اه اه اه ا ه ا ه الجرح خل الجرح واسبابه.....؟

لاتلمس الجرح خل الجرح وأسبابه..
الله يخليك مافيني مكفيني..
حتى حبيبي زمان الحب ماجابه..
كان آخر انسان متصور انه يخليني..
يكفي انه ترك لي شي اشقابه..
دفتر قصيد وقلم مسجون بيديني..



أنا تعلمت الهوى تحت يمناك..
درست معنى العشق حسب اختياري..
مبغاك تعشقني ولكني أبغاك..
لاضاقت الدنيا تصير داري..
وابيك لامني تزاعلت وياك
ترضي غروري قبل أجيب اعتذاري..
وابيك تدري لو أحاول بفرقاك
إني بحاول قبلها بانتحاري..!



لو تدري الشوق بعدك وين وداني..
مكان والله يمر البعد في بالك..
تبقى حبيبي ولو تزعل وتنساني
تبقى بقلبي كبير ودايم لحالك..
الليل بعدك ظلامه طال وأشقاني
والفجر نوره تعذر يطلب وصالك..



الحب معنى للوفا بين قلبين
ياعاذلين القلب لاتعذلوني
لاصار من تهواه يسوى ملايين
ودك تحطه فوق كل الظنوني
حتى لو انه بعيد عن العين
البعد بعد القلب لاتشغلوني
أنا كذا طبعي كذا
لاتقولون ..حتى مع الغالين
طبعي جنوني!




من يقول اني بنسيانك نويت
وإن تناسيتك يذكرني التعب
مستحيل أنساك لوحتى قويت
وإن قويت أنساك نسيانك صعب
في دقايق غيبتك ياما بكيت
ياما لعيونك تجاهلت العجب
كنت ادور فيك عيب ومالقيت
وان لقيت العيب يعجبني عجب!




المعذره ياحب ماني بناسيك
مانساك لو تنسى الليالي قمرها
ارسل فؤادي بالرسايل يخاويك
طاريك يطريلي وروحي سمرها
ياوقت لاترمي علينا بلاويك
من برها أوديتنا في بحرها
الحب حبك والمحبه تحييك
حبك غمرني والمشاعر نثرها



حقيقه صفحتي بيضاء
ولاعمرىجرحت انسان
اساير وقتي القاسىبظلم وغيظ عدواني
ولا أذكر شكيت الحال لأي انسان مهما كان
أخفىقصة الحرمان عن القاصي وعن الدانى
أجامل وابتسم للناس وانا كلىشقىوأحزان
اقاوم دمعي ولكن عيوني حيل تفضحني




أنا الذي من شوف الأحبابت عنك ردني الشوق ولهان~
وان غبت عني ما ادور بديلك~




خيط الأمــــل يبقى أمــــــــــل لو كان خيط العنكبوت
واللي عرف درب الــــغلا ماكـــل شيئ يزعلـــــــه
إن كان يحيك الــــــــــــوله فأنا على وصلك أموت
لعيون باكر يومنا شوق ومحـــــــاذير وولـــــــــه




إبي أعرف بقلبك وش مكاني~
وأبي أسمع احبك لو دقايق.~
تكلمي ياحياتي بس ثواني..~
وزيل الشك من قلبي حقيقه.~
تكلمي وابعدي الهوجاس عني~
وبعلا صوتك رددي الحقيقه.~
ترى يازين ماجاني كفاني..~
عذاب الصمت من يقدر يطيقه.




كم من حبيب عن حبيبه تخلى..
هذا نسى حبه وهذا مفارق..
ولا انت حبك بالضماير تولاّ..
وأخذ على قلبي عهود ووثايق..
وأستبشر الخاطر بحبك وهلاّ..
بشرى السجين بيوم فك الغلايق..
سوالف من سمعها مايملاّ.
ينسى العنا والهم لو كان ضايق..




ترمي الكلام
تظن قلبي
بيجهلك..
اصعب كلام،،
اللي جروحه "ماتـــــــــــروح"
دايم افكر كيف "اوصـــــــــــــلك"
وانت تفكر كيف تهديني "الجــــروح"




كلمةأحبك غاليه بين الأحباب.
لاقالها خلي أحس بغلاها.
أعطش لها دايم وأدور لها أسباب.
أبيه ينطقهايردد صداها كن العسل من شفته فوقها ذاب.
زود على كلمة أحبك حلاها
ياليتني وياه في صفحة كتاب.
قصة غرام وكل عاشق قراها




أشره عليك وتحسب أني مجافيك
وأغيب عنك وتحسب أنه تغلي
مهوجفا ياصاحبي يوم ماجيك
مالي بغيرك يابعد كل من لي
لاوالذي سواك محد يساويك
غلاك ماخلى لغيرك محلي
أن غبت بالوجدان روحي تناديك
وأن جيتن*ي كل المشاعرتهلي




لاتشتري من حاولويخسرونك
ولاتخسرالي فكر
بيوم يشريك
مافيه اجمل من صديق
يصونك
ولافيه اقسامن قريب
يعاديك
اكبر خطانسيان من
يذكرونك
اجمل ((امل ))حب جديد
يناديك
اكبر قهر لاصار ناس
يبونك
وانته تبيهم بس حظك
لعب فيك




