بالله هذي منتديات ولا ... كلام جرايد( بدون زعل )

سمعنا وسمعنا



وفي الاخير

تفاجأنا


يقولون ويقولون

وفي الاخير

ينقلون




يعني 90% من المكتوب في كل المنتديات منقول من جريده ولا من مجله


فضاوه

الى ذا الدرجه



مع احترامي لبعضكم بس اقروا وشوفوا ؟

واذا ماطلع كلامي صح ... لاعاد تسموني العنيد 2004


وبحق








بس لا احد يزعل لان كل انسان حر يقول اللي يبغى بدون مايغلط على احد


(((((وذي انترنت ماهي دفتر واجبات ))))




((( يكتب كل واحد اللي يقوله المدرس)))



خلوا روحكم رياضيه



واتركوا الديكتاتوريه اللي يسويها بعضكم على الفاضي


واذا حذفتوا الموضوع


فيه غيره


الف موضوع



بس خلونا ديمقراطيين على الاقل في ذا المنتدى !

اوكي اشجع فيك الديموقراطيه
والروح الرياضه

وانا بعد شفت موضوعات من مجلات
بس ماشفت كثير
اللي شفته قليل جدا
ويمكن العضو ينقل موضوع من مجلة
للفائده
صح؟؟
اذا كان للفائده شي حلو وجميل
ومانقول لا
ولكن نقول لا لما يصير منتدانا
كله نسخه من المجلات

ومره ثانيه اشكرك على روحك الرياضيه ووجهة نظرك
والكلام اللي قلته انا وجهة نظر خاصة

تحياتي لك:
اختـــك:
منـــــ اوووووووش ـــــــاوي

شكراً اختي على الرد المتحضر اللي رديتيه

واللي يبين مدى فهمك















بس ياليت الاخوان يفهمون مثلك ؟؟

بسم الله الرحمن الرحيم
الاخ العنيد 2004
السلام عليكم ورحمة الله وبركاته وبعد
انا اتفق معك في كثير مما تقول ولكن يكون القص واللصق حتمي في بعض الحالات مثل الأخبار وذلك لعدم وجود مصادر للآخبار إلا وكالات الأنباء وبذلك وجب اخذ الخبار منها حرفيا ويبقى التعليق من العضاء .
وكذلك الموضوعات الدينية حيث انها ثوابت لا يمكن التعدي عليها ،وقد يحتاج المتخصص للكتابة بأسلوبه وفي الدين لا يسمح لغير المتفقه في الدين ان يتكلم في الدين وهذا امر ندعوا له جميعا ولن نرضى ان يحرف اويتجاوز في الدين بشئ فلا تكون الكتابة الا من متخصص .

وفي ما عداها فليس الإقتباس ضروري في كل الأحوال .


ولكن نشير الى ان سياسة القص واللصق تكون اكثر فائدة من كثير من الموضوعات في هذا المنتدى وغيره ولك ان تتجول في المنتدى لترى حول ماذا يدور النقاش تفاهات !!!!!!!!!!!!
تجول في المنتدى وخاصة العام ولا حظ بعض العضاء بالتحديد لم اجد لهم من يوم بدأت في هذا المنتدى شئ جدي ابدا جميعها امور تافهة واحكم بنفسك ولا داعي لتحديد هذه الأسماء
عموما تشكر على هذا الطرح الجيد والموضوع المهم وكما ترى انه يحتاج الى نقاش اطول والله يرعاك

شوف اخوي العنيد
اولا شي
حياك الله في منتديات بنى عمرو
ثانيا
اليس من المفروض يا اخي الدمقراطي ان تقدم السلام او التحية
لمن في المنتدى وهذه موضوعك الاول
والا الدمقراطيه علمتكم
ما تسلمون
باقول لنفسي الرجال مستعجل ونسي

وا مشيها

اخوي العنيد المنتدى الجرائد كلها سواء
تجد فيها الاخبار
وتجد الشعر
وتجد التسلية
وتجد فيها بعض الاشياء تكون متشابه

