علمتني كيف احبك لاتوهقني علمني كيف انساك ولاتستكثر الباقي

بعد المحبه , علامك مانت طايقني ؟
وانا على خبرك أشواقي هي أشواقي



اسلوبك اليوم يقتلنـي ويحــرقـني
سؤال .؟ ابسألك وين اسلوبك الراقي



حتى كلامك معي بلحيل مقلقني
والشك في داخلي ماعاد ينطاقي



ان كان قصدك تقول إرحل وفارقني
!برحل ولكن مصير الحي متلاقي



وان كان قصدك تغلا وانت عاشقني ؟
ابشــرك ماتغير شــي بعمــاقـي



وان كنت تمزح ؟ أمانه معك روقني
تراي مكسور خاطر وانكسر ساقي



بس بصراحه , من الآخر وصدقني
صدمتني واستراحت . هقوة الهاقي



ياليتك تحس بحساس ٍ مضايقني
وياليت تقرى كلام ٍ داخل احداقي



حلمك منول ! في هالدنيا تحققني
واليوم في بحر غدرك ناوي اغراقي !


والحظ الاقشر يوم إنه فيك علقني
خلاني دايم على شوفتك مشتاقي

أتمنى أن تنال استحسانكم الغالي

صح لسانك ..

الف شكر للمرور الكريم

أبيات رائعه
صح لسان شاعرها
سلمت على الإختيار المميز

حروفك تحمل التميّز
وهنا بين حنايا حروفك
يتأجج ابـداعك وتتـوهج أبجديتك نوراً براقاً
اعجبتني كثيرا كلماتك التي تلامس الابداع
احسـاس يــفوق واقــع الحياة
اقـدم لك احترامي لقلمك المميز
الذي يرسم لنا دائماً اروع الكلمات
سلمت يمناك ودمت على الابـداع
لروحك انفاس الورد

الف شكر على المرور الكريم الله يعطيك العافية