ترى بعض الشجر ماله على وجه الدروب ظلال (( أخر كتاباتي

تواضعنا وفي بعــض التواضـــع للـــوجيه إذلال
وأنا مالي برفعة راسي إن جت من وراء إذلاله

ياعيّ الله علـى وجهي ولو وقت الشقــاء بي مال
أظل أبن الكــريم اللــي درأ عــن شيمتـــه ماله

تعلمت الرجــــــاله يا قليــــــل البخت مـن رجال
ولد رجال على الفطـــــره وحتــــى الأم رجاله

نجاب الخيل معـــروفه الـــــــى من ساسها خيّال
ولاكـــل البشر لـــــو تقتنـــــي خيــــــل بخيّاله

ترى بعض الشجرماله على وجه الدروب ظلال
إذا هــوعــــــايش بظــــلٍ فكيف تلاقـي ظلاله

حلمنا عـن سفاهـــات الضعـــــوف وزلة الجهال
وعـــدوها ضعافـــة حيل.. ! ضعاف نفوس جهاله

تصبـرنا وصـــــابرنا ونبلعـــها تقــــــــول جبال
ونتغاضى ولــــوكانت مثيــــل طـــويق وجباله

وكنت أظنهــا غيــــم ولـــه في مــــــــرته هطال
غمـــــام الصيف ويعــــدي ولا يأثـــــّربهطاله

ولكــن للأسف ياصيف غيمـك ثابت ومـــــازال
علينا يمطـــر يملـــوحه ويسقــــي غيرنا زلاله

عجيبه هـــالبشـرلا جيتهــــا يمنـاً تجيــــك شمال
تخلــــي حيلـة العاقـــــل يمينـــه تصفـق شماله

تجمّل يا جمـل وأجمل مــا دام إنـــي معك جمال
مـــا دام الدرب لــي وياك جمـل يمشي وجمّاله

أنا أبرك يا جمــــل لحمول ربعــــــي دايم ٍ شيّال
فأنا وأنت جمــــال ياجمـــــــل للحمـــــل شيّاله

صهيل المرجله في ساحة الطيبـــــه كما الزلزال
على وقــع القنا تسمــــع مدابيكـــــــــه وزلزاله

أنا جمرة على كبد الحســود وحقــــدها اللي طال
وأنا مثل العنب حامض ع كفٍ مــلّ مــــا طاله

تقهويت الكرم عشرين عام وخذت لـــــي فنجال
من دلال الغــــــلا والطيب يــــــوم ٍ دار فنجاله

وأنا فــــي سكت العليــــا مشير وشـــــاير ودلال
على وضح النقاء تلقى خــــويٍ فـــــاحت دلاله

أهيّل دلة أشواقــــي على ضوء الصـــــــبر هيّال
وألا ياحـــظ مــــن مثلــــي إذا شـــــوقه تهيا له

إذا نامت جفون الخلق أشخّـــر مستــــــريح البال
ولا أفكـــــر في إنســــان يطـــــريني على باله

شغوف لاتهقــــــويت الهقــــاوي خاطري ميّال
ولي نفس على شرع الوفــــاء والخيـــــر ميّاله

عريب الجد من جدي وأبوي وعمّيــــــه والخال
ومن حق الكفـــو يفخـــر بأبـــــوه وعمه وخاله

ضحوك وطيب ومــــــره تلاقينـــــي غني الحال
ومـــرات تلاقينــــي فقيـــــر وحالتـــــــي حاله

بشـــوش وهيئتي توحي بإني ع البشـــــر متعال
ولكن ذاك مـو ذنبي ولانــــي ع البشــــــرعاله

عفيف النفس لا كـــــاذب ولا غــــادرولا محتال
أنا مانكــــر صفـــــاتي يـــوم غيري ناكرٍ حاله

أنا معذور مو مغرورعلـــــى الطله وحسن الفال
عــــذولي لو تمنى لــــي ففــــــــال الله ولا فاله

ولا يمكــــن رجب يومٍ يصير فــــي السنه شوال
ولا يمكــــن تكون أبهـــا كمــــــا عبيله وشواله

ترى صعب عليــــــك ترد نور الشمس بالغربال
وعمــــرك شفت مخلـــوق يرد الشمس غرباله

والى طالت ترى تسمــج ويعتب مكــــــيل وكيال
ويبرد سوقـــــــه اللــــي دايـــــم يكتـــال كيّاله

تواضـــع بس لله فـــي خضــوع وخشية وإذلال
فربك يرفعـــك فـــــوق الـــــذي دور لك إذلاله


ودمتم سالمين

المعذور
اقف مذهول
لا لشي إنما لإبداعك وليس بالغريب عليك ولا المُستغرب
أبدعت وأتقنت وسجلت في تاريخ الاشعار أجزلت

كتبت وماكتبت إلا على شان التواضع زال
وأن ياسيدي وياك للشيمات حماله

أشكرك لاتفيك تقبل مني مروري ولك إحترامي الداااائم

المعذووور

صح الله لسااانك

حاولت ان اختار بيت واحد لكي اعتبره بيت القصيد لهذه القصيدة

ووقفت كثيراً ووجدت كل بيت يعادل 100 بيت

صح الله لسااانك ملااايين

قصيدة وافيه ومن راس وافي

ابدآع لا يجيده الكثير

ولكن المعذووور يجيده وبسهوله تامه

لأنه اهلاً وعنواناً للإبداع والجزالــــــــــــــــــــــه

لا تحرمنا من جدايدك طال عمرك

تقبل خالص تحياتي وتقديري



سيــــــــــــــ العرب ــــــــــــــف

المعذوووور ..
صح لسانك أيها الشاعر الرائع ..
كلمات ذات صدى وذات مضمون وذات بلاغة ودقة لا تضاهي أبداً ..
تبقى صاحب الحضور وصاحب الإبداع وصاحب الوفاء ..
أنعم واكرم بك أيها البارع والرائع ..
صح لسانك على هذه الشامخة أيها الشامخ ..
لك التقدير ..

