محاورة قلطة للشاعر خالد مشرف والرادار

خالد مشرف
يا ناس من عيّن لنا الرادار
000 له مدةٍ ما صاد طيارة
0
0
يقلون متعاون مع بشار
000 يتقنّص الشيبان في الحارة

الرادار
يا صاحبي لو نرصد اللي صار
000 كان الزمن يبدي لنا اسراره
0
0
المعذرة لو تقبل الأعذار
000 لن الخلل في بث لإشارة

خالد مشرف
لا تاصل المغول والتتار
0000 خلك مع بو زيد في داره
0
0
وشفيك تتقنص حمام الدار
000 وتحط وسط الحوض سنّارة

الرادار
خلك معي وابعد عن الأشرار
000بو زيد ما يغزي على جاره
0
0
نقنص حمام البر لكن طار
000 يوم البحر له ناس بحاره

خالد مشرف

لا تامن الغدار والمكار
000 لو لحيته غطت على ازراره
0
0
من كثر ما تجهرني الانوار
000 فصلت لي عشرين نظارة

الرادار
الله يستر من لهيب النار
000 يامن تشوف الناس مكاره
0
0
اقولها بالسر والأجهار
000 الثوب ما يصلح وهو عاره

خالد مشرف
ترى الهوى يتقلّع الاشجار
000 والآدمي ما تسلم اشجاره
0
0
احذر تروح ايمين ولّا ايسار
000 ركز على الطبلون والطاره

الرادار
الضلع توك به صفي واحجار
000هب الهوى مايقلع احجارة
0
0
انا معك في الدرب يامن سار
000 لكن ماهو درب سيارة

خالد مشرف
شفت المطوع طاح في المسيار
000 يالله عسى للذنب كفارة
0
0
غديت للعالم كما المنشار
000 حتى رصيدك زادت اصفاره

الرادار
حن هل الطولات واهل الكار
000 لكن ظروف الوقت غدارة
0
0
اللي حصلي يا الزميل اقدار
000 والكفو مابيقل مقداره

خالد مشرف

مادم عودتو من المشوار
000 بنغير الطلقات والشارة
0
0
وشهي علوم السيل والامطار
000 ربيعنا ما هلت امطاره

الرادار

ويش باربك يالقائد المغوار
000 كنه حصل من ليتنا غاره
0
0
السيل مازل الحبوس وحار
000 والناس ورّاده وصدّاره

خالد مشرف

انا الى شفت القدر ما فار
000 اغيره لو صاح صفاره
0
0
ما تهدم الجدران والاسوار
000 الا من السوسة ومالفارة

الرادار

اطبخ وشب ان كان تبغى الحار
000 راعي الكرم معروف دواره
0
0
واللي يشوف ان الجدار انهار
000 بنساعده ويقوّم اجداره

خالد مشرف

شبيت ناري وانشد الحضار
000 ما بين جمّاله وبقّاره
0
0
الساعة اللي سبّقت الاعصار
000 درّت عليك الفين وعمارة

الرادار

نشدت لك في السوق والمخطار
000 قالوا ان سوقك مغلي اسعاره
0
0
لكن بيني وبينك المضمار
000 والحد بيدك حط مسماره

خالد مشرف
يازين مشي الكابرس عالقار
000 تمشي على كبري وعبارة
0
0
لكن الى جات الجلد تنهار
000 وزيوتها في القاع خرارة

الرادار
قافك ثمين ويلفت الأنظار
000 والكفو مثلك نعرف افكاره
0
0
والا الجلد ناطاه بالفكسار
والكابرس مايلحق اغبارة

تابعناكم من قبل و قرأنا الآن مرة أخرى
واستمتعنا بما قدمتما ,,,

صحّت ألسنتكم و يا ليت في محاورة قلطة مباشرة
ولا سيّما إن فيه و بين ظهرانينا شاعر و أستاذ ورائد
من روّاد القلطة
و هو الشاعر حمدان العضياني ,,