الفيس بـوك /عبدالواحد

يامؤسس موقع الفيسبـوك جهـدك نصبـك ملـك =
القيادات زعما وملوك وانـت اللـي تقـود العالـم =
ديناصورات العروش امسـوا بلاهيبـة ولا سلطـان =
حط عرشك جنب عرش ابليس داخل منطقة برمـودا =
وانتظر وش ينسجون الناس حول العرش من ساطير =
في خلال آقل من شهر اسقطوا جندك حكومة تونس =
واهل مصر وسوريا واهل اليمن باتوا علـى وشـك =
لو تجمهر حول قصر اكبر زعيم اهون رعاع الشارع =
القصور الفارهة يمكن تصير ابشع مـن السجـون =
ماينجيهـم مـن الجمهـور لا ثكنـه ولا ترسانـه =
يصبحون اهون من الجرذان فـي داخـل جحورهـا =
الا حنا يا سعوديين فـي ظـل الملـك بـو متعـب =
الله الله فــي التـلاحـم ياحكومتـنـا وشعبـنـا =

مع اطيب الامنيات لكم..

الله لايهينك
ومشكور على هالصورة اقصد الشيخ بن محسن
اما القصيدة اسمح لي اقول ماودي
متناقضه ولكنها جميلة

صح لسانك يابو متعب عليها
يلوموني فيك العرب
قصيده رائعة بكل ماتعنيه الكلمة
كل الشكر لك يا الاماكن على النقل
تقديري

عبد الواحد شاعر مناسبة بكل ما تعنيه الكلمة ..
يحضر وقت اللزوم فيحط كلام يجمد على الشارب ..
شاعر رائع وصاحب وصف وإقناع بقصائده المميّزة دائماً ..
دائماً عندما تثق بالشاعر وتُفضله فأنت تقرأ وتسمع له بكل إعجاب ..
وهكذا حال الكثير مع عبد الواحد وانا احدهم بكل صدق ..
تقديري لك أخي الأماكن ..

تسلم يا الغالي بيض الله وجهك على هذا النقل وصح لسان شاعر المناسبات

الشاعر عبدالواحد وابيض وجه
لو تجمهر حول قصر اكبر زعيم اهون رعاع الشارع

القصور الفارهة يمكن تصير ابشـع مـن السجـون

ماينجيهـم مـن الجمهـور لا ثكنـه ولا ترسـانـه

يصبحون اهون من الجرذان فـي داخـل جحورهـا

الا حنا يا سعوديين فـي ظـل الملـك بـو متعـب

الله الله فــي التـلاحـم ياحكومتـنـا وشعـبـنـا

الشكر والتقدير للجميع على المرور والله يبيض وجوهكم جميع

الاماكن