطور وانك تقدر تسوي عملية وتخفي دولاب بخششمك . بس مو لهالدرجه يعني تصير وقح !
وتخليها باينه قدآمنآ..

واستطرد الموظف قائلا .. رح لو سمحت ارم خششمك على سير الشنط وتعال والا ما في سفرر .. ؟!

انا خنقتني العبره وقتهآ وتحطمت ورجعت لاقرب كدآد . وقلت له ودني اقرب بحر لاني ابي اقعد مع نفسي ويمكن انتحر واغرق نفسسي .. فقال لي . ما فيه ا الهافمون .. قلت له لو توديني جزر الواق واق ما قلت لك لا .. روح بس ..
وانا راكب ورى والحزن كاسيني والدمعه تجمدت ع الخدين ومشغل راشد ( ودي ابكي لين ما يبقى دموع ) وحالتي صعبه ومن شدة الحزن فيني ما حسيت الا واحنآ واصلين ..
جيت بطلع له الحسآب .. لاكنه طلع نششمي وقال لا والله ما يسوى اعيش الدنيآ دونك لا ولا تسوى حيآتي بهالوجود !
انا ناظرت شنبه اللي كأنه (كرفته صغيره) قلت في نفسي شكله الرجال معجب فيني والا وش قصة ام النظره مع الغزل اللي مو راكب على وجهه اللي كأنه (فانوس)..

اطلقت العنان لسيقآني على الهافمون وجريت خطاي وانا مشغل عبدالكريم . اجر الصووووووووووت مع تنهيدتين سفري يحبها قلبك ..

وكان الهافمون مزدحم بالكائنات الحيه ..
فأنتبه لي واحد . وقال لي يا الحبيب .. قلت له لا تكلمني رجا والله لا انفجر عليك ابكي واكون نهر دجله والفرات تحتي من كثر الدموع ..
قال افااااااا عسىى ما شرر ليه ليه . يا اخي ؟؟ ترى الدنيا ما تسوى ؟
قلت له والله خشمي مسبب لي ضيقه وعلمته وش صار معي في المطاار .. قال لي تبي الحل عشان تنسى همومك ... اطلع مع يخت لنص البحرر واررجع سباحه على ظهرك .. انا مجربها من قبل كل ما اتضايق اسويها واحسس برآآحه ؟؟

قلت له عن جد بتحكي ؟
قال . ولك عن جد وعم ولك

قلت له اوكي خلااص انا قررت اخذ بنصيحتك وارروح ..

رحت لنص البحرر ورجعت للشاطى سباحه ع ظهري وفعلا اعطتني مفعول عجيب بالراحه .. ولاكن يوم قربت من الشاطى سمعت صرآخ ناس وقربعه وحوسه ؟؟ انا استغربت ..ومكمل السباحه واقرب اكثر واكثر وكل ما قربت كل ما زااد الصرآآخ شوي والا اسمع وااحد يقول .. جيبوا العجررا جيبوا العجرا وانا ولد فلان والله لا اصيده !!!! .. (واحد مهايطي من حقين الثقبه )
والا اسمع الثاني يقول .. والله تخسي ما يصيد (القرش) الا انآ !!!!!!!!!!!!!!!!!!!!!!!!!!!

انا بلعت العافيه يوم سمعت قرش ومن قوة القمطه قمت اجري على البحر ومنزل راسي مثل هادي صوعان في الاولمبياد عشان اوصل قبله !!

شوي الا كل الناس تناظرني بدهشششششششششه ؟؟
انا اناظر قلت لهم خيررررر؟
الا المهايطي يقول هذا انت الله يلعنك . وحنا نحسسبك قرشش جاي من بعيد اثرره خشششمك ؟؟

واستطرد المهايطي القول .. يقول يا اخي انا اول مره اشوف خششم مثلث . وتسسبح ع ظهرك
مسوي فيهآ رونالد كروفآن ( بطل اولمبي ) ؟

انآ يومه يقول كذا والدمعه ناشبه في طرف عيني وبيغمى علي من قوة الالم والتحطيم ُ.. وجيت اسقط الا الرجال اللي علمني السباحه ع الظهر حسس بالذنب ومسكني واخذني معاه..

