بعض العرب حبه يوردك الجنون

بعض العرب حبه يوردك الجنون
ولا يوصف له غلاه إحكاك له

مايقنعه وصف الغلا لو وش يكون
لو كل حرفٍ بالحرير يحاك له

الموت جاك وهو تقلبه الضنون
ولا لك إلاّ الصبر....وش وداك له؟

إن قلت ضايق..قال : هونها تهون
مايدري إن ضيقتك له وبكاك له

تقعد تحبه وأنت ساكت ومغبون
يمكن بيوم يقال له ما أوفاك له

وكانك مشكك هو يمون أو ما يمون
تخيّل إن عفت الصبر فرقاك له

غلاه من فوق الغلا ماهو بدون
وحكاه سمعك يجبرك بارخاك له

ودك تحطه فالعيون من العيون
وتبسط على رمضى الثرا يمناك له

وتظله من الشمس في ظل الجفون,,,,
ولا يمر إذنه سوا لباك له

وتسج من غيره لونهم يذكرون
ومنين ما سجت القدم ممشاك له

فلو ٍ يميله الترف ميل الغصون
غصن ٍ ليان ومكرمه بسقاك له

جديله إلى أقفى ستر منه المتون
كنّي بريحه لالتفت لدعاك له

يزها الملابس ..أي لبس ..وأي لون
وفالليل وجهه لا ظهر قداك له

كيك وعسل لكن ماهو في صحون
ودعاك من عين الحسود أغطاك له

الله لا يعطيه ناس ينضلون
ويستر عليه من النحل لا ياكله

الوصف والتعبير في وصفه يخون
غير أطلب الله يستجيب إدعاك له

وعذال قلبك في محبته يخسون
سكينهم عن قطع حبله حاكله

اللي من لحوم الأوادم ياكلون
وحلوقهم دافع البلا متواكله

ناس ٍ عن أعراض العرب ما يعرضون
ودايم على نفس الشكل والشاكله

في سلمهم أولا بالأكل الأقربون
وأطيبهم اللي صيدته شكواك له

يدعيهم الشيطان للذنب ويجون
هذا يقطع له وذاك يواكله

ياجعلهم فدوة ثر الغض الفتون
اللي على الدرب الطويل أخطاك له

طيفه إلى نام البشر زارك بهون
وطيفك إلى نام البشر سرّاك له

حبه دفان ومقبرة خضر الطعون
بين العظام العوج كنك تاكله

اللي كذا حبه لو تموت مغبون
ولا لك إلاّ الصبر وش وداك له
----------------------------

منقول

انا اشهد

صحت يمينك على النقل الرائع وسلم قائلها صدق إنه فنان وشاعرها !

تقديري لك

وتظل دوم عنوان للتميز في نقولاتك الراقيه

هذه القصيدة جابت البيرق لمحمد بن فطيس في شاعر المليون النسخة الأولى

يعطيك العافية ......... نقل مميز ولك تقديري

غلاه من فوق الغلا ماهو بدون
وحكاه سمعك يجبرك بارخاك له
,,
رووعه انا سعودي
لقلبك

الله يقطع بعض الحب يالسعودي
مذا اعبى بروحي إذا وداني شهار هههههه
مروري ولك التحيه

الكعبية

صح بدنك :: والتميز هو تقديركم لي وتواجدكم بمتصفحي

وشهادتك أعتز بها بمشاركتك الغالية :: دمتي في سعادة

أبو سيف العمري

نعم كلامك صحيح :: وشكراً لك على المشاركة :: والله يعافيك

أتعتبني غــلاك

شكراً لك على المشاركة :: دمتي في سعادة

أبو خالد

ماذا ودك نعبى وأنا أخوك :: الصبر طيب :: بارك الله فيك على المشاركة

اختيار موفق بيض الله وجهك

ياجعلهم فدوة ثر الغض الفتون
اللي على الدرب الطويل أخطاك له

طيفه إلى نام البشر زارك بهون
وطيفك إلى نام البشر سرّاك له

حبه دفان ومقبرة خضر الطعون
بين العظام العوج كنك تاكله

اللي كذا حبه لو تموت مغبون
ولا لك إلاّ الصبر وش وداك له

بن ظافر

ووجهك أبيض يالطيب :: شكراً لك :: والله يعطيك الصحة والعافية

كلمآت رآئعه

تسلم الأيآدي .. لآعدمنآك

تحيتي معطره

شوقآني

شكراً لك :: والله يسلمك على المشاركة

اختياار جميل ...
يعطيك الف عاااااافيه ...

شيخة بني عمرو

شكراً لك على المشاركة وعلى الإشادة ::: والله يعافيك