&&~&&خيانة حـــــــب تنهيني&&~&&

دخيل الله ياقلبي أنا طالبك تعفيني
... أنا طالبك تنساااااني ولو مره تخليني
أعيش بدنيتي وأهنا مثل باقي البشر سالي
... بدون الحب ياقلبي وبدون هموم تكويني
أنا ماعاد فيني روح تبيها تتبعك ثاني
... انا فيني جسد باقي بدون شعور يحويني
على كثر القلوب اللي هوينا ماصدق واحد!!
... ياقلبي ابتعد عنهم ترى اللي فيني كافيني
زرعْت الحب فأعماقي وحصدْت جروح تاليها؟؟
... وردى هالحظ خاواني ولقى كل مايبي فيني
كثير أحباب حبينا وعطيناهم بدون حساب... ولاخذنا سوى غدر ٍ ملا راحات كفيني؟؟
وكثير أسباب تجبرنا بلا حسوفه نخليهم
... لأن والله مافيهم ولا واحد ملا عيني
ولكن أكبر الصدمات جتني من يدين اللي
... حسبته غير كل الناس ومايعنيه يعنيني
هذاك اللي تصورته طموح العمر ياقلبي
... هذاك اللي تخيلته هناي وضحكة سنيني
عطيته من دفا روحي قصايد أشعلت ليله
... وأنا ما أكتب لغيره ولا أي شخص يغريني

كتبت أحلى كلام الحب في عينه ولافكرت
... يجي اليوم اللي أستخسر قصيدي في محبيني

على مبدا (الخصوصيه) يحاول يبعد شكوكي
... وعلى مبدا (الصراحه) كنت وكانت لعبته فيني
خذلني للأسف والله وهدم كل مابنا بلحظه
... وطلع هالحب مايسوى مواطي تراب رجليني
أنا كنت أحسبه أعظم علاقاتي ولاظنيت
... بأن أعظم علاقاتي بخيانة حب تنهيني!!
ويـمّـي صاحبي دايم يذكّرني بوهم حبي
... وأقول ارتاح ياعمي ترى مالك شغل فيني
خسرت أصحابي من حولي خسرت الكل بأسبابه

... ألا حسبي عليه الله كثر ماهو معنّيني
أفااااا ياقلبي الطيب...أفا وشلون ترضاها

... وأنا من صدمة ٍ بالحب إلى صدمه توديني
بدون عناد اسمعني ولا تفتح لي الموضوع
... حشا لو تفتحه ثاني لأشيلك من شراييني
خلاص الحين انساهم وأنا ماعاد فيني حيل
... لهم رب ٍ يجازيهم/ ولي رب ٍ يجازيني

هذة مختارة قد نالت الكثير من احاسيسي

لذلك اقدمها بين يديكم

جرح الذكريات
بكل إحساس راااائعه
وذائقتك ايضاً رووعه
دمتي ودام لنا عطائك ولاهنتي

احترامي وتقديري
اخوك

المسكت&& أخي الكريم أسعدني تواجد ردك في متصفحتي
شكرا لك
أختك *جرح الذكريات*

خذلني للأسف والله وهدم كل مابنا بلحظه
... وطلع هالحب مايسوى مواطي تراب رجليني
أنا كنت أحسبه أعظم علاقاتي ولاظنيت
... بأن أعظم علاقاتي بخيانة حب تنهيني!!

صح لسانك جرووووحه على الأبيات الحلوه
فعلا كانت كلمات تلامس الإحساس
يعطيك العافيه
أختك00أميره بدنيتي

أميره ببيتكم **صح بدنك يالغاليه مشكوره عالرد ياقمر إنتي
أختس **جروحه**

صح لسان قايلها

وسلمت يمينك

لا خلا ولا عدم