والمنتدى وسيلة لنقل المعلومات من شخص لأخر
بس انك تحكم على 90 % من اللى موجود في المنتديات
كلام جريد اعتقد انك كبرتها شوي

هذه وجه نظري
على فكرة تراك غلطة على الاعضاء
يوم تقول ياليت الاخوان يفهمون مثلك ؟؟

يعني ايش الاعضاء ما يفهمون

الله يسامحك نيابة عن الاعضاء كلهم



وحياك الله مرة اخري


بيني وبينك
أسلوبك هذا مر عليه في المنتدى لا يكن احد يسرق مواضيعك
وانت ما تدري

أولاً الله يحيك يالعنيد 2004 ( العصفورة ) هههههههه


معنا بالمنتدى ويمسهلا بك والله وإن شاء الله أنا نشوف الألف الموضوع اللي تقول عنها بتكتبها ...... ولكن الله يعينك بتظفش حتى تحصل موضوع زين بالجريدة وانت تبغى ألف الموضوع المهم ..


خلك ذكي شوي ما بنقول حرامي بنقول ذكي ولكن غبي حلووووووة
شوفلك أي موضوع زين باي منتدى والطشه بسرعة على طول وجيبه عندنا بالمنتدى وصدقني ماأحد رايح يعلم عليك.... ولكن بس نفس الوقت ترى كلنا حيالة ههههههه

وإلا أقولك خلك اقتصادي ( قعيطي ) ماتفك ريال واحد إلا بعد ماتعرف وين رايح ولحساب مين
وتصفح النت من بيتك بريالين وربع بالساعة صح أن الجريدة بريالين يعني ارخص ولكن الجريدة محدودة المعلومات
والنت يالله ياكافي تغلق البطاقة وانت بعدك ماتصفحت إلا شئ بسيط
ولكن بالنت كل شئ ولا هوب محدود زي الجريدة ...........

تحياتي وأشواقي
أخوك المطــــــــلا

حياك الله اخي العنيد

ما شاء الله عليك ، امداك تحكم على المنتدى من مشاركة واحدة فقط !!!

على العموم ما فيه ديكتاتوريه ولا شئ .

" موضوعك مارح ينحذف "













بس فيه شئ ما أدري اش رأيك فيه ؟


" إذا كان الموضوع اللي نقلت يستاهل النقل وفيه فائده!؟ "


أش تـشـوف !!!! ؟


. الحكمه ضآلة المؤمن .






















على العموم نرحب بك أجمل الترحاب في منتديات بني عمرو
وإن شاء الله إنك سمعت خير وراح تشوف كل خير
ونحن في إنتظار جديدك فلا تبخل بما لديك
حياك الله أخي العنيد مره اخرى

قبل ان تبدأ بالحريه والديمقراطيه ضع مخافه الله امامك وانك سوف تحاسب على ما تكتب .
قال تعالى : ( فويل لهم مما كتبت أيديهم وويل لهم مما )

فلا تكتب بكفك غير شي * * * يسرك في القيامة أن تراه


اولا : فا من باب الادب ان نرحب بك ضيف واخ كريم بين اخوانك وابناء عمك

ثانيا : اذا هذا الهجوم لك من اول يوم وش نقول عن الفتره القادمه

ثالثا : اذا كان النقل سوى من الجرايد او مجلات فيه فايد وعايد للقراء في هذا المنتدى فهذا الهدف ان يوصل كل واحد منا الى اخيه هذه الفايده والتوجيه (وهذا هدفنا جميعا في هذا المنتدى) .

رابعا : كان من الواجب عليك ان تكتب لنا موضوعا من نقلك او منقولك وترى حكم اعضاء المنتدى على موضوعك ثم تهاجم بما اوتيت من قوه .


تقبل خالص شكري

اخي العنيد !!!

عجباً ما كتبت !!!

وعفواً للذين ذكرو ان هذه بدايات العنيد لا !!

هذه وللاسف بعض السخافات التي يكتبها بعض الأعضاء اللذين لهم عدة اسماء بالمنتدى !!!

