صفير البلبلي ؟

كنت احسب ان الحب الاول مايروح
ثابت على طـول الدهـر ماينجلـي

لكن بعد ماشفت ابو الوجه الصبوح
غيّرت رايي بالحبيـب الأولـي !!

الأولي ماشفـت منـه الا الجـروح
بنيـت منزالـه وهــدّم منـزلـي

والا انت شيّدت المباني والصـروح
وعمّرت قلبٍ كان مهجـور وخلـي

القلب من سبتـك ماظنـي ينـوح
ياجعلنـي مابكيـك ياريحـة هلـي

اصبحت لي ياغايتي اكبـر طمـوح
بعدك دمـار وصحبتـك مستقبلـي

كلي فدا لعينيك والرمش الذبـوح
مع شامتينـك والجديـل المخملـي

وغمّازتينك لا اضحكت لي يامـزوح
تحرق شراييني وتصلانـي صلـي

شاعر ولا عمري خبرت اني شحوح
الشعر بأوصافـك يفيـض ويمتلـي

كل ماكتبت الشعر في وصفك وابوح
جاوب على شعري صفير البلبلـي

على النقا مغليك واحـب الوضـوح
سيّر عليه واتـرك الباقـي علـي

اكذب عليك ان قلتلك ماني شفـوح
في شوفتك يازين : واسمع مايلـي

ماهو صحيح الحب الاول مايـروح؟
هذا انت ثاني بس مسحت الاولي