( اصعب سؤال ) اللي جوابه للأسف مثله ( سؤال ) !!

أنقل لكم قصيده للشاعر المبدع

محمد جار الله السهلي
.
..
.




( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :


البارحه يومه سأل : ( وش ذكرك ذيك الليال ؟ )
كان الجواب بكل بساطه : ( من متى اصلا نسيت ؟ )


ادري بان جمع ( الصعوبه والبساطه ) شي محال !!
لكنها صارت كذا ! واللي (( اهم )) اني دريت :


ان الحياه فبعد احبابك اذا جف الوصال
اتعيشها لو تقتنع انك خلااص اصبحت ( ميت !!)


يا صاحبي لو كل شي يمر بالخاطر يقال
ما كانت العبره تــــولجني اليامنك طريت ؟!


شفني قدرت احبس دموعي بس ( دمع القاف ) سال
ويا كبرها ساكت ولكن داخل اوراقي بكيت !!


عمر الحكي ما كان دافي لاابتدى بقولة تعال
لجل اتجاهل رجفة حروفي اليامني حكيت ..


الحال في بعدك قسم بالله ما اسميه حال
انوي على الضحكه واحس كلي خطا لاني نويت ؟!


اتصور انك من رحلت اشوفك لجسمي ظلال
لا شفته امشي ببتعد واثره معي مهما مشيت !!


مدام يعني في بحرك لفرحتي مليون جال
وش فيه موجك ما ركد ؟ قربت اموووت وما رسيت ..


يرضيك ما عادت معي تفرق اذا جالك مجال
لاني اقتنعت انك نهايه واني ببطي ما بديت !!


صرت ( اعقد حجاجي ) اذا جابوك باطراف الجدال
وانا قبل لاقالوا اسمك كني : ميت ثم حييت ..


تعبت اعيش الدور وافتح للمعاذير الخيال
واتخيل اني جيت في بالك وبانك استحيت ..


وتردلي كلك (( وله )) وتقول : ( كن البعد طال ؟ )
ومن الفرح ما عاتبك واقول : ( ياخي مابغيت ! )


حتى وانا تخيل حشمتك ! لن قلبي لا يزال
يكرر اسمك داخل اعماقي بنبضه لا سهيت ..


قلي شسوي فيك ؟ وانت بداخلي اصدق مثال
للحب واحساس القصيد ان عانق الليل وسريت ..

ربي يصبرني على الفرقا مدام الحظ مال
وانت بيجيلك يوم تعرف ليه في بعدك شكيت ..


واذا بلاك الله وعذبك اشتياقك (( بس تعال ))
واقرى القصايد في غيابك كلبوها بيـــت ... بيـــت ..


بتدرى ان ( اصعب سؤال ) اللي يجي رده ( سؤال )
لا قلتلي ( وش ذكرك ؟ ) ثم قلتلك ( متى نسيت ؟ )

هذي ما هي قصيدة هذي (القصيدة)

صح الله لسان قايلها

وسلمت يد ناقلها

مشكور اخوي وسلمت على مرورك

راااااااااااااااائعه القصيده
سلمت يدينك على النقل

ضي العيوون

صحت يد ناقلها وصحت لسان قايلها وتقبلوا خالص حبي

والاروع حضوركم

	سلمت يداك والله يعطيك العافيه على نقل هذى القصيده الجميله التى تعبر عن صطورها قد يعجز لسانى عن اتعبير فى هذا النقل الرائع واخاف لا اوفيك ولكن ؟؟؟؟؟ تقبلى الزين منا وغمضى عن الشين ولك تحياتى

فهد المالكى

اسيرة الفرح
شاعر إنجازه مشاعر
صح لسانه وعلا شانه والله
وسلمتي على نقل مثل تلك

يعطيك الف عافيه ولك الاحترام

اخووك