بيت على الكيبورد

ناسن ترا في شعرها طيرٍٍ وخيل
تبني ومبانيها.... العليا العليا

وناسن تفسر ماترا زي ماخيل
الصقر لو شافته ....قالت حديا

الأصدقاء ياكثرهم وانت سالي ... وان جات حاجتهم صفوا لك ثلاثة .
يبقى صـديق صـادق مـا يبـالي ... اصـله اصيـل والاصـالـة وراثة .

يقول ...

في سهرة اللي مامطرت بالعباير
الشمس بالقمرا تصافح وتلويح

صحيح والنسوه عدو السراير
لكن شرحنا لبعضنا دون تصريح

حبيته اول واغلب الحب غاير
وأكرهت به كل عاديات ونوايح


الصياد

المشاركة الأصلية كتبت بواسطة ابوفهد العمري

الأصدقاء ياكثرهم وانت سالي ... وان جات حاجتهم صفوا لك ثلاثة .
يبقى صـديق صـادق مـا يبـالي ... اصـله اصيـل والاصـالـة وراثة .

صح لسانك يبوفهد...وافي تستاهل الطيب...ويستاهلوك اصدقاك

♡

المذهلة يـ فلان بنـت ناسـ'ن' أجـاويد
زيـنه ومزيـونه ، وما تلتفت لگ ورى

تعـجز و تعجز لاجيت توصف الزين
ويـفز قلبگ غـصب لطاريها إليا طرى

انا لي وليفٍ عندكم يا هل المعروف
ليامن ذكرته لحظة(ن)ينخطف لوني

احاول بقدرامكاني اداري المكشوف
واغظ النظر قدام تفضحنـي جفوني

كأني اعرفه زين من طبعـه المألوف
وقربه لنفسي مثل بعده عن عيوني

مسافه مثل مابين جده وبين الجوف
وانامابي استسلم لناس(ن)تحدوني

ابارسل له رساله ولكن منعني خوف
مع ان الامل في شوفته دوم يحدوني

ذبحني وياليته بنفسه يجي ويشوف
وش اللي بقامني من الشك وظنوني

من بوح ابوخالد..
خلاص كملت قصيده ههههه

توذالليل انتصف والصبح ريض**والعيون سهود والحاجه بليه
نفسـي آكل بـس بوفيــة عويض ** قفلت يامن يجي يلحق عليه

غيبي ولا تخشين من طول الغياب
حبك لو إنه عمر صعبه يمحى

بين الوله والشوق وآهات العتاب
يدور حبك مثل قطبان الرحى

#محمديات

♣


اقـرآ و رگّـز و عيد گل شطر'ن' مرتين
بقولها بـ بيت واحد وافهم المختصر

ي فلان أنا ذوقي صعب وصعبة منال
مايثير إعجابي گل شي بـ لمحة بصر

امس قدمنا طلب وش سار عنه
من شبيه الضبي ملهوف القوامي

اطلبي من صاحبي ماحيد عنه
مثل ماقلت امس بس اليوم ضامي

ودي اشرب قهوته لنه ولنه
يروي العطشان من بعدالصيامي

ابوخالد..

يامخاوية شعر النبط والقصيده
سهم الشعر ولا سهوم المكاحيل...؟؟

دواعــجٍ من شـافها إلا تصـيده
إليااغمزت صبحٍ تمـاثل مع ليـل

مثـل القمـر تظهر لدنيـا جـديـده
دنيـاً سمـاها مابها البدر بسهيـل

ومـن فِـكْ نَشّـابه تمكـن وريـده
إمـا شعـر ولا وسـاعٍ مـظـاليـل ..!!

هذا..ويا الناثل من الجيد جيده
النـاس بأسماهـا تنادى كما قيل


الصياد

افهم علي ياصاحبي جاك النبا
اموت بس اكون بعيونك كبير

ماابي تعاملني معـا ملة الربا
تصرف لي قليّيّل واناارده كثير
بوحي

تظـهر ويهتـز الزمـن هـزه هـزه
يجري بنا و يقول هي إتجري بي

ان بانـت الليل اذكرو الشمس حزه
ون ضاعت الشمس اتهموها المغيبي

مـع زينـها الـغربـي يبـدل مـرزه
ويـواتره شـرقي بوتر المجيبي

واكفـان فتنتهـا مثـل مـا مـوزّه
من جسمها تقراها كم فتنتي بي

الفـم ووحـده بألف مليـون مُزّه
شهدٍ على شهد ورطيبٍ طريبي

مرسوم صوت الود بامره يدزه
مصدق وان خالف اللب نهيبي

بـاكر ينـاديها.... وبـاكر تقـزه
يجي لها الخاضع تجي له المهيبي

من قالت اسمي ياعرب صرت اعزه
واول اعزه ...ومنها صاير حبيبي

الصياد

يا للي كنزت المال مسكين وش جاك ؟.. تكنزه واخرته يعود لغيرك .
انفق وكل والبس ولا تسرف ارجاك ... وافعل بمالك ما يريح ضميرك
صل به رحم واكرم به الضيف لاجاك ... واسعد فقير ينتظر فضل خيرك .

حلوه .. وزينك فارقن في الصبايا
والزين غالي يالغلا مايثمن
اللي فرق بك ماهو زين الحلاياا
اللي فرق قلبن عليك يتجنن
ماغير حبك ساكنن في حشايا
قولي لقلبك في الغياب يتطمن

#محمديات