كلمات شيلة ذعذع النسناس

ذعذع النسناس والخاطر شفاوي
بين حد النازيه واطراف لينه
طربة المقناص وأكبار الهقاوي
مااعرفا من تراكا فالمدينة
للوسم فالنفد واطرافه ملاوي
للخزامى والربل فالنفد عينه
لام سالم في نبانيبه لاعاوي
صوتها يحي هواي الذكرى الحزينة
لاسمعها راعي القلب الهواوي
جاوب الونات من صفقة يمينه

زين شب النار والليل متهاوي
واليماني فالسما يوضي جبينه
شبت تشعم من السمر الرهاوي
للجذوب وشوف عين مسامرينه
والدلال اللي بها طب المداوي
كانها والجمر سجان وسجينه
والنشامى بينهم حلف وعزاوي
كلن يسابق على الخدمة عوينه
سالفتهم من حكيم وصدر راوي
والقصيد اللي ينومس ناضمينه
والطيور اللي تصخر كل غاوي
للهدد فيها طيار خابرينه
ماكر الشاهين والسبق الرهاوي
قاطع الشطين ماجا فالسفينة
لاالشفق والليل في ريشه حراوي
قد بياض الذيل من فرسه سحينه
وقفته فيها كبر شيخ غناوي
والعشا والموت في كفه وعينه
لا الخريش اللي ورا الغيمة جلاوي
من طواريح النوادر منتقينه
قلب ليث وعنق داب ووجه عاوي
عين قرم لااذ من خلفه زبينه
والعذر لاغبت يالحر النداوي
كل طير له هداد عارفينه



منقول ارجو ان تنال اعجبكم مع خالص احترامي للجميع
ب

كلمآت جميله واختيار ذوق
يعطيگ العافيه