شاب يرثي أمه - قصيدة مبكية

شاب يرثي أمه - قصيدة مبكية

قصيدة كتبها شاب





صار له حادث سيارة ووالدته كانت معه وكان مسرعا

نتيجة هذا الحادث

الوالدة توفيت نتيجة الإصابات الخطيرة وهو إصابته كانت خفيفة وهذي الأبيات قالها للذين يواسونه






يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني


قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى الي يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني


نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني


تجول عيونهم فيني تفصل مني قياسات
وتشيح وجوههم عني وكني غيرت ديني


يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني


نقص قدري بعد موتك وغابت نشوة اللذات
وصار الهم عكازي اباكيه ويباكيني


عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني


واترك عادة التدخين وانفذ ما تبي بسكات
واصلي الفجر في المسجد قبل منتي تصحيني


يايمه ارجعي تكفين وطفي شمعة الآهات
ابيك انتي ولا غيرك على موتك تعزيني


وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

أبياته فيها من الحسره والألم ..الكثير ..اللهم آجره في مصيبته هذه وأخلف له خيراً منها ..

اعجبتني فنقلتها لكم

اللهم آآآآمين
قصيده مؤثره
كلماتها حزينه تعور القلب
الله يرحم أمه وأمهات المسلمين
ويلهم كل من يفقد عزيز وغالي الصبر

يعطيك العافيه أخي
سد الوادي
تقبل مروري من هنا
ارق التحايا
مشاعر خجوله

المستشار القدير والكاتب الكبير الأخ الغالي سد الوادي

اشكرك من الأعماق على طرح هذه القصيدة المؤثرة

فيها عبرة وفيها ألم وفيها حسرة على ما فات

والسبب بعد الله هو التهور والسرعة

ارجو ان نعتبر جميعا من عواقب السرعة

تقبل فائق الاحترام ...

سد الوادي


فعلا قصيدة

تحمل في طياتها كل معاني الحزن والالم

سلمت وسلم اختياركـ

ولا تحرمنا طلتك الغاليه

كل الششكر لسسموكـ الكريم

مؤلمه
وإذا ما اتى الالم من مثل تلك بقصتها من اين ياتي
أسال الله لها الجنه وله الصبر

ولاهنت ابو حسن

بسم الله الرحمن الرحيم

حزينه هذه الكلمات

لامست عقلي فذكرته

ولامست قلبي فادمته

ولامست مشاعري

فابكتني .

اي حزن حزنه

واي مصاب مصابه

ليكن الله فيعوني و عونه .. ما اشد فراق الاحبه وما اقساه

للام مكانه لا ينكرها سوي .. وللفراق الم لا يدركه

الا من عاشه ..

امي

احبك حد الجنون ... لا وربي احبك حتى ورى حد الجنون

او اقولها بشكل اكثر عنفا .

اعشقك حد الجنون ...لا وربي اعشقك حتى ورى حد الجنون

رحمك الله ياأمي



اخي الكريم

لا اعلم سببا دفعك لتحمل كلمات دمها ينزف

وعيونها تذرف ..

لتقدمها لنا لكي نشقى بها ..

نحن العاطفيون ..

لا املك الا ان اغمض عيني ..

واستلقي على ظهري

واردد
رحمك الله يا أمي رحمك الله يا أمي رحمك الله ياأمي
ورحم أمواتنا وأموات المسلمين أجمعين

رحم الله امك , قصيدة مبكية