بنت تسوق سيارة وسط الرياض

الشــآعر يقول:

قيادة المرأه وفي زحمة الرياض بين الحقيقة والخيال
أخواني الأعزاء .. أخواتي العزيزات
.. ارجو عدم المؤاخذه لأنني تصورت الموقف فجسدته شعرا فعيشوه كما تصورته .

بنت تسوق سيارة وسط الرياض

وسط الرياض وفي تحدي للنظام وعرفنا
شين حصل ما ينتصدق غير باحلام المنام

كانت (رنا) تحلم مثل كل البنات بجيلنا
متوظفه متعوده كل صبح تطلع للدوام

اللي يوصلها الدوام أحمد وذا زوج العنا
الله يعين احمد عليها والله انه مايلام

دايم رنا تقرق عليه انا، وانا، وانا، وانا
وفي يوم كل ماصحته عاند وطنشها ونام

تعبان كان البارحه وفي منامه ما اهتنا
قالت علامه هالرجل لا نام ماقام بسلام

بطلع ادور لي على (تكسي) يمر بحيًنا
راحت تدور مالقت قالت قهر والله حرام

الى متى نبقى كذا بين النظام وخوفنا
وش فيها لو أطلع اسوق اللكزس بكل احتشام

سيارة احمد واقفه واقصادها مابيننا
ويوم اني ادرس في مصر اسوق باحسن مايرام

حبيبي متفتح وانا متحرره من قدنا
وهالوقت اجازه والطرق مابه احد كلن نيام

وكل المسافه للعمل نص ساعه بتوقيتنا
وانا مانيب مراهقه متزوجه من كم عام

بس المهم امشي قبل يصحى (العليله) جارنا
وش جاب هالعله شمال ليته سكن بام الحمام

دوامها وسط الرياض المزدحم ناس وبنا
وركبت على اللكزس وطقت قبل ماتركب لثام

حرمه ودايم حكيها الرجل وش به عننا
وعدَت شوارع حيهم ما واجهت أيت زحام

وعلى الطريق الدائري زحام لو تبعد دنا
وقامت عيون الناس تاكلها ولا فيه احترام

احدٍ من الغيره زعل واللي يقول الله لنا
واللي من انصار المره يضرب لها هرن وسلام

وتوهقت كلن يناظرها وقالت (يارنا)
من مر قام يطالعك التزمي بحدود النظام

وصاحوا بها يامخالفه وين النظام وسلمنا
وزاد التوتر والعرق يسكب مثل وبل الغمام

وذابت مكاييج المره مافاد فيه الاعتنا
ثم قررت تطلع عن الزحمه وتتركها تمام

متهوره مافكرت مسكينه بزحماتنا
وصارت بموقف كل من جا به لزوم انه يلام

والمشكله ماعودت قامت تكابر بنتنا
قالت ابااسلك لي طريق أقل بالزحمه وعام

وراحت مع (الخدمه) وشافوها بعض شبابنا
وعند الإشاره (حظها) صدم بها السايق غلام

نزل غلام ومقصده نسمح مثل عاداتنا
وبدا يحضر للعذر أنتم أهل فضل وكرام

وتفاجأ أن اللي صدم بها حدى عوراتنا
وقام يتفلسف حضرته (ماما هازا مشكل نزام)

قالت اعرف اطباعكم ياحبكم في (ذلنا)
قال انتي ياماما صبر (مرور يجي) أول كلام

قالت وجع تصدم ولا كفاك وتستغلنا؟!
قال انتي (فيه قرقر كثير خلي يولي يامدام)

