الشاعر/ حامــــــــــد العمري يرحمه الله

هذي قصيدة نبطية للشاعر/ حامد العمري يرحمه الله وجميع امواتنا وأموات المسلمين وهي تعتبر اخر ماقيل له وهو في أيامه الاخيرة

زريتني ياعاذلي يوم ونيت=ونيت ونة يعلم الله خبرها
ساعة صغاري ودعوني في البيت= وقالو دخيلك لاتطول سفرها
فتضايقت نفسي وبالدمع هليت= هلت عيوني ما خفى من عبرها
فقامت من ابها مغرب بعد صليت=موجهة صوب اليمامة نحرها
واستقبلوني لابتي يوم حطيت= وأراحو ضميري من شقاوة سفرها
اهل العنايا عنويت يوم عانيت= واخذت العنوة من علاوي شجرها
سلام لك يالعانية ساعة الفيت= تسليم يظهر طيبها في ثمرها
يابو حسين موسع الصدر والبيت=عسى حياتك ما يجيها كدرها
مايذكر انك يوم عن الضيف صديت=ولايفيد الطوالة الا صقرها
وعلى الاسر البيض ياشين ماريت=ناس سقاما ماسكين سررها
هذا يون وذاله عامين كالميت=وذاك خمس سنين ماسك ظهرها
يالله يارب السماوات والبيت=يامطلع شمسك ومطلع قمرها
في العافية يوم انها خير ماريت=واشوفها بالعين واجنا ثمرها
وان كان ما عادبه رجوع الى البيت=فراحة النفس الفضيلة قبرها

الشاعر في القصيدة يذكر ما شاهده اثناء رحلته العلاجية أسأل الله ان يرحمه رحمة واسعة وان يتجاوز عنه انه على ذلك قدير.

رحمك الله ياحامد وأسكنك فسيح جناته

رحم الله شاعرنا المميز حامد وغفر له ذنوبه
الحقيقه هذه القصيده بالذات ارى انها تحوز على اهتمام الجميع لما فيها من حزن وفراق وابتعاد عن الاهل والاولاد واحساس بوداعهم الوداع الاخير 0
اللهم اغفر لموتانا جميعا وموتى المسلمين
اشكرك اخي سهيل واتمنى ان تتحفنا بقصائد اخرى للشاعر حامد رحمه الله
اخوك
دباس الجارح

الله يغفر له ويرحمه
حآمد العمري : شآعر متمكن ومبدع بكل ما تحمله هذه الكلمات من معآني ...

رحمك الله وغفر الله ذنبك

وقصيدة حزينة وجزلة للشاعر حامد

ييعطيك العافية يا مرعي على هالطرح

أخوك / محمد آل النبخ

وهذي من الغازله رحمه الله
سالفتنا تضم المعجزات الدواهي كلها
ودي آسولف مع اهل الحكم كلهم أمي وقارىء
ونا فقراءتي في جزء عمى وايات الفاتحه
لاتقولون حامد قلد على الشروع اش هبّله
أنشدك يالبيب العقل عن قصة واجي بها
عن ثلاثة وعن اثنين واثنين كل له قضيه
وايضا الاثنين ثم العشرة ياعجب يامن قرأ
قصة العشرة والآربعة جات سيرة واحده
واخبروني بسبعه دارت أقلام واخصام عليهم
نـزّل اثنين واجمع واحد فوقهم تاجي سواء
ثم زد فوقهم لاثنين لابأس واحسبها تشوف
ونا ماضن تطلع لك صحيح ولو جبرتها
غير خلك معي حتى تشوف الخبر في الخاتمه
ثم نمشي سواء ونشوف سبعة مشاهير دواهي
اربع نْـساء وثلاثة رجال مايرحمون الى قضوا
ودي اعرف قضاياهم من المبتدأ للمنتهى
ثم نوقف نشوف لواحد واق من باب الضيافة
فاحتقر مجلس الضيفان مافكره او يلقى مكان
مادرى ان مجلسه بيسه مع الناس ولا مصرفه
راعي الدار وسعها وفضا على ضيفانها
كل اعطاه م الضيفه على قدر فعله عند بيته
ذا بخيل لقي حظه وذا جيد حصل نصيب
ثم نوقف على شيء حقير الى منك ذكرته
لابحي ولاميت وجاء الرمض له برد وسلام
باقي بحالته من عصر آدم الى يوم النشور
لو تشوفه بعينك قلت يامعظمك ياربنا
ليس فيها حنادي صبية اجيالنا ولاهروج
انها معجزات الدهر يالله بحسن الخاتمة