مايصير انساك لا مايصير
وفي خفوقي لك محبة
واحترام
قبلك الدنيا مثل حلم صغير
وعقبك الدنيا غرام في
غرام
انت مثل النور في عين الضرير
لا لمحتك مابقى حولي
ظلام
فيك عمري فيك روحي والمصير
فيك كل ايام عمري والسلام





حبــك اللي تدعـــي هو حب ذاتك
ومن يحب الذات مايخلص لغيره
غرنــي فيــك ظـــاهـــر صفاتــك
غــلطــتي ياللأسف كانت كبيـره
مات حبك والبقيه في حياتك
في حنايا خافقي لاقي مصيره
خذ مع الجثمان باقي ذكرياتك
تجربه حبي معك كانت مريره





ياشوق خبرني
عن اللي أنا أغليه ..
عن واحد روحي
بحبه شغوفه ..
أغليه انا من بد
الخلايق وأفديه ..
أحس للفرحة طعم
يوم اشوفه ..
يطلب عيوني ..
يطلب القلب ..
وأعطيـــــــــه
أرهن حياتي بين
ضمة "كفوفة"




حاولت ..
في قلبي وأنا أقول أبنساك
وأعيش ..
دنيا في حياتي جديدة
أثر ..
الغلا ماتعجبه غير دنياك
والقلب..
غيرك ماسكن في وريده
اشتقت ..
لعيونك وصوتك ونجواك
واشتقت ..
لضروفك ولو هي عنبدة




أعزك كثر ماهلت عيون اليتيم دموع
أعزك كثر ماذقت الطعون وقلة الراحه
أعزك كثر شكوى الفقير وضايقات الجوع
أعزك كثر مابحر الغرام يضيع سباحه
أعزك كثر مايصعب على الشفه تحب الكوع
أعزك كثر مايفرك نديم الهم مسباحه




لو بغيت أصد عنك ماقويت
وإن بغيت افارقك قلبي خفق
من يقول اني على هجرك نويت
قله ان قلبي بحبك محترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت
فوق مجداف الهوى قلبي غرق




دام الأماني ماتجي لي على كيف..
ليه أجرح نظرتك بانكساري.
الصبر ظالم والزمن سطوته سيف
ولاباقي عمر يشيل انتظاري..!




أبيك تدري صوتك العذب لاغاب,,
أحس نفسي تنكسر من غيابه..
أدمنت صوتك وان تثيقلت كذاب..
من يعشقك لاغبت يفقد صوابه..
علمتني ان الوفا طبع الأحباب
ورسمت عمري وردتين وسحابه



تعرف
وش العذاب
على أصوله..؟
العذاب
انك تحب
انسان مايعرف
غلاتك؟؟
العذاب انك
تحب انسان
يتجاهل حدودك!!
العذاب انك
تعذب كل
قلب يشوف
قلبك..!
العذاب تعيش
بعالمك
من دون حب!!
العذاب يموت
قلبك ولا احد
يعرف بموته..!




ناد الحبيب الي توده وتغليه..
مادمت حي ودام عينك تشوفه..
لوصد يشفع له معك حلو ماضيه
وحقه عليك إنك تقدر ظروفه..
بإختـــــصــار
شخص عطاني وده أبد
مانيب ناسيه..
ومن شرى ودي..
أنا دايم الدوم شاريه




قولوا لها تكفون أني لها مشتاق
قولو لها قلبه تحرق به الأشواق
قولوا لها عن حالتي والي جرى من بعدها
قولوا لها يا صحبتي أسهر أناجي طيفها
قولوا ولا تخبوا أبد يمكن تجي وتحس بي


تقبلووو تحياتي عبدالعزيز اليوسف (ابوخالد)

ddfrad")

روعة هالمشاركة يابو خالد

لكن بعد إذنك بنقلها قسم الاتصالات ..

لأنها على شكل مسجات رووووووووعة ..

يعطيك العافية ياخوي

ترمي الكلام
تظن قلبي
بيجهلك..
اصعب كلام،،
اللي جروحه "ماتـــــــــــروح"
دايم افكر كيف "اوصـــــــــــــلك"
وانت تفكر كيف تهديني "الجــــروح



يسلمووووو ابو خالد

الله يعطيك العافيه على هذا الابداع
والحقيقة انك معودنا على تقديم الجمال والابداع
تقبل خالص الموده
ابو عبدالله

عبدالعزيز

يعطيك الف عاافيه

فعلا روعه هذه المقااطع

والاجمل هو ماتقدمه من ابدااع

تحياتي

روعه اخوى عبدالعزيز الله يعطيك العافيه مجهود تشكر عليه


تحياتي

الأخ العزيز
عبدالعزيز اليوسف
تسلم يالغالي .. كلك ذوووووووووق..

دمت بخير.. أخوك أبو مانع ..

اشكركم جميعاااااااا

مروركم وتعليقاتكم اسعدتني كثيرااااااا


لكم منى التحيه والتقدير

موضوع مميز ومعلومات بغاية الجمال