نصيحة لكل ثرثار سليط اللسان !

ركـبّـت من فكري تراكيب وهجوس=اقولها والقصد للي درى به
بعض العرب هرجه غريبٍ ومنكوس=ما ياتي الموضوع من عند بابه
في السالفة يلف ويدور ويحوس=سوالفه جت بالملل والكآبة
احسن لبعض الهرج لو ظل محبوس=لا صار ما ينفع ولا ينبدى به
كلمتك مثل السهم يرمى من القوس=ما عاد ترجع والخطا له حسابه
خل اللسان بداخل الفم مدسوس=خله مثيل السيف داخل نصابه
بعض الهروج العوج تقضي على نفوس=كم واحد سبّـب بقوله عذابه
كم واحدٍ عوّد وهو حيل متعوس=شاف الندم باسباب هرج ٍ حكى به
ويعض فوق اصبعه باسنان وضروس=ويقول ياليت القدر قد غدا به
ترى العمر ياناس دقات ودروس=يدري بها رجل ٍ رشيدٍ ونابه
واللي حفظ قوله من النقد محروس=ما يلحقه لوم العرب والعيابة
وفي الختام الحمد للي له الروس=تذل له طاعة وقدرْ وإنابة
وهذي نصيحة ما ابي لاجلها فلوس=اسمع كلامي كان بالعلم تابه
الصمت للرجّـال هو خير ملبوس=يحفظ له الهيبة ورفعة جنابه!

تسلم أخوي راجي الوصل والله يجيرنا وإياك من كل ثرثار سليط لسان


تحياتي وتقديري لك

أخوك العااااااااقل

وهذي نصيحة ما ابي لاجلهـا فلـوس
اسمـع كلامـي كـان بالعلـم تـابـه
الصمت للرجّـال هـو خيـر ملبـوس
يحفـظ لـه الهيبـة ورفعـة جنابـه!

صح لسانك اخي راجي
والله يعطيك الف عافيه
نصيحه قيمه منسقة في ابيات رائعة
اتمنى ان تكون رسالتك وصلت
تقبل خالص الموده
ابو عبدالله

احسن لبعض الهرج لو ظـل محبـوس
لا صـار مـا ينفـع ولا ينبـدى بـه
كلمتك مثل السهم يرمى مـن القـوس
ما عاد ترجـع والخطـا لـه حسابـه
خل اللسـان بداخـل الفـم مدسـوس
خلـه مثيـل السيـف داخـل نصابـه
بعض الهروج العوج تقضي على نفوس
كـم واحـد سبّـب بقولـه عـذابـه


الله واكبر عليك يا راجي

يقول الصطفى صلى الله عليه وسلم : ويحك يا معاذ وهل يكب الناس على مناخيرهم في جهنم يوم القيامة غير حصائد السنتهم .

بيض الله وجهك أيه الرائع والشاعر الجزل المبدع

أبو أحمد

راجي الوصل

الصمت للرجّـال هـو خيـر ملبـوس=يحفـظ لـه الهيبـة ورفعـة جنابـه!

صح لساااااااااااانك حتى ترضى


قصيده بها من الحكمة الكثير


بارك الله فيك


وجزيت الخير والمثوبه

دمت في سعاده

صح لسان وبيض الله وجهك
كلام طيب ينم عن رجل طيب

كانت قصيدتي أسيرة الظلام
حتى مر عليها الكرام
وعقبوا عليها باحلى كلام
عندئذٍ أصبحت في عيني
درة مكنونة
وجوهرة مصونة
ــــــــــــــــــــــــــــــــــــــ
شكرا من الاعماق لتواصلكم
ولاهنتوا