هي شافته قصده فلوس قالت خذ الف وفكنا
وحست بضعف وصيَحت من شافت اللكزس عدام

واغمي عليها مثل ماهي عاده بنسواننا
وتجمعوا شلة شباب(ن) يكرهون الالتزام

كلن يطالع ماحد(ن) قال استحوا من ربنا
وطاح اللثام وبانت اشيا من تحت حد الحزام

وشبابنا ما صدقوا كل(ن) بيسعف اختنا
أحد(ن) يده يم قلبها يشوف نبضه باهتمام

وثاني تطوع بالنفس يارب ما أكرم ربعنا
(وخيّر) بمويه رشها وفاقت بعد هوش وخصام

وشافت طوابير البشر متجمعه كنه منا
ثم طلعت جوالها تبغى احمد يفزع لا تضام

وعجزت تذكر أي رقم حتى صديقتها هنا
قالت وش اللي صابني وين الهدو والانسجام

ولفت عبايتها ونادت (تكسي) خذني بيتنا
وبسرعه وصلت بيتهم طقت على الباب بملام

احمد تخلي زوجتك؟ أمحق رجل ياويلنا
تبكي قهر ومغمضه فزت من حلوم وظلام

وبسرعه احمد ضمها وش فيك؟ انا جنبك هنا
ويومن صحت الا وهي جنبه بغرفتها تنام

قال احمد انتي حالمه؟ ياجعلها احلام الهنا
قومي تأخرنا وخليني اوصلًك الدوام

قالت ايوالله اشهد أن الرجل حمال العنا
خلاص ماني سايقه تكفيني احلام المنام

يا احمد عرفت ان القياده ماتناسب وضعنا
حسبي على اللي شجع الحرمه تخالف هالنظام

يا احمد عرفت ان القياده ماتناسب وضعنا
حسبي على اللي شجع الحرمه تخالف هالنظام

تسلم بن ظافر الله يعطيك العافيهـ ..

ألف شكرعلى المرورالكريم الله يعطيكم العافيه

من فترة بسيطة كنت من الرافضين وبقوة لقيادة المرأة للسيارة


لكن بعد ما شفت حالات تجسد معاناة المرأة في غياب الرجل او في وجوده وعدم وجوده

يعني بتعبير عامي وجوده زي عدمه <<< عذرا عالتعبير لكن هذي الحقيقة



بعد ما شفت هذي الحالات والمآسي

بديت اغير نظرتي

واقتنعت اني لو قست على حالتي ووضعي والبيئة من حولي فأنا اظلم غيري


طيب وش تسوي الي مالها سند ؟

مالها بعد ربي الا السايق والا احد المقيمين مع زوجته والي انتشرو كثير هالايام



حتى الي ظروفهم طبيعية

كم مرة نتعرض لورطات وتتعطل مصالحنا والسبب ان الرجل مو فاضي والا ماله خلق يطلع والا كسلان يودينا لأي مكان حتى نخلص مصالحنا

قال احمد انتي حالمه؟ ياجعلها احلام الهنا
قومي تأخرنا وخليني اوصلًك الدوام

قالت ايوالله اشهد أن الرجل حمال العنا
خلاص ماني سايقه تكفيني احلام المنام

يا هوه


باقي فيه احد يودي زوجته الدوام ..؟ <<< مجرد مبالغة لاحد ينط لي ويقول انا اودي زوجتي ومنين تجيبين هالكلام




المهم


مافي مرة ما تتمنى ان زوجها يوصلها للدوام

تراها قمة السعادة بالنسبة للزوجة



لكن المشكلة انها ما تروح للدوام مع زوجها والا اخوها

المشكلة انها طايحة بذا الباصات وزحمة البنات وذل السواقين والطلعة من قبل يطلع الفجر حتى يمدي يمرون كل البنات قبل بداية الدوام


وفي اخر الشهر يطير من راتبها الربع واكثر <<<هذي الي تكسر الظهر




<<<<< شوي وتعيط على قولة المصريين




الخلاصة


وش يمنع ارملة تعدت الثلاثين ما هي لاقيه احد يقوم بمصالحها هي وعيالها انها تروح للتموينات او اي محل ما يفصل بينها وبينه الا كم شارع بسيارة زوجها المتوفى والي مركونة عند الباب

