ودي أسولفــ .. كيبورديه

صدفه لقيت الغـــرام وشاغل أنظاري
......................................ودي أسولف معه ما دري وش أقل له

لخبط علــوم الشفــاه وكـركب أفكاري
.....................................عـــرّقت واللــي يرانــي قــال بي عله

من قبل لامن حكوا بأسمـه على الطاري
.......................................أحترّ من غيـــرتي وأطفــح كمـا الدله

كنـــي أدوّر من الحـاكي علـــى ثاري
........................................حتـــى ولو كان أعـــزّ النـاس وأخ له

من رهبة الموقف أعصــابي بتنهاري
....................................متبلكـــم والحكـــي مكسـوف من الذله

من كثــــر ماســـرني بكيت من ناري
...................................... ودي عن الأرض بكفــوف الغلا أشله

أبي علومـــه وهو نفســه فـي أخباري
.....................................لاهـــو حكــى لــي وأنا كني على مله

متلهف لــي ونفســـه يعـرف أسراري
......................................مـا يـــدري إن المشــاعر منــه محتله

فقلــــت أنا مثـــل عـــودٍ يابسٍ عاري
..................................... نشفـــت عـــروقه بعـــد مافـارقه ظله

رد ونشدني عن آخــرشـيء بأشعاري
...................................... قلت أنت شــيء القصيد وبعضه وكله

يدري إن قلبــي معـــه وأنا بعـد داري
..................................... بإنه معـــي دوم فـــي ترحــــاله وحله

بكيت مــن فرحتــي وأبتلــت أنظاري
.......................................ومن كثرهـول الفرح مادري وش أقله



مودتي وغلاي لقلوبكم الطاهره

صح لسانك وعلا شانك كلمات درر الماس تحاكي نبض العاطفة وتوقض
حنان المشاعر للعاني معها وقفة وللمحب منها لهة حاولت الاقتباس
الا ان تلاحم عباراتها وجمال حضورها لم يسمح بتفريق ابيتها
ولا عجبا فهي لشاعر كبير اعطا القوافي اجلا وشموخا اينما استخدمها
اعذر حضوري القاصر ولك فائق السلام
تحياااااااتي

يالمعذور

صح لسانك وبيض الله وجهك يالشاعر
ابيات عذبه امتعتنا بها
تقديري الكبير لك

حيالله المختفي
مرحباً ملايين ابو عبدالله
ودي انك معي في المخيم كان رديت عليك
صح لسانك على هذه الابيات الجميله
تقبل مودتي
ابو عبدالله

صح لسانك شاعرنا المعذور

ابو عبد الله شاعر مبدع ومميز أعجبتني هذه الصدة
جدا لله درك على هذا الدرة الثمينة صراحة خيال واسع
راقي لي بقوة

أبدعت وأمتعت
سلم فكرك وصح نبضك
لاهنت

المشاركة الأصلية كتبت بواسطة المعذووور

رد ونشدني عن آخــرشـيء بأشعاري
...................................... قلت أنت شــيء القصيد وبعضه وكله

يدري إن قلبــي معـــه وأنا بعـد داري
..................................... بإنه معـــي دوم فـــي ترحــــاله وحله

هذا في قد علومنا وسلامتكم ..
هنا السالفة مبتداها ومنتهاها وروعتها وجمالها ..
القصيدة بدون شك من أروع ما يكون ولعلها بحر من السوالف والعلوم وكل قارئ يتخذ منها
ما يرى فأما ما رأيت فهو هذين البيتين وعلمها يكفي ..
جميل القصيد عندما يجيده شاعر رائع ويعطي فيه المساحة لكل متذوق فيختار ما يرى ..
الكلمة أحياناً تكفى متى ما كانت ذات صدى فأسمح لي باختيار البيتين لأن كل القصيدة متعبة
لكاهل الذوق وقد يضيع من يرصد مجملها وأنا أحدهم ..
ولذا هذين البيتين أروياني شعراً ..
صح لسانك ولك تقديري ..

مبدع يابو عبد الله ........ لايمها كولها في سمرة في البداوة على هرفي في الصيفية

يعطيك العافية .......

الله عليك

ينحني القلم امام هذه الاسطوره الرائعه
تحياتي ...

تسجيل إعجـــاب
ولي - باذن الله - عودة

الله يعطيك العافية وصح لسانك

رد ونشدني عن آخــرشـيء بأشعاري
...................................... قلت أنت شــيء القصيد وبعضه وكله

يدري إن قلبــي معـــه وأنا بعـد داري
..................................... بإنه معـــي دوم فـــي ترحــــاله وحله

بكيت مــن فرحتــي وأبتلــت أنظاري
.......................................ومن كثرهـول الفرح مادري وش أقله

المشاركة الأصلية كتبت بواسطة ظافر ال عثمان

صح لسانك وعلا شانك كلمات درر الماس تحاكي نبض العاطفة وتوقض
حنان المشاعر للعاني معها وقفة وللمحب منها لهة حاولت الاقتباس
الا ان تلاحم عباراتها وجمال حضورها لم يسمح بتفريق ابيتها
ولا عجبا فهي لشاعر كبير اعطا القوافي اجلا وشموخا اينما استخدمها
اعذر حضوري القاصر ولك فائق السلام
تحياااااااتي

بيض الله وجهك على الحضور

وأنا أتقدم بخالص اعتذاري عن الغياب والتأخير

أغلى ودي ومودتي

المشاركة الأصلية كتبت بواسطة ابن عياش

يالمعذور

صح لسانك وبيض الله وجهك يالشاعر
ابيات عذبه امتعتنا بها
تقديري الكبير لك

بيض الله وجهك على الحضور

وأنا أتقدم بخالص اعتذاري عن الغياب والتأخير

أغلى ودي ومودتي

المشاركة الأصلية كتبت بواسطة صالح آل سلمان

حيالله المختفي
مرحباً ملايين ابو عبدالله
ودي انك معي في المخيم كان رديت عليك
صح لسانك على هذه الابيات الجميله
تقبل مودتي
ابو عبدالله

بيض الله وجهك على الحضور

وأنا أتقدم بخالص اعتذاري عن الغياب والتأخير

أغلى ودي ومودتي