أخي العنيد :

- أدب القلب أفضـل كثيراً من أدب اللـسـان !!!

- الـثقـة الزائــدة بالنفس تقود إلى تدمير النفـس !!!

- كلنا نتكلم عن القـواعــد السليمـة ونغمض أعيننا عن تطبيقها !!!

- تريد ان تقول الحقيقة للآخرين .. قلها لنفسك أولاً !!!

تحياتي للجميع

أبو عُــــــــدي

صراح اخوي
العنيد اما ديمقراطيه
قويه بس ودي اعرف من وين جبتها
مو منقوله من العالم الخارجي
ولا من عندك مسويها وجا تبز فيها
وبعدبن حابب اسألك عمرك قريت عن خبر او سمعته ما تلقاه يجي من اكثر من مصدر ولا كل خبر جديد له مصدر لوحده

حبذا لو تانيت شوي
وطلبت من اعضاء المنتدا الترحيب مو تهاجم تقول قاتلين ابوك



ادري ان اسلوبي مو معجبك

بس اقول ياليت مانزلت الموضوع هذا الا بعد ما اخذت على الاقل مده على شان نقول امداك حكمت على المنتدى



وارجو ان تكون اعصابك في ثلاجهbgfgt) hhr)

مرحبا العنيد

موضوع ممتاز ويسعدنى اشاركك فيه


القضيه مو قضبة نقل وقص ولصق لكن مايهم جميع المنتديات ردود الاعضاء وتفاعلهم تجاه الموضوع المطروح ولان المنتدى يصبح اعضاءه كأنهم اسره واحده وتصبح ارائهم وردودهم هى المهمه اكثر من الموضوع نفسه

لانى حين اطرح موضوع اتوقع ان اغلب الاعضاء قد اطلع عليه فى منتدى ثانى ولكن مااانتظره هو رد اعضاء منتداى عليه ومعرفة وجهة نظرهم فيه

وبالنسبه لنا لسنا عباقره نخترع شى جديد وغير موجود على الساحه نحن اشخاص عاديين وبالمناسبه بخصوص المجلات والجرايد كلها نقل من كتب او من شعراء قدماءاو محدثين يعنى مافيها جديد لا المجلات ولا الجرايد ولا المنتديات ولاحتى احنا انفسنا

اسفه لانى مارحبت فيك من البدايه انت نورت المنتدى واسعدنا موضوعك وصراحتك

تقبل تحياتى اختك سماااا

[poet font="Simplified Arabic,5,purple,normal,normal" bkcolor="transparent" bkimage="http://www.castleberryarts.com/c/c15/c15back.jpg" border="double,4,sienna" type=0 line=200% align=center use=ex length=0 char="" num="0,black" filter=" shadow(color=burlywood,direction=135)"]
مرحبابك حي أخوي العنييييد...وحياهم الله ...

[/poet]
[c]بصراحة يا العنيد أنا اوافق كلامك 100المية بأن كل مافي المنتديات بوجه عام منقووووول سواء ننقل بالنص والحرف أو بالتعديل...وإن كان يمكن 99بالميه بعد مو 90وبس........صادق وما اخطأت

ولكن أخ العنيد إن كان القصد أن كل شيء منقول __ ألا ترى بأن هذه سنه من سنن الحياة؟ .. لان مو الكتابة بس اللي تنقل حتى الحركات والملبس والاسلوب وكل شيء في هذه الحياة ينقل وإلا لاصبح هناك جمووووووووووووووووود.