وش يجبرها تقطع كل هالطريق مشي

بالله وش الاكرم لها .؟

تمشي كل هالمسافة لوحدها كل ما احتاجت شي والا تنستر بالسيارة وخمس دقايق وهي عند عيالها ؟


والبلا لا كانت محملة طلبات كان ممكن ترتاح منها لو راحت لمشوارها بالسيارة



ليه نضيق على ناس مو ناقصين ضيق


ليه ما يكون عندنا شوية مرونة ؟

مو شرط نفتح المجال كامل لكن

لابد يكون فيه استثناءات لابد يكون فيه حل





مشكور

وسوري عالاطالة

كادي*:: ألف شكرعلى المرورالكريم الله يعطيكم العافيه


تعليق جداً أحترمه لأنها وجة نظر لكل شخص

كادي*:: ألف شكرعلى المرورالكريم الله يعطيكم العافيه


تعليق جداً أحترمه لأنها وجة نظر لكل شخص

والله مصيبه اذا بناتنا واخواتنا يسوقون 00000000000000ماعاد الا هي

تبغون يزيد الفساد على مابه

روحو المنزهات البريه وتشوفون العجب العجاب بنات يتعلمون سواقه ومين الي يعلمها سواق اندنوسي

والله انا مسكت هذه الحاله وشفتها بعيني عندنا في اطهر بقاع الارض ولاكن اش تسوي

جيت انصح البنت قالت مالك دخل ابويه الي ارسلني مع السواق يعلمني السواقه

ياناس والله شي يجيب المرض

ولاكن بعدكل المحاولات بايقاف هذه الفتاه عن السواقه اتصلت على الدوريات الامنيه وبلغتهم بما حدث

وفي الاخير خلاص يابنت لا تعودينها روحي البيت


بن ظافر الف شكر لك

ظافر :: الله يعطيك العافيه على المرورالغالي


روحو المنزهات البريه وتشوفون العجب العجاب بنات يتعلمون سواقه ومين الي يعلمها سواق اندنوسي

والله انا مسكت هذه الحاله وشفتها بعيني عندنا في اطهر بقاع الارض ولاكن اش تسوي

جيت انصح البنت قالت مالك دخل ابويه الي ارسلني مع السواق يعلمني السواقه


تكفى ياعزوتي ميس صفرلي والله إنني ذيب في الفزعه هههههههههههههههههههه

الله يهديهم وانشاء الله ما يجى نظامالسواقه للنساء انه لو يجى بتشووف شى ما قد حصل

فالله يستر بس وش نهايه هذا لدنياه وش اخرتها

فالزمن دوار ولا ندرى وش بيحصل يا شباب

هبووب الجنووب

قالت ايوالله اشهد أن الرجل حمال العنا
0000 خلاص ماني سايقه تكفيني احلام المنام

يا احمد عرفت ان القياده ماتناسب وضعنا
0000 حسبي على اللي شجع الحرمه تخالف هالنظام


شكراً بن ظافر ومافيه احد إن شاء الله في حاجه
المحتاج له قريب بيخدمه إن شاء الله


احترامي وتقديري

اخووك

فضحها فانه ماعد اخس

ألف شكرللمروالغالي الله يعطيكم الصحه والعافيه

هبوب الجنوب ؛ المسكت ؛الرافعيB

اخي بن ظافر

جيت ابتصل عليك بس للاسف ما كان فيه الا مكا لمة طواري

يعني ارسال ما فيه وانا عارف انك قدها واقدود يا الغالي

لك الف تحيه واحترامي وتقديري

نظرا للظروف البخه التي تمر بها نساوين السعوديه من ذل عند كل مشوار


انا مو فاضى

انا عندي امباراه

انا معزوم عند اليماعه

انا مالي حيل فيك وبثورك يعني مو بثوره

بسبب ماذكر اعلاه سوف نسوق انشاء الله

غصب عن كل معارض