لا انت وجه للرجوله ولا انت قدها ,,

( مساء\صباح الخير )
جبت لكم قصيده حلوه بس قويه شوي ..
[اخاف الرجال الحين يقومون يهبدوني لين اقول من خلقه]
بس اعذروني ووالله مااقصد شيء بس اعجبتني وقلت انزلها لكم ؟؟؟؟؟؟



قبل لانتفاهم أبي منك ترمي عقالك..
ترى لا أنت وجه للرجوله ولا انت قدها ..

وعينك هذي تنزلها لاوقفت انا قبالك ..
ولاتقاطع في كلامي والزم الفاظك حدها ..

لاتساهل في كلامي واحفظه وخله في بالك ..
أنا بنت ورثت العزه من أبوها لجدها ..

مايهزها مجرد وجودك كبرياها مايكسره امثالك ..
والكرامه قبل تعرفك راضعته بمهدها ..

غلطان ان كنت تحسبني شيء تبعك ومن حلالك ..
أنا أكبر من طموحك وشف يدك لابغيت تمدها ..

اللي مثلك شخص ( خاين ) يستحي منك ظلالك ..
اللي مثلك مامشى درب الرجوله وماوصل لمجدها ..

عزتي عيت تنازل لجل اعاتبك على فعالك ..
خلنا من "قصة خيانه" وقلي كرامتك وش عندها ..!؟


وين الرجوله اللي تقول؟!
كيف ترضى يكون حالك ..؟!


وين عقلك طار له؟ يوم تلحق مرها وشهدها ..


لو سِألت عن المهانه قلت: تجسد من خلالك ..
يوم ترمي بالرجوله وتركض وتمسك يدها..!!

ان كنت تسأل عن شعوري أبشر بجاوب عن سؤالك ..


تدري !
فرحت!

لأني عرفت محبتك قبل يطول بعدها ..



أدري اني في يومٍ قلت: أني عشقت حتى خيالك ..
وأنك قد كنت بحياتي شمسها ، وظلها ،وشوكها ،، ووردها ..

لكن دموعي أنا على كل لحظاتي بوصالك ..
يوم تخدعني بحبك وتنقل كلامك اللي تقوله عندها لكن ..

مضى كل هالزمن وماني فيه أصغر عيالك ..
أنا أداعب هالنجوم واسأل الشمس عني يامى لثمت بخدها ..

واللحين بشوفك وانت تقفي ساحب عز متهالك ..
ولم أعذارك معك يشرفني اني بكل بساطه أصدها ..

مستحيل أقبل عذر أنا أعلنت عن حياتي إعتزالك ..
والهدايا اللي وصلتني عفواً .. أنا بردها

لحظه


قبل تقفي لاتنسى تنحني وتاخذ عقالك
واحترف طقوس المذله ..
اركض ألحقها شفها تمشي لوحدها


\\منقوله\\

الاخت الغاليه مهيضة
اشكرك على اختيارك لهذه القصيدة الرائعة
بس ليه الرجال يهبدون ما فيها شيء

..كم رجُل ما فيه خير وكم مره تسوى مئة رجال..
إللي يجيبها على نفسه يستاهل اكثر مما فيه هذه القصيدة
بس القصيدة فيها شموخ وفيها عزة بعد وفاء لشخص لا
يستحق الوفاء والتضحية والبيت هذا في قمة الشاعرية
وقمة الشموخ وعزة النفس ..
مضى كل هالزمن وماني فيه أصغر عيالك ..
أنا أداعب هالنجوم واسأل الشمس عني يامى لثمت بخدها ..


تقبلي تحيتي وكل عام وأنتِ فال خير..

نقل موفق .

يستاهل الرجال الي يحط نفسه في هالموقف

تقبلي مروري

[المحترف ,, سمير]
مشكورين وشرف لي مروركم ...