هواجيس مسافر

سلام من نوايا القلب الى بحر الغلا والشوق = يعدل خافق زادت طواريقه على مغليه
سلام من خفايا الجوف الى شخص غدا معشوق = يرطب نسمة المحبوب وياخذني على طاريه
ويرميني بجو الحزن ويكوي قلبي المحروق = واتوه بعالم بعته يرجعني عشان اشريه
حكاية حبنا صفحة بدايتها سلام وشوق = تضم أكبر أمانينا ولا به شي ما نطريه
وتاليها تحن الروح وانا في حالتي مشفوق = على قلب عطى نبضاته لشخص غدا جافيه
الا يا سامعين الشعر وذواقة حلاه بذوق = انا لي صاحب جافي ولي حب ما عاد ابيه
لبان صرت في فمه الا حسبي على باطوق = صنع له علك من قلبي ولا يشره على راعيه
مشينا من رياض المجد وجهتنا ديار فوق = نبي صوب الجنوب اللي تعلق نجم في عاليه
على مركوبة تلحق بمشيتها نظير الموق = تعذب من يسايرها ويغليها بما يغليه
وانا في رحلتي لاني على بعضي ولا مطفوق = مغير الحن أشعاري وأغنيها مع التشويه
يذكرني هبوب الريح في بابي بذكرى العوق = وأنا في مشيتي راكد على درب متى بطويه
يرافقني خوي الروح نمرح بالهوى والشوق = ولا نترك طريق الهم يدخل في جبال التيه
ويقول ارجوك لا تسرع على دربك وسوق بذوق = وأنا من نشوتي ماشي وطبلوني ماناظر فيه
خذاني طيف من حبيت وقدامي تلوح بروق = على نية صفي النفس ولا يخفاك بيض وجيه
يشيلون الهموم اللي تزعزع في دما وعروق = ويطوون الحزن وآخر معاناتي وانا راجيه
ذبحني خافقي يشكي وهو في قلبي المطقوق = وأقول أرجوك يا خافق تراني بتركه واجفيه
عشان الحب لا تبكي ولو كان الهوى محروق = ترى ذلتـك تفكيرك بماضيكم على ماضيه
وفجأه صوت يزهمني يقول احذر تراك تسوق = واناظر في الخوي وأدعي عساه يوفقه باريه
وباطلع عن مواضيعي وبأنصحكم مع التشويق = ترى الرجال ما يمشي بدرب مادرى وشفيه
واذا كان الفقر سبه واذا ثوبك غدا مشقوق = ترى الدنيا وسيلة نقل للأخرى بها تمويه
وأنا شاعر أعيش بجيل فيه الذيب وابن صفوق = قصايدنا كتبناها ولابه شي قد نلغيه
وابن قضعان والبيشي وبشكة من رعاة النوق = إذا ما هزنا الخافق كتبناها مع التنويه
يهيضنا هجير الشمس وضيتها بوقت شروق = ويغرينا ظلام الليل و نو بالسما يغديه
وأخيرا طالت القصه على قلب رقد مدقوق = ولكن عذري النشوه وهم بالضلوع أخفيه
وبشكركم وأنا ملزوم عالإنصات والتصفيق = وبأنهيها بحمد الله عدد خلقه وما يعطيه

وأخيرا طالت القصه على قلـب رقـد مدقـوق
ولكن عذري النشـوه وهـم بالضلـوع أخفيـه
وبشكركم وأنا ملـزوم عالإنصـات والتصفيـق
وبأنهيها بحمد الله عـدد خلقـه ومـا يعطيـه

صح لسانك يالذيب
قصيدة رائعه يا جبل حرفه
تقبل خالص المودة
ابو عبدالله

صح بدنك

واشكرك على المرور

ياسلام ياسلام صح لسانك
ولك فائق احترامي وتقديري

تسلم يالخاطف

صح بدنك

ولك مني التحية

اخوي جبل حرفه

صح لسانك مليون يابعدي

قصيدة قمة في الروعه

مودتي

وبشكركم وأنا ملـزوم عالإنصـات والتصفيـق
وبأنهيهـا بحمد الله عـدد خلقـه ومـا يعطيـه
صح لسانك
قصيدة رائعة مميزة
والله يعطيك العافية
وفالك التوفيق




وتقبل تحياتي
آل عطيفة
سعد

جبل حرفه
فيها من المعاني مايجعل الكثير يعاني
لله درك على تلك ويعطيك العافيه

اخووك

الغالي جبل حرفــــــــــــــــــــــه
قصيده جميله تحمل مشاعر رائعه
الى الامام يالغالي
لاهنت
اخوك
الساااااري