قلت له شفت بعينك وش صاير فيني انا لازم انتحرر ..
قال استغفر ربك هذا عمل يوديك عند ابو جهل دايركت ما يصير ؟
قلت له وش تبيني اسوي بالله قول لي ؟
وين ما اطقها عويه ع قولة اخواننا الكويتيين..
انا خلاص بنعزل عن العالم الخارجي ..
بروح اسسكن في عشش طائر اللقلق والا اسكن مع تمساح . مع اني احسس حتى التمساح بيستلمني !
قال تدري تبي تغير جو ... رروح لاقرب مقهى نت وغيررر جوو .. ادخل فرفشش سو اللي تبي ..؟!

قلت له ماهي بشينه ومنها نفتك من التحطيم يمديني افقشش ع البنات اني حلو وخششمي سلة سيف !

قال خلاص ارروح معآك . وحنآ دآخلين المقهى . طبعا تكون في اجهزه ع يمينك ويسارك .. وعطاني هندي جهااز في اخر المقهى . درء للشبهه ..
وانا ماشي من بين الاجهزه الا احسس يد ماسكه خشمي وتحرك خشمي يمين ويسار واسسمع بعدها مباشره . يا ابو فسيه يا ملعون الوالدين .. جيب فاره جديد هذا ما في شغل ؟ !!
وشوي الا الولد حسس انه ماسسكك خششمي ؟ استحى وقال اسف اخوي والله مع الظلمه ما فرقت بين خشمك والفارره ؟ !!

انا طحت ع الارض وقعدت اضرب واقول ليش ليش وانا اجهشش بالبكاء
وجا خويي مسوي فيها (الاب الروحي حقي ) وقال خلاص خلاص الله يلعن اوم الحاله .. تعال نطلع نروح الحلاق تحلق وتضبط وتسوي تنعيم ع كيفك . وبعدها نرروح نرقم بنات وتفلها وتتأكد بنفسسك ان المظااهر ما تهم ..وان خشمك مميز ومحارب من الجميع لانه فريد من نوعه !

قلت له والله يعني انت ما تلعب علي اني فعلا فريد من نوعي ! ؟

قال لي . أيه اصلا انت من كثر ما انت مميز وفريد من نوعك شركة موبايلي. منزلين لك باقه مخصوص . تشتغل ع خششمك . ما يحتااج برج شبكه !

قلت له والله انك فعلا انسان تنحط ع الجرح يبرى والقلب سلم لك امرره في حالتي انتا ادرى ياللي حن.. ما امداني كملت الا كف ماشي الفين وشادني مع رقبتي وموديني حلاق ..

دخلنا. حلاق . الا ذاك التركي اللي يلق لق تحسسه تيس جبلي مثل اللي كان يطلع ع الجبل قدآم بيت (جد هايدي)

قال اهلين ولك حبايب ائلبي تؤبروني < إجل تركي ها ؟ !

قلت له ولك تؤبرني يا ابضاي وضحكت معه مسوي امون ؟
الا خويي التفت علي وناظرني نظره حسسيت اني صغررررت صغررت صغررت لين صرت كبر النمله ؟

قال خويي للحلاق خويي يبي يحلق وابيك تضبطه ورانا ديت وحركاات . !

ضرب الحلاق ع صدرره ضربه قويه من شدتهآ. نتج عنهآ تسرب في الغازات الخلفيه له .. وقال ابشرر ولك ولك مو على عيني ولك .؟

قلت له والله تسلم حبيبي ..
وقعدني ع الكرسي وكما هو متعارف عليه دائما كنت انتظر السؤال المعتآد ؟؟ دقن والا شعر ؟
ولاكني انصدمت انه يقول لي. خشم والا شعر ؟ !!

ما اقدر اوصف احسآسي صرآآحه وقتهآ..
بديت انصررع وانتفض واستنزل ع الكرسي .. لاكن الله رحمني ان خويي انتبه وقال له حدد له شنب بس ..

قال الحلاق اوكيه ولك مو على عيني ؟؟
وقال خمسس دقايق . ارروح واجي .؟
استغربت انا..
شوي رجع ومعاه عفريته . واشوفه يقربها من وجهي؟؟!
قلت له خير يبو وش شايف وجهي جنط دينه ؟

قال لا لا ما تفهمنيش غلط < وش به قلب مصري فجأه (متعدد لغات )
انا ابي ارفع خشمك بالعفريته عشان اقدر احدد لك الشنب لان خششمك صرآحه مسوي فيها (الدوله العثمانيه) ع وجهك محتل اغلب اجزائه ..


انا خلاص وقتها شاب الشعر يا عبيد في راسي .
وقلت لازم اررروح عند الدكتور (فيل) اللي يجي في الام بي سي فور يحل مشاكل الناس ..
وقدرت اجيب المسسن حقه واتواصل معااه ..
وكنت اكتب له كل قصصي ..
وقال لي . انت ليه كذا مستهين بعمررك ؟ انت كوكب دري .. انت نجم لامع .. انت نيزك بشري .. انت لو يدري عنك المذنب هولي لمات من هول الصدمه انت وانت وانت ؟ !
قلت له شدعوه يا ابو ديفيد ترفع فيني عاد ؟ قال لا واللهي مش عم رفع فيك بس فعلا انت موهبه خرافيه ولو اكتب عنك لمجتمعنا يقدرونك ويحبونك وبتصير غني ومشهور؟ وش رايك اكتب سبره ذاتيه عنك . وتشوف الارباح اللي بنجنيهآ؟؟
قلت له يعني الارباح وش كثر ؟؟ يمديني اشتري كامري والا ددسن والا بي ام (تفكير سعودي ) قال يمديك لو تبي تشتري قرآنديزر . يا شيخ .. قلت له والله يعني اقدر انط من فوق سطوحنا واقول دووووووك فلين واتحول ؟
قال ايه بس مع تغيير بسيط .. يعني تقول ( خششششششم فلين ) وزي كذا ؟

قلت له اجل تم ...

وسسحب علي ابن الكلب . وباع السيره الذاتيه وصررت متصدرر وحققت ارباح خياليه اعلى من ارباح بيل غيتس والوليد والراجحي وهامان بعد ؟!
لدرجة اني وصلت مرحله انهم صنعوا مكوك فضائي على شكل خشم تقديرا لذكرآي وحجرة القياده بتكون زابنه داخل

وصررت كل يوم انط لكوكب زحل مع اقرب كداد معاه مكوك تسعاوي كبيرر وادور دكتور فيل الوقح اللي هرب بأموالي وبنات افكاري ... وشهرتي اللتي جمعتها من جبين خشمي

وما زال البحث جاري اللى يومنا هذا .....




هذه كاانت نبذه عن ما وجدته عن الروايه المؤثره ل خالد البقمي ... واعتذر على الاطاله ..

تنويه :

انآ كنت اتابع هالمنتدى من سنين طويله . ولا فكرت اسجل فيه لأنه بصرآحه في كتآب تستحي تكتب معهم وفي مبدعين صعب تجاريهم او انك تصف بمصافهم
ومن هالمنطلق كنت دائما اتابع مواضيعكم الساخره الناقده الهادفه البنائه .. وبالفعل . شى يثلج الصدر انه يكون من شبابنا واخواننا ناس على هذا القدر من الكفائه والابدآع والتنظيم اللي نتائجه باتت واضحه وجليه للكل ..
واكثر شى شدني في المنتدى الذب ع خششم حبيب قلبي اللي الحب بيننا من طرف واحد ( من طرفي ) خالد البقمي....
لهذا قررت ابدى فيه واحاول اكون متواجد بينكم واستفيد من ابدآعكم واوسع صدري مع الوجيه الطيبه وخلوود الطيب ..
ويا ليت خلودي ان شاء الله ما يزعل مني ويتقبلها بصدر رحب . ويحط علي زي ما يبي ..
برايفت خالد البقمي :

بتمون ع الضحكه وائلك بتمون < بصوت الحلاق التركي

«®°•.¸.•°°•.¸¸.•°°•.¸.•°®»





اليـــوم عُـــرس
اليــــوم أمطرت السمـــاء
اليــوم نـــرحـــب بمــبــدع جديد
وماأجمـــل أن نرى زهرك يــنـــمو معـنا
بـداية كــشروق الـشمــس
ما أجمل من حضور
روحك الجميلة
بيـننا.




أتمنى أن يطيب لكـ المقام وتستأنس المكان



«®°•.¸.•°°•.¸¸.•°°•.¸.•°®»



<<و ياااا ولكم يااااولكم >>
بـــ "دمرني الشوق" <<سلامتكـ من التدمير يشيخ



تحياتي لكـ .. حـــــمـــــتـــو

ههههههههههههههههههههههههههههههههههه أروح شوربه على التقديم متعوب عليه *
أنت غالي لانك جيت من طرف غالي أبوخلود مايحتاج ..
يالله حيه ملايين و يا ولكم يا ولكم

مرحبا مليون ..

بس ترى مادخت ولاشي ..

:>

*_*
بسم الله < وانا الي اقوول ماعندك تكنيــك طلعت داهيــة
لبى قلبك دمرني على قبـولك دعوتي *_^

ياارب تستفيــد ..

جْنآَئِنْ اليِآسميِنْ { تْنآثرَتْ } فرحَآً بِقدوُمكـَ



وَ قلوُبْنْآ قَبْل كفَوُفنْآ مفْتْوٌحةً لكـَ


جميِلً لقآئُكـَـ ..!


وَ ألآجملَ تْأَلقُكـ بِمِدآد قْلمكـَ ..وَ..جمآلَـ طَرحْكـ


فـَ...أهَلاً بِكَـ [ مِنْ هُنآ حَد السَمآء


-{ بِــ مُنتِدَياتَ بني عمرو}-


أَِتمنَِى لكّـ قَِْضِآء وِْقتَ ممُِتعِْ ..مِْعِنآ
دٌمتْ بِحُبَ







تحيآآتي
هــيومهـ..}

,, أسَـعَدْ الَلَهْ أوقَـاَتكْ .. تَـحِيَه طَيِبه
/
\
,, عَطَر قٌدٌومكِ المنتدى .. وَ تَزيّنتْ ,,
,, مَسَاحَاته بِأعذَب عِبَارَات الوِد وَ الترحِيبْ ,,
,, وَ مَشَاعِر الأخٌوَة وَ الإخلاص .. كٌفٌوفِنا مَمدٌودَة ,,
,, لِكِفٌوفِـك لِنخضِبَها جَميعاً بَالتَكاتٌف فِي سَبِيـل زَرع بٌذورْ ,,
,, الأخلاقِيـَات الرَاقِيـَة وَلا نَلبـث أن نَجنِي مِنهَـا ,,
,, إن شَاءَ الله ثَمراً صَالحاً .. وَنٌتشَـارِكَ ,,
,, كَالأسرَة الوَاحِدَة لِتثقِيف بَعضِناَ ,,
,, البَعضْ فِي كٌل المَجَالاتْ ,,
/
\
,, أتَمنَى لَك أوقَاتْ مٌمتِعَه وَ مٌفَيدَة ..
:
,, عَسَـاَك عَالـقٌوةَ وَ مَاَ ننـحِرم مِن تَواَصِلكـ مَعنَـاَ ,,
:
,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌفِيدْ ,,
:
,, و لَكَمْ مِنيْ كٌلْ الْوِدْ وَ الأحْتِـرَاَمْ ,,

دمرني الشوق

مرحباً الف ,,
مرحباً تراحيب المطر والسيل
يسعدنا ويشرفنا انضمامك الينا في هذا الصرح الشامخ
ونسعد بمواضيعك ومشاركتك ,, ويشرفنا ان نعمل على انجاح هذه المسيره الرائعه
امل ان تقضي معنا امتع الأوقات وان تفيد وتستفيد

ولك تقديري واحترامي ..

أهــــــــــــــــــــــــــــــــــــــلاً وسهـــــــــــــــــــــــــــــــــــــــــــــلآ
مرحبا مليون بين اخوتك ومحبيك من اهل الدار تفيد وتستفيد تشرفنا بقدومك ويسعدنا تواجدك

يسلموووو حــباااايبي


على المروور ولا هنتو على الترحيب


وانشاء الله افيد واستفيد واكوون عند حسن ضنكم بي وضن خيو وحبيب قلبي خلودي