المشاركة الأصلية كتبت بواسطة المسكت

المعذور
اقف مذهول
لا لشي إنما لإبداعك وليس بالغريب عليك ولا المُستغرب
أبدعت وأتقنت وسجلت في تاريخ الاشعار أجزلت

كتبت وماكتبت إلا على شان التواضع زال
وأن ياسيدي وياك للشيمات حماله

أشكرك لاتفيك تقبل مني مروري ولك إحترامي الداااائم

أستاذي المسكت

أشكر لك حضورك

وإسهامك في رفع متواضعتي

كنت ولازلت لك شاكر ومقدر

صح لسانكـ
قصيدهـ في منتهى الروعه
لاعدمناكـ

صهيل المرجله في ساحة الطيبـــــه كما الزلزال
على وقــع القنا تسمــــع مدابيكـــــــــه وزلزاله

أبـداع وتواجد بقوه

يعطيك العافيه قصيده شامخه

ترى بعض الشجرماله على وجه الدروب ظلال
إذا هــوعــــــايش بظــــلٍ فكيف تلاقـي ظلاله

أنا اشهد

المعذور
الحقيقه مالي عذر في الاطراء والمدح
فقصيده كهذه تستحق ان تنسخ وتلصق
كتبت فأبدعت كعادتك
شاعر من حقي ان افتخر به
وسلامتك

أنا أبرك يا جمــــل لحمول ربعــــــي دايم ٍ شيّال
فأنا وأنت جمــــال ياجمـــــــل للحمـــــل شيّاله



والله ونعم والف ونعم


المعذور رائع لا عدمناك

خيال واسع وكلمات من ذهب

مبدع كيفما تكون واينما تكون. تحياتي.

سيدي المعذور صح لسانك وعلا شأنك


الصراحه كل بيت اجمل من الثاني

بس وانا اخوك

والله هذا البيت عن قصائد

ترى بعض الشجرماله على وجه الدروب ظلال
إذا هــوعــــــايش بظــــلٍ فكيف تلاقـي ظلاله


تصوير ووصف ولا اروع

والله اخجل من كتابه اي شئ في حضرة هذا النص


تقبل مروري المتواضع

وبالتوفيق

المشاركة الأصلية كتبت بواسطة سيــف العرب

المعذووور

صح الله لسااانك

حاولت ان اختار بيت واحد لكي اعتبره بيت القصيد لهذه القصيدة

ووقفت كثيراً ووجدت كل بيت يعادل 100 بيت

صح الله لسااانك ملااايين

قصيدة وافيه ومن راس وافي

ابدآع لا يجيده الكثير

ولكن المعذووور يجيده وبسهوله تامه

لأنه اهلاً وعنواناً للإبداع والجزالــــــــــــــــــــــه

لا تحرمنا من جدايدك طال عمرك

تقبل خالص تحياتي وتقديري



سيــــــــــــــ العرب ــــــــــــــف

سيف العرب

يلامسني الفخر عند حضورك

لاهنت ورفع الله قدرك

دمت غالي

المشاركة الأصلية كتبت بواسطة ابو ريان

المعذوووور ..
صح لسانك أيها الشاعر الرائع ..
كلمات ذات صدى وذات مضمون وذات بلاغة ودقة لا تضاهي أبداً ..
تبقى صاحب الحضور وصاحب الإبداع وصاحب الوفاء ..
أنعم واكرم بك أيها البارع والرائع ..
صح لسانك على هذه الشامخة أيها الشامخ ..
لك التقدير ..

ابو ريان

عندما يكون متصفحي مشرق

ومضوعي راقي فهذا يعني

تواجدك ورفعة شانه بعذب كلماتك

لاخلا ولاعدم يالحبيب

دمت كما أنت حبيب

المشاركة الأصلية كتبت بواسطة ابوليلى المهلهل

صح لسانكـ
قصيدهـ في منتهى الروعه
لاعدمناكـ

أبوليلى

صح الله بدنك

أشكر نورك وتنويرك

إطرائك له موقعه بفؤداي

دمت لي ولمن تحب

لاهنت

المشاركة الأصلية كتبت بواسطة بن خشيل

صهيل المرجله في ساحة الطيبـــــه كما الزلزال
على وقــع القنا تسمــــع مدابيكـــــــــه وزلزاله

أبـداع وتواجد بقوه

يعطيك العافيه قصيده شامخه

بن خشيل

هلا ومرحبا

وحياك والله يعافيك

اشكر جنابك هذا العطر

دمت بعطرك الراقي

لاعدمتك

المشاركة الأصلية كتبت بواسطة ابو غرام

ترى بعض الشجرماله على وجه الدروب ظلال
إذا هــوعــــــايش بظــــلٍ فكيف تلاقـي ظلاله

أنا اشهد

المعذور
الحقيقه مالي عذر في الاطراء والمدح
فقصيده كهذه تستحق ان تنسخ وتلصق
كتبت فأبدعت كعادتك
شاعر من حقي ان افتخر به
وسلامتك

أبو الغرام

يخجلني هذا اللطف من سقاء عباراتك

المنبثقه من جود ذاتك

لاخلا ولاعدم من هذا التواجد الكريم

والحضور الغالي

ماعليك زود يالقرم

شكري لك لاينقطع

دمتي بألف خير