ثانيا: اللي بالمنتديات مو كلهم ناس مثقفين بدرجات عاليه ومكتفين بما تنتجه عقولهم _ولا هم مبدعين وباستطاعتهم يخترعون أشياء جديده((((( طيب خلينا من المنتديات كل مافيها منقول تقريبا))))) ولكن مارأيك في الكتب العلمية والادبية التي ندرسها في المدارس اوا الكليات أو حتى المجلات ذاتها لايقل عن نصف مافيها من النقل أي كان شكل النقل حتى لو كان كتاب ألفه بروفيسووووووووور راح تجد أن به صفحات منقووووووله من مصادر ثانية . فمااااااااااا بالك المنتديات؟؟!!!!!!!!!!! يعني والسموحه يالعنيد ما اشعر ان هناك فيه خطأ في نقل موضوع من أي مكان لان اي عضو غايته ان يضع شيء عجبه ويريد ان يريه الاخرين++++++++أو انه التمس الفائده في ذلك الموضوع ويريد أن يفيد غيره+++ أو انه الموضوع ترفيهي فأحب أن يرفه نفسه مع الآخرين....وكل منهم في همه وتبعا لطبيعته..زوالنقل في اعتقادي مافيه عيب إلا إن كان الموضوع المنقول مخزي.....................ولكن هذا مايعني أن نغفل عقلنا ومخيلتنا وقدراتنا ((ولو تلاحظ اخ العنيد تجد في منتدى الشعر تجارب ومحاولات وكتابات ذاتيه للأعضاء لان هذا المجال بإمكان أي واحد يخترع ويبتدع فيه كلام )) ولكن مانستطيع ان نبدع من عندنا في المنتدى لاسلامي او الكمبيوتر او....الخ


أما لو كان قصدك ان كل اللي بالمنتديات فقط من المجلات ولانعتمد على كتب موثقه "" فهذا عيب بعضنا+ ولو اني أثق بأن هناك من يأتي بمعلومات من كتب قرأها أو درسها أوسمعها من أناس ذو علم "" وأعرف ناس منهم .

هذا كل ماعندي والسموحه يالعنيد تراه لادكتاتوريه ولا هم يحزنون وعلى مايقولون الاختلاف في الراي لايفسد قضيه .....وحياك الله مرة ثانية [/c] bgfgt)

أولاً... يا العنيد الناس وصلت المملكة وبرج العرب وأنت باقي العنيد....ههههه
ثاني حاجة ...ما بزيد على ما قالوا الأخوان ... ولكن اللي ما يقرا جرايد يدخل على منتدى بني عمرو ليستطيع القراية ... واللي قرا يروح يشوف منتدى ثاني أصرف له....

اقروا ردود الاخوان والاخوات :


العمري ـ

مناوي ـ

شمس الفجرـ

سمااا ـ





هذي ردود تخليني افتخر.... واتاكد بعد ان فيه من يأيد كلامي ؟




صح



قولوها بصراحه ولاتخجلون .

اخي العنيد
احييك بتحييه الاسلام
السلام عليكم ورحمه الله وبركاته
احببت ان اقووول لك وصلت عدد المنتديات بالمجتمع السعودي فقط 31 الف منتدى على حسب اخر اخصائيات مدينه الملك عبدالعزيز للعلوم والتقنيه .. عندما ترى هذا الكم الهائل من المنتديات فماذا تعتقد انه سيكون بها هل بكل منها شي مختلفا عن غيرها
صعب ويكون التميز والاختلاف غالبا في وجهات النظر فهذا هو احد الاسباب التي تجعل من بعض القراء نقل المواضيع والاشاااده بمصدرها


لكن !! كيف نجعل منتدانا مميزا ونعرف المواضيع المنقووله او غيرها
هناك حل :
انشاااء قسم خاص يندرج في المنتديات العامه لجميع المواضيع المنقووله فتصبح بذالك متواجده بقسم معين ومعرووفه
وبنااء عليه اي موضووع يشير اليه صاحبه بكلمه منقوول توجد له نسخه بهذا القسم ولا يتغير من القسم الذي وضعه فيه الكاتب
وبها الشي تسند المواضيع لا اصحابها او الى كلمه منقووول



بالاخير اشكر الاخ العنيد على النقاااش واتمنى ان يتقبل ترحيبنا له بفائق التقدير والاحترام
واسئل الله ان تكون نعمه لا نقمه على هذا الصرخ بالاطروحات والتواجد


تحياتي لكم
